Góðar bíómyndir og djammið

Vá segi ég bara en ég sá "Efter Brylluppet" í gær með Frank en það er dönsk mynd tilnefnd til Óskarsverðlaunanna...og goðið hennar Ásdísar og kvennagullið Mads Mikkelsen leikur aðalhlutverkið. Þetta er rosalega góð en mjög dramatísk mynd og maður situr alveg negldur við sófann allan tímann. Mads leikur afbragðsvel eins og svo margir aðrirð í þessari mynd. Mæli eindregið með því að þið skellið ykkur á leiguna og leigjið þessa!!
Við sáum líka aðra góða ,en ekki eins góða, mynd um daginn en það er myndin "Lucky number Sleven" sem er mjög spennandi og skemmtileg afþreyging með fallegum og frægum leikurum.

Annars er ekki mikið af frétta af okkur...var reyndar boðið skúringajobb í dag sem við erum að hugsa um að taka þangað til annað bíðst. Þetta eru bara 4 tímar á viku og þetta er á gamla vinnustaðnum hans Franks.
Heyrðu jú við áttum alveg rosa fín helgi en okkur var boðið í mat á föstudaginn og svo fórum við á tónleika og við skemmtum okkur hrikalega vel. Á laugardaginn komu svo Eydís, Óli og börnin þeirra sætu og við borðuðum pizzu saman en greyin voru dauðþreytt eftir laangan dag í IKEA og öðrum búðum. Ég er svo bara búin að vera að lesa vinnusálfræðina en hún er ekkert sérstaklega skemmtileg finnst mér.

Atvinnuleytin

Takk kærlega fyrir góðu ráðin stelpur!! Ég hef hérmeð tekið þá ákvörðun að láta gömlu vinnuna alveg vera því jú það er rétt að ég var búin að fá nóg af því að hjóla úti í kuldanum, ná litlu sem engu sambandi við samstarfsmenn mína, hlusta á kvart og kvein gamals fólks, lélegu skipulagi, miklu andlegu álagi vegna dauðvona og lamaðs fólks og svo margt margt fleira!! Ég ætla bara að reyna að trúa og treysta pínulítið á mig og sækja um á hinum ýmsu leikskólum sem afleysing, ég hef nú þegar séð að það er auglýst eftir afleysingu á nokkrum mismunandi leikskólum og vöggustofum. Ég er reyndar lélegri að leika við minnstu börnin því ég hef svo mikla reynslu af stærri börnunum en kannski ætti ég samt að sækja um á vöggustofunum. Ég komst að því að mín reynsla liggur á mjög takmörkuðu svæði sem er ekki gott því hérna þarf maður alltaf að vera með reynslu eða menntun til að fá vinnu og svo vill það svo "skemmtilega" til að það litla sem ég hef mikla reynslu í er nánast ómögulegt að fá þar sem það virðist vera vinsælasta starf í heimi að vinna með börnum!! Hvers á maður að gjalda? Finnst ég bara hafa verið endalaust óheppin hérna í Danmörku en hvað getur maður gert í því nema bar að halda áfram að reyna.

Ég er svo búin að redda mér fyrstu bókinni og er farin að lesa pínu, ekki mikið! Hún er á dönsku og heitir ,,Det Psykosociale arbejdsmiljø" og ég á pínu erfitt með að innstilla mig á að lesa á dönsku og svo er þetta líka dálítið frábrugðið því sem ég var vön að lesa heima á Íslandi.

Get ekki hætt að skoða myndirnar af "litla manninum" hennar Soffíu ... Guð hvað hann er mikið krútt!!

Háskóli háskóli

Ég skrapp í skólann í dag...byrja samt ekki fyrr en 15. febrúar!!! Komst að því í gær að ég byrja svona seint og svo komst ég líka að því að ég er bara á fimmtudögum frá 13 til 16 sem er ekki mikið... EN svo sá ég að ég þarf að lesa allt upp í 170 blaðsíður fyrir hvern tíma sem er ansi mikið ef það er á dönsku, jú auðvitað er sumt á ensku en alveg slatti á dönsku líka.

Mitt vandamál er semsagt núna að fá mér vinnu sem passar við námið?? Finnst þetta mjög erfitt og er farin að láta mér leiðast alveg gríðarlega hérna heima á daginn og langar að byrja að gera eitthvað. Ég fékk svo hugmyndina í dag að tala við gamla yfirmanninn minn og segja að ef þeim vanti einhvern til að hlaupa í skarðið megi hringja í mig, þannig að ég væri einhversskonar afleysing. Þá get ég unnið eitthvað þangað til skólinn byrjar og jafnvel eitthvað með skólanum. Langar samt í rauninni ekkert rosalega til að fara aftur í þessa skítavinnu en það væri bara auðvelt því þetta er svo nálægt mér og ég þekki þetta út og inn. Æi ég veit ekki?? Svo verður maður bara svo latur og aðgerðalaus að hanga svona heima sem gerir alla ákvörðunartöku erfiða. sjáum aðeins til ...þið megið senda inn ráðleggingar ef þið hafið einhverjar góðar hugmyndir handa mér!! ;)

Knús

Helgin

já þá er það helgarpistillinn! Við fórum á tónleika með þremur dönskum böndum á föstudagskvöldið: 1 2 3 4, Decorate, decorate og Port Largo. Okkur fannnst báðum fyrsta hljómsveitin best en söngvarinn var pínu búttaður og hafði alveg rosalega fönkí hreyfingar og var einhvern veginn mjög skondinn og skemmtilegur. Þeir spiluðu líka rosalega vel saman og voru hressir. Hinir voru ekki mjög frumlegir eða fyndnir þannig að þeir voru ekki jafn skemmtilegir en tónlistin var hinsvegar ekki alslæm. Við hittum vini okkar Peter og Louise en þau fóru svo heim strax eftir tónleikana en ég heimtaði að við fyndum einhvern skemmtilegan stað en það var eins og fyrri daginn ekki mikið um að velja hérna í borg hnakkanna!

Í gær fórum við svo í afmælisboð til Brynhildar og Jens en ég var með Brynhildi í dönskunáminu. Ég var búin að undirbúa mig undir "party" hjá henni en kíkti svo aftur á emailinn frá henni kortér í þrjú og sá þá að "partýið" var kökuveisla kl þrjú og ég leit út eins og dregin uppúr forarpytti!! Eftir MIKIÐ spasl og sprey þá tókst mér að vera komin til hennar um hálf fjögur en við vorum sko á undan flestum gestunum þannig að þetta var hið besta mál. Þetta var mjög skemmtileg veisla með mikið af allskonar fólki og vandamálið var í raun hvaða tungumál við ættum að tala því við vorum tvær íslenskar, fjórir danir, tveir þjóðverjar og svo einn grikki. Það endaði svo með að við töluðum ensku sem var pínu asnalegt því við tölum jú öll dönsku en gríska stelpan talar alltaf ensku og því færðist umræðan alltaf yfir á ensku.

Í dag tókum við svo langan göngutúr í skóginum eins og mjög margir aðrir en veðrið var mjög gott framan af degi en breyttist svo í rigningu. Á morgun á svo að snjóa þannig að það verður fínt.

annars...
TIL HAMINGJU MEÐ AFMÆLIÐ PABBI MINN!!! :)

Litlir afkomendur og framtíðin

Miðvikudagurinn var góður dagur en við Frank fórum til Horsens að sjá litla frænda hans sem fæddist þann 14. janúar (systursonur Franks) en það skrítnasta er að á sama tíma og við vorum að skoða litla krúttið og dást af honum, hann er hrikalega sætur, þá var Soffía að eiga sitt fyrsta barn heima á Íslandi :) Skemmtileg tilviljun !! Ég vil hérmeð óska Soffíu og Jóhanni aftur innilega til hamingju með strákinn sinn og óska þeim góðs gengis með hann. Mig grunaði að þetta væri strákur og svo þegar ég heimsótti þau áður en ég fór aftur til Danmerkur styrktist grunur minn þar sem þau töluðu alltaf um "hann" hehe. Ætli ég fái ekki að sjá eitthvað meira af danska krúttinu en Jóhannssyninum en ég vona samt að ég fái að sjá hann sem allra allra fyrst, var reyndar að hugsa um að taka barnaferð heim til íslands þegar Vera er búin að eiga stelpuna sína hehe, held að hún sé með stelpu.

Svo átti ég "stelpudag" í gær með tengdó og konu frænda Franks. Það var mígandi rigning allan daginn sem var ekki gaman en við höfðum það rosalega gott en fyrst fórum við út að borða á mjög næs stað sem heitir Essence og þar töluðum við um hin ýmsu málefni sem Frank myndi aldrei nenna að ræða og mér fannst líka rosalega gott að fá eitthvað af mínum áhyggjum og pirringi út. Ég er nefnilega búin að sitja hérna nánast ein í heila viku sem gerir það að verkum að maður fer að hugsu um hvað maður er langt frá þeim sem eru manni kærir og hvað þetta land hefur gert lítið fyrir mig. Það er mjög erfitt að vera í svona "blönduðu"sambandi þrátt fyrir að Ísland og Danmörk séu frekar lík lönd, það eru bara svo mörg vandamál sem koma upp sem erfitt er að fá lausnir á. Allavega fékk ég mjög góð ráð og svo skiptir líka bara svo miklu máli að einhver nenni að hlusta á mann og að einhver reyni að skilja hvað maður er að ganga í gegnum. Vil samt benda á að það gengur allt mjög vel á milli mín og Frank en það eru viss vandamál um búsetu sem eru að pirra mig.

Ég er semsagt ekki ennþá byrjuð í skólanum en hann byrjar ekki fyrr en annan febrúar og endar víst þann 31. ágúst!! halló þetta er bara einn áfangi, skil ekki alveg?? Ég er að hugsa um að bíða aðeins með að sækja um vinnu þar til ég hef meiri upplýsingar í höndunum um hvenær ég er í skólanum og hversu mikið námsefni ég þarf að lesa og hvort það er á ensku eða dönsku og þá hversu stór hluti er á ensku og hversu stór á dönsku. Þangað til ætla ég að lifa unglingalífinu þar sem maður vakir lengi og sefur út!! Ég ætla að sjálfsögðu að fylgjast með atvinnumarkaðnum og reyna að finna eitthvað sem mig langar að gera og passar við skólann.

Jæja er búin að segja alltof mikið í bili

Stórt knús K

Andleg og líkalmeg hreinsun

Mér lídur afskaplega vel í dag, ég svaf vel og fór svo út í skóg og skokkadi tar í frábæru vedri :) Tad er eins og tad sé ad koma sumar hérna en tad er ørugglega tíu stiga hiti og sólin skín og tad er bjart næstum allan daginn!! Tad lyftir manni óneitanlega upp. Ég sá í fréttunum ad gródur og dýr eru mjøg áttavilt og vita ekkert hvad er í gangi og dýr sem eiga ad vera í vetrardvala eru vakandi og pløntur sem einnig eiga ad vera í vetrardvala eru ad springa út rétt eins og tad væri vor, skrítid en samt kannski pínu scary tví tetta virkar svo "óedlilegt" og gæti stafad af gródurhúsaáhrifum. Tad er svo óvedur í adsigi en tad er talad um ad vindhradinn geti farid upp í 33 metra/sek en tad er mjøg hættulegt vedur og sjórinn flædir víst yfir allt tar sem fólk býr nálægt strøndinni. Ég sef vært og rótt trátt fyrir ad ég sofi alveg upp vid rjáfur, mér finnst tetta pínu huggulegt hehe en tad hefur verid óvedur hérna seinustu tvær nætur eda svo.

Frank er á leidinni heim til mín og ég er búin ad kaupa grænmeti í girnilegan grænmetisrétt og svo raudvín til ad gera tetta meira rómó ;)

Smá pælingar vardandi heimsmálin...

Ég hef svo verid ad fylgjast mikid med fréttunum og er ad verda brjálud út í USA tví teir eru svo heimskir!! Guatanamo er eitthvad sem madur skammast sín fyrir ad sé yfirleitt til stadar á okkar tímum og svo ætlar Bush ekki ad læra af mistøkunum heldur senda fleiri hermenn út í opinn daudann i Írak. Ég sá vidtal vid einn amerískan hermann sem sagdi ad tad eina sem fleiri hermenn breyttu var ad tad væru fleiri "bodies" á svædunum tar sem er verid ad berjast en teir væru ekkert med stærri svædi. Forsætisrádherrann hérna er med varirnar límdar vid rassinn á Bush og er sammála honum í øllu og tar á medal tessu en ætlar trátt fyrir tad ad draga danska hermenn smám saman út úr landinu sem er amk ágætt.

Gledilega helgi allir!!

Komin "heim"

Tá er ég komin "heim" til Danmerkur og tad er mjøg, mjøg furdulegt tví ég er ein heima en tegar ég var "heima"á Íslandi var ég umvafin fjølskyldu og vinum nánast allan sólarhringinn. Ég sakna strax allra heima og er nett svekkt yfir tví ad búa svona langt í burtu. Ég ætla nú samt ad harka af mér i bili og láta reyna á Århus Universitet. Tangad til ætla ég ad reyna ad slappa af og eyda tíma med Frank en vid høfum tví midur ekki átt mikid alone time seinustu tvo mánudina. Dagurinn fór svo í ad sofa og taka upp úr tøskunum og tvo tvott. Ég var ordin smeyk um ad ég væri búin ad gleyma tví hvernig madur talar dønsku en svo spjalladi ég heilmikid vid tengdó í símanum í gær tannig ad ég komst ad tví ad tetta er tarna enntá!

Vá hvad tad var samt frábært ad vera heima í svona langan tíma!! Ég var mest ánægd med hvad ég hitti alla mikid og hvad ég gat eytt miklum tíma med litlu "krílunum" en tau eru ad vera ansi misstór. Ég var sko alveg ad fíla mig í tætlur ad vera svona gervi heimavinnandi mamma tegar ég passadi Birtu einn daginn og svo Bjarma annan daginn, ég gæti sko alveg hugsad mér ad prófa tetta sjálf ;) Ég er í rauninni mjøg hissa á tví ad ég sé enntá í sambandi vid svo mikid af fólki sem ég hef kynnst í gegnum tídina og er ég ekkert smá glød yfir tví :)

Ég tók rosalega margar myndir og tarf ad fara ad skella nokkrum hérna inn en ég held ég bídi eftir ad Frank kemur heim tví hann er tøluvert betri í tannig málum en ég.

Skeletons in the closet

Þá er maður ennþá að njóta sín í jólafríinu :) Mitt er frekar langt þetta árið hehe. Ég var svo sett í það verkefni að henda út úr fataskápnum mínum því mamma og pabbi ætla að rífa hann bráðum því það er svo lítið pláss inni í herberginu. Ég komst að því að ég þjáist af einhverri söfnunaráráttu því ég fann ÖLL jólakort sem ég hef fengið frá ykkur stelpunum frá árinu 1996 !! Svo fann að ég þónokkur afmæliskort og eitt þeirra fannst mér sérstaklega fyndið því það var handgert og fínt kort sem ég fékk frá henni Tinnu minni þegar ég varð 14 ára!! haha. Einnig fann ég fullt af póstkortum og bréfum frá vinkonum og gömlum kærustum hehe. Svo hef ég til dæmis safnað ansi mörgum Dynheima inngangsmiðum og árshátíðarmiðum...maður er soldið skrítinn. Þetta vakti samt allt saman svo mikið af góðum og skemmtilegum minningum að mér finnst ég vera heppin að eiga svo mikið af skemmtilegum og góðum vinkonum :) Takk fyrir öll jóla, afmælis og póstkortin og svo öll skemmtilegu bréfin sem ég hef fengið frá ykkur í gegnum tíðina!! Það leiðinlegasta var reyndar að finna gamalt gervileður pils sem ég passaði einu sinni í en myndi ekki einu sinni reyna að troða mér í núna !!

Ætla svo að hitta Veru sætu á morgun í hádeginu og gæða mér á kræsingum með henni. Á föstudaginn er það svo hittingum með Sólrúnu fyrrverandi sambýlingi og svo vonandi afmælis partý hjá Ásdísi á laugardaginn!! Gaman þegar maður hefur nóg að gera við að eiga skemmtilegar vinkonur (já ég viðurkenni að ég var komin í nokkuð mikinn vinkonusvelti þarna úti).

seeja later girlís

Vantar far!!

Ef einhver veit um far til Reykjavíkur á morgun endilega hafið samband við mig í 8205653!! Frank flýgur út þann 3.jan og vantar far suður á morgun. Er reyndar frekar sein að tékka á þessu en svona er maður !!

kær kveðja Krissy

Gleðileg jól !!!

Hafið það sem allra best í kvöld í faðmi fjölskyldu og ástvina :)

Stórt knús

Kristrún og Frank í Núpó :)

Þá er stundin runnin upp

Dagurinn í dag var pínu skrítinn þar sem hann var síðasti vinnudagurinn minn!! Nú er ég laus undan þessu rugli...jei. Kannski verð ég rosalega desperate og vinn þarna sem afleysing á næsta ári en ég held varla að ég nenni því. Flest ungafólkið er að flýgja núna og á okkur dynja dauðvona fólk sem þar á mikilli ummönnun að halda þannig að það verður rosalega þarna um jólin og í janúar. Við erum 6 eða 7 að hætta núna og svo bætast sífellt fleiri við sem tala um að þeir vilji hætta. Yfirmaðurinn minn kvaddi mig ekki einu sinni í dag því hún mundi alveg örugglega ekki eftir því að ég væri að hætta, það segir mjög mikið um hana og skipulagið þarna. jæja nóg um það!!

Erum búin að pakka og ganga frá því sem þarf að ganga frá þannig að við ættum að ná að vera tilbúin til brottfarar klukkan 11 í fyrramálið þegar lestin okkar keyrir okkur til köben. Plönin eru nett breytt en það er brjálað veður þarna heima eins og þið vitið væntanlega og sóley og palli treysta sér ekki í óveðrið á laugardaginn þannig að þau ætla að keyra snemma í fyrramálið. Njalli var svo sætur að bjóða okkur far með honum og bróður hans þannig að við erum rosalega fegin og ánægð með það. Sóley var líka mjög sæt í sér og bauð okkur að gista í íbúðinni þeirra sem er alveg geggjað :) Takk fyrir það!! Ég vona bara að lestinni seinki ekki mikið og að flugið okkar standist líka, þá verð ég ánægð.

Vonandi eru allir búnir með mesta jólastressið og eru að detta í rólegheita jóla gírinn :)

Wally

Þá erum við orðin kjarnafjölskylda sem samanstendur af tveimur fullorðnum og einum merði !! Já það er eitthvað sem býr inni í veggjunum okkar (sem eru þakið á húsinu) og við höldum að það sé husmår sem er einhversslags mörður. Við höfum ákveðið að kalla hann "Wally" þar sem hann býr inni í veggjunum. Tvisvar sinnum höfum við heyrt mjög greinlega verið að "krafsa" í vegginn að innan í fyrstu tvö skiptin var það þar sem við sofum...úhe! Ég gerði Frank svo gráhærðan (ef hann hefði hár) þegar ég þóttist sjá Wally fyrir aftan sófann og Frank stökk upp og var svo allur sveittur og stressaður.

Var að reyna að troða jólagjöfunum og fötunum mínum í ferðatöskuna mína sem mér finnst vera mjög stór en það er alls ekki pláss fyrir þetta allt saman. Ég og Frank erum reyndar búin að svindla geggjað mikið og opna nokkrar jólagjafir því við nennum ekki að taka allt með. Mér fannst reyndar eins og að ég væri að kúka á kirkjugólf því það var svona "þetta er rangt!!" tilfinning inni í mér EN það er alltaf gaman að opna gjafir þannig að þessi vonda tilfinning breyttist í pakkagleði :)

Sjáumst!

Mind-blowing drawings

Check out these 3D chalk drawings. The artist is called Julian Beever, and his drawings are amazing.

frank

Jólin koma

Þá er frídagur númer tvö brátt á enda og ég er næstum búin að gera allt sem gera þarf áður en ég og Frank komum til Íslands. Við erum reyndar í smá klípu því við þurfum að sjálfsögðu að taka allar gjafirnar handa þeim heima og svo allar gjafirnar sem við fáum frá fjölskyldunni hérna. Það er í raun ekki sérstaklega gáfulegt að taka þetta allt með en samt finnst mér vera synd að opna pakkana fyrir jólin. Maður ætti kannski að opna þyngstu pakkana og taka þá léttu með? Við fljúgum með icelandexpress og þeir eru mjög strangir á yfirvigtina þannig að maður þarf að passa sig því þetta gæti orðið dýrt spaug.

Ég missti mig aðeins í gær og keypti mér jólaskó og gallabuxur, er annars búin að kaupa mér jóladress. Það er svo gaman að fá að missa sig í búðunum hehe :) Núna er ég búin að kaupa allar gjafir og keypti svo jólakort í dag. Ég er með blendnar tilfinningar gagnvart jólakortunum, langar eiginlega bara að senda þeim sem ekki búa á landinu og ég mun ekki hitta um jólin og svo bara kyssa og knúsa þá sem ég veit að ég mun hitta yfir jól og áramót...veit annars ekki hvað ég geri því ég hef mjög mjög lítinn tíma þangað til ég flýg heim og svo verð ég líklegast komin til Akureyrar seinnipartinn á Þorláksmessu. Ég vona að fólk verði ekki reitt við mig ef ég sendi þeim ekki kort!!

Já nú er íslenskan mín officially léleg!! Var á kaffihúsi með Evu minni í dag og ég ætlaði að segja lauslát en sagði í staðinn látlaus!!! Fannst eitthvað furðulegt við orðið en var samt ekki að fatta hvað ég hafði sagt hahaha.

Hlakka annars ROSALEGA til að hitta alla heima á Íslandi !! : )

A lot of shit

Jæja þá er orðið pínu langt síðan ég "spoke out" hérna á vefnum. Er bara svo útkeyrð eftir vinnudaginn að ég meika ekki meira. Núna er til dæmis líknardeildin yfirfull þannig að fólk er sent heim til að deyja þannig að við hjá heimahlynningunni þurfum að sjá um fólk í þann tíma sem það hefur eftir. Yfirleitt er fólk rúmliggjandi og mjög mjög veikt og fjölskyldan gerir sitt besta til að hjálpa til og vill gera miklu meira en þau í raun geta, að sjálfsögðu. Mér finnst þetta frekar erfitt þar sem amma mín er með krabbamein og hin amma mín lést einnig úr krabbameini og svo á ég einn frænda sem er bara um tvítugt sem er mjög veikur af hvítblæði og svo er systir ömmu minnar (í föðurfjölskylduna) líka veik og komin á líknardeild. Svona er lífið og maður þarf að sætta sig við ýmisslegt.

Á fimmtudaginn seinasta fékk ég svo bréf frá háskólanum hérna í Aarhus þar sem fram kemur að ég kemst EKKI inn í skólann!! fokking hálfvitar!! sorry en þegar ég talaði við námsráðgjafann þá sagði hún mér að ef ég kæmist inn í skólann þyrfti ég að byrja á því að taka tvö ba fög sem eru víst ekki kennd á Íslandi. Svo skrifa þeir mér að ástæðan fyrir því að ég komist ekki inn sé að ég hafi ekki tekið þessi sömu tvö ba fög sem þeir töluðu um að ég ætti að taka ef ég kæmist inn!! helló hvar er lógíkin í því???? Ég held reyndar að ástæðan sé einhver önnur og mig grunar að það sé vegna þess að ég sé frá Íslandi því ég hef talað við tvær stelpur sem eru í skólanum og þær segja að það sé einhver mórall gagnvart Íslendingunum og þeir vilja greinilega ekki fá okkur inn. Allavega þá get ég semsagt tekið þessa tvo kúrsa ef ég vill en það gæti tekið mig 2 ár!! Og ég þarf að borga um 40 þús íslenskar fyrir það. Annað fagið er semsagt kennt núna á næstu önn og svo er hinn kúrsinn bara kannski kenndur á önninni þar á eftir.
Virkilega skemmtilegt þar sem ég get heldur ekki fengið neina vinnu sem passar við mína menntun!! Veit núna ekki hvað ég er að gera í þessu tækifæralausa landi?? Á reyndar besta kærasta í heimi :) jæja núi sjáum við bara til hvað ég geri. Kannski getið þið vinkonurnar hjálpað mér við ákvörðunartökuna þegar ég hitti ykkur um jólin, sem er ansi bráðlega :) jeijj :)

Hlakkar ógeðslega til að koma heim og hitta alla og bara slappa af án þess að þurfa að hafa áhyggjur af vinnunni, bara lúxus...þangað til ég þarf svo að ákveðja framtíðina hehe.

Hafið það gott

New old pictures

We have a new gallery for our pictures............. click the word after word

We play for both teams...

So we took one of these tests that can tell you how and what you are. (Otherwise you would have no way of finding out.) Anyway, it turns out that we are half'n'half. I'm glad we took this test, because I've been having my doubts. Especially with the tender breasts and split ends that have been troubling me lately. But here we have it - fitty fitty:

You Are 50% Boyish and 50% Girlish

You are pretty evenly split down the middle - a total eunuch. Okay, kidding about the eunuch part. But you do get along with both sexes. You reject traditional gender roles. However, you don't actively fight them. You're just you. You don't try to be what people expect you to be.

How Boyish or Girlish Are You?

Frankrún

Músíkk

Er búin að vera að tékka á músíkk í dag og langar að vita hvort það sé komið eitthvað gott frá Íslandi ?? Getur einhver sagt mér það??

Mæli með Mikael Simpson sem er danskur tónlistarmaður sem spilar poppaða raftónlist á dönsku http://www.mikaelsimpson.dk/. Ég keypti til dæmis almbúmið hans í rafrænu formi á netinu sem er frekar sniðugt og borgaði um 1000 ísl kr fyrir það. Beck er búinn að gefa út nýtt albúm og maður getur að meira að segja hlustað á nokkur lög á heimasíðunni hans http://www.beck.com/ sem mér finnst cool, svo er hann bara svo sætur strákurinn!! Ég líka mjög spennt fyrir nýja albúminu hans Damien Rice og hef óskað mér það í jólagjöf.

Annars eyddi ég deginum (eftir að ég kom heim úr vinnunni) í að horfa á GusGus myndbönd en þau eru með fullt af mynböndum á heimsasíðunni sinni sem er skemmtilegt http://www.gusgus.com/. Maður fær nett flashback að horfa á sum videoin :) Svo er ég farin að sjá ýmsa hluti eins og íslenska tónlist í nýju ljósi þar sem ég er komin í allt aðra menningu hérna og finnst við Íslendingar ansi flippaðir oft á tíðum !! hehe.

Hvað eruð þið annars að hlusta á þarna úti??

Sjokkerandi fréttir

Ég er bara í nettu sjokki því fréttirnar hérna hafa verið svo svakalegar. Fyrst kom frétt um að maður hafði fundið nýfætt barn fyrir utan sumbústaðinn sinn en móðirin hefur ekki látið í sér heyra en barnið virðist vera heilbrigt. Svo kom frétt um að maður hafði orðið fyrir flutningabíl og svo keyrðu um það bil 15 bílar yfir líkið af honum því fólk hélt að hann væri dýr!! Frekar mikið ógeðfellt. Svo nú í dag sá ég að í gær hafði ung móðir með þrjú börn verið á leið út úr strætó þegar bílstjórinn lokaði hurðinni á barnavagninn sem hún var með þannig að barnið dróst með strætónum 16 metra og kastaðist svo úr vagninum og móðirin horfði ráðalaus á og var viss um að barnið hennar væri látið því það grét ekki eða sagði neitt. Hann var reyndar fullkomlega heilbrigður fyrir utan ljótar skrámur í andliti. Í sumar skeði nákvæmlega það sama fyrir unga móður sem var að koma úr lest með barnavagn og það barn dróst 1500 metra með lestinni en lestar keyra mikið hraðar en stætóar þannig að það var bara kraftaverk að það barn lifði af. úff úff.

Það virðist vera að bílstjórar almennt séu of stressaðir til að líta í kringum sig og athuga hvað er að gerast. Er þetta ekki pínu rosalegt??

læt þetta nægja í bili !!

The Calming Doll

Æi sorry er í gømlu tølvunni okkar en tad eru engir íslenskir stafir hérna!! Ég á mjøg dáleidandi kærasta en hann hefur tann hæfileika ad "dáleida" mig á kvøldin tegar ég á erfitt med ad fara ad sofa. Hann notar semsagt bara røddina og segir mér ad slappa af í fyrst fótunum og svo færir hann sig upp allan líkamann og ég held ad ég hafi verid vid tad ad sofna tegar hann koma ad mjødmunum. Mér datt svo í hug ad hann gæti nú kannski hagnast á tessum hæfileikum sínum og vid gætum framleitt einhvers lags bangsa eda brúdu sem talar á róandi hátt. Tad gætu svo verid mismunandi stillingar fyrir mismunandi tækifæri t.d ef einhver er í hjartasorg tá gæti vélmennid sagt øllu réttu ordin sem madur vill heyra eins og ad madur sé fallegur og gódur og ad "hinn rétti" sé bara handan vid hornid og svo framvegis. Gód hugmynd ekki satt?? Vélmenndi gæti svo haft hita inni í sér tannig ad tad væri notalegt ad halla sér uppad tví og svo væri bara hægt ad bæta vid allskonar svona smáatridum. Kannski er nú tegar búid ad búa til svona sjúkt tæki ?? Hef amk séd ad tad eru til svona kynlífs dúkkur sem eru sjúklega raunverulegar, frekar ógedfellt tad.

Vid erum annars ad fara á Kashmir tónleika í kvøld :) http://www.kashmir.dk/news/latest/ Teir eru geggjadir og vid fengum ókeypis mida en einn midi kostar 230 DK sem er næstum 3000 islkr. Á morgun førum vid svo til Horsens i Julefrokost og svo á Sunnudaginn førum vid í afmæli til systur Franks tannig ad tad er nóg ad gera. Ég á svo frí á mánudaginn líka tannig ad tetta verdur løng og gód helgi !!

Góda Helgi til ykkar allra tarna úti !!!