Hið ljúfa líf

Það er ekki hægt að neita því að það er þónokkuð ljúft að vera námsmaður, maður ræður sér sjálfur og getur unnið heima við sem er huggulegt á rigningardegi. Ég hef átt mjög góða viku fulla af skemmtilegu fólki. Seinustu helgi fórum við til Horsens til að sjá hljómsveit spila sem vinur hans Frank er í. Það var mjög fínt að hitta "Horsens" fólkið þó að sumir séu með vissa smábæjar töffarastæla sem ég kannaðist við frá Akureyrinni minni, það er eitthvað smábæjar element sem spilar inn í þarna. Við fengum svo að leika við litlu börnin í fjölskyldunni hans Frank sem eru bara tvö en þau eru alveg yndisleg. Litli frændinn hann Nikolai er eins árs og alltaf glaður og hress og gaman að leika við, algjör dúlla semsagt.

Talandi um börn þá reiknaði ég út í gær að það eru sjö manns úr mínum nánasta vinahópi að fara að eiga barn á þessu ári!!! vá!! Þeir sem eru nýlega bæstir í hópinn eru töffararnir mínir þeir Njáll og Gunni :) ...eru samt ekki að fara að eiga það saman ! haha.

Ef ég held áfram að dásama líf mitt hehe þá fórum við svo beint frá krúttunum í Horsens til Aarhus í matarboð. Grísk vinkona mín og maðurinn hennar bauð okkur ásamt tveimur öðrum pörum í mat. Að sjálfsögðu fengum við ljúffengan grískan mat mmm. Kvöldið var ótrúlega skemmtilegt og ég talaði dönsku, ensku og íslensku til skiftist! haha er að verða sleip í að hoppa á milli.

Er svo nett "þunn" í dag því ég og tvær danskar stelpur úr bekknum mínum (KKK grúppan) ákváðum að hafa ekta vídeo kvöld í gær með tilheyrandi "hollustu", hef ekki borðað svona mikið nammi, ís, snakk og gos síðan um jólin! Við leigðum tvær magnaðar en mjög, mjög ólíkar myndir. Fyrst horfðum við á mynd sem fjallar um ríkar miðaldra vestrænar konur sem fara til Haiti til að stunda kynlíf með mjög ungum mönnum, allt niður í 14 ára. Þetta var athyglisverð mynd sem var full af "eye openers". Síðan horfðum við á, bestu mynd ever sem ég hef séð amk 10 sinnum, Shining! Ég verð alltaf jafn hrædd þegar ég horfi á þessa mynd þó ég viti nákvæmlega hvað gerist næst sem segir manni hvað þessi mynd er mikil snilld. Myndin fjallar mjög mikið um samband sonar við föður en Stephen King hefur sjálfur sagt að hann hafi átt erfitt með að hemja sig við sín börn og stundum hafi hann jafnvel slegið þau. Annars er það ekki bara sagan sem er góð heldur er Kubrick bara snilldar leikstjóri. Shining hótelið til dæmis sviðsmynd frá a til ö sem er ótrúlegt. Hann gerði svo mikið úr myndatökunni að hann tók stóran hluta af myndinni sjálfur.

Ein stutt saga hér í endinn hehe. Birta María mín varð fimm ára um helgina og ég sendi henni pakka. Ég sendi gjöfina í Núpasíðuna því í pakkanum var líka gjöf til pabba þar sem ég skuldaði honum afmælisgjöf. Á laugardagskvöldið fékk ég svo sms frá gamla þar sem stóð : Gúmmíhanskarnir voru ekki til!! Ég hló en fattaði ekkert?? Svo þegar ég vaknaði daginn eftir rann upp fyrir mér að þegar ég fór að senda pakkan fór ég í búðina að versla hitt og þetta og þar á meðal gúmmíhanska og hafði skrifað innkaupsseðil sem ég hafði svo óvart sent með pakkanum!! haha.

Stal þessari mynd af Barnalandinu hennar Katrínar systur en hún skannaði nokkrar myndir af okkur systrunum frá því við vorum fimm ára, 1984 hehe. Erum við ekki sætar ? ;)

Taxi to the dark side

Er í nettu þunglyndi, sá heimildamynd í gær sem fjallar um hvernig bandaríski herinn fer með fanga sína. Fórnarlömbin eru ekki einungis þeir fangar sem eru haldnir föngum án dóms og laga og pyntaðir til að játa hryðjverk sem þeir hafa ekki framið, heldur eru það hermennirnir í þessum fangelsum líka. Allt þetta fólk er kúgað af ríkisstjórn Bandaríkjanna sem hafa sagt opinskátt síðan 11.september að nú séu hanskarnir farnir af og að það megi nota öll ráð til að verna landið fyrir fleiri svona árásum. Tekin voru viðtöl við nokkra hermenn sem dæmdir hafa verið fyrir illa meðferð á föngum sem m.a hafa leitt til dauða, þetta var mjög venjulegt fólk sem ekki var þjálfað í að yfirheyra fólk. Það var þó mikil pressa á þeim að gera ALLT til að fá upplýsingar úr föngunum og ýmsar aðferðir til að halda stjórn á æstum föngum gefnar í skyn. Það var til dæmis einn þeirra sem yfirheyrði mann sem hafði verð handtekinn í Afganistan fyrir að hafa sent sprengjur á ameríska hermenn, hann sagði að hann sá frá byrjun að hann var saklaus en var samt neyddur til að halda áfram að yfirheyra hann. Hermaðurinn var skammaður fyrir að vera of linur þegar hann reyndi að fá mannin lauslátinn. Þessi sami fangi var svo pyntaður til dauða. Fangaverðirnir "máttu" sparka í lappirnar á honum ef hann var órólegur og eftir að hafa verið sviptur rétti sínum til svefns og látinn standa, hlekktur, með hendur upp í loft í langan tíma var hann mjög æstur og ruglaður. Þeir spörkuðu því í hann mjög oft, börðu hann með kylfum, hoppuðu ofan á bakinu á honum og fleira. Athugið að það eru fangaverðirnir sem gerðu þetta sem segja söguna, þannig að þetta er engin lýgi. Þessi fangi lést af völdum illrar meðferðar, fótleggir hans voru það illa farnir af barsmíðunum að það hefði þurft að fjarlæga þá. Myndir voru sýndar af líkinu og það var ekki falleg sjón, hann var fjólublár á öllum líkamanum. Fjölskyldunni hans var síðan send skýrsla á ensku þar sem hafði verið sett x við homicide. Þegar þetta komst í fjölmiðlana þufti einhver að borga brúsann og það voru hermennirnir sem framkvæmdu voðaverkin en ekki þeir sem hönnuðu þau og létu stjórnuðu þeim. Við má búast að svona hræðilegir atburðir gerist á degi hverjum. Það má líkja þessu við útrýmingabúðir Nasista þar sem litið er á alla múslima sem dýr eða óæðri verur. Þessi heimildarmynd heitir "Taxi to the dark side" og fékk óskarsverðlaun. Mæli með að þið sjáið hana sjálf ef þið trúið ekki hversu slæmt ástandið er.

Hér í Danmörku eru hlutirnir á mjög hraðri leið niður á við. Þið hafið kannski heyrt um að Jyllands posten teiknaði mynd af Múhameð með sprengju í túrbaninum. Múslimar brugðust illa við bæði hér og í öllum heiminum. Danir þóttust skilja þessar tilfinningar en neituðu þó að biðjast afsöknar því hér ríkir hið mikla málfrelsi. Þegar þessi sár voru svo farin að gróa aðeins ákveða þeir af völdum óeirða á meðal annarar kynslóðar innflytjenda að birta myndina frægu aftur og nú í mjög mörgum mismunandi dagblöðum!!! Mér finnst þetta hið mesta virðingarleysi og prumpa á þessa svokallaða "frelsi". Ef maður getur ekki farið rétt með frelsið á maður ekki skilið að hafa það. Mér finnst rangt að Danmörk sýni annari menningu og trúarbrögðum svo mikla vanvirðingu. Núna er allt vitlaust aftur og Súdan hefur til dæmis hvatt alla múslima til að boycotta danskar vörur og hefur skorað á Osama bin laden að sprengja Kaupmannahöfn. Danmörk hefur brugðist við með því að hóta Súdan með því að þeir vilji fá peningana sína aftur sem þeir lánuðu þeim. Mér finnst það algjörlega röng viðbrögð. Skammast mín mjög fyrir þessa helv ríkistjórn sem er við völd hér. Forsætisráðherran okkar er til dæmis mjög náin vinur Georgs Bush og er nú á næstunni á leið til Bandaríkjanna að heimsækja Bush á ranchinn hans en það eru bara þeir sem honum líkar allra best við sem fá þann heiðurinn. Þetta segir manni ýmisslegt um hann Anders Fogh okkar!

Mér finnst hugtakið "fresli" notað til að afsaka mjög margt ljótt alveg eins og "islam" er oft notað til að réttlæta hryðjuverk. Hver er vondi kallinn eiginlega?? Ættum við ekki að kíkja í spegilinn og sjá að við (Vesturlöndin) erum sko ekki neitt skárri en hryðjuverkamennirnir.

Jæja þetta voru mínar skoðanir, veit að það eru ekki allir sammála, endilega segið mér hvað ykkur finnst.

Menningarlega Strúnan

Þá er maður orðinn hámenningarlegur, ekkert fyllerí og rugl lengur heldur fínar og flottar danssýningar með restinni af fína fólkinu í Aarhus hehe. Fór í fyrsta skiptið í gær á alvöru danssýningu í Musik huset sem er mjög flott og fínt menningarhús. Sýning heitir Passion eftir Tim Rushton og Michael Kvium. Nicole vinkona mín frá Þýskalandi stakk upp á þessu við mig og mér fannst þetta frábær hugmynd. Þessi sýning er líka mjög frábrugðin öðrum danssýningum á þann hátt að það er danshöfundur OG myndlistarmaður sem standa að henni. Það þekkja allir, hér í Danmörku amk, myndlistarmanninn Michael Kvium en hann málar mjög óþægilegar fígúrur sem eru oft heimskar, vanskapaðar og ljótar. Hann fjallar mikið um mannslíkamann og ýmsar tilfinningar tengdar honum. Tim Rushton, sem ég þekki ekki, vinnur með svipuð þemu og Kvium þannig að það var tilvalið fyrir þá að vinna saman. Hér er linkur á heimasíðu þar sem hægt er að sjá mynbrot frá sýningunni.

Hér eru nokkur dæmi um málverk sem fá að lifna við í þessari sýningu, magnað alveg hreint. hér er linkur inn á síðu þar sem hægt er að sjá smá myndband af sýningunni http://www.danskdanseteater.dk/forestilling.asp?menu=3&id=242

þetta og hitt og þitt og hetta

Skólinn er kominn á fullt og ég byrjuð í fyrsta (af mörgum) hópaverkefninu. Við erum þrjár íslenskar stelpur og einn Dani hehe ...aumingja hann. Þetta gengur samt alveg prýðilega og við náum alveg að vinna saman. Námið er mjög áhugavert og skemmtilegt, yfirleitt er ég ekkert svekkt yfir því að þurfa að lesa fyrir tímana því þetta er allt svo praktískt og spennandi. Ba námið var svo erfitt miðað við þetta, núna er maður að byggja ofan á þann trausta grunn og maður fær miklu meira frelsi. Það er virkilega gaman að sitja í mötuneytinu umkringd frábærum og klárum íslenskum stelpum og tala af áhuga um sálfræði. Þegar ég var í ba náminu nennti sko enginn að spjalla um sálfræði en núna eru allir æstir í það, jeij.

Gleði, gleði! Topshop er loksins komin til Aarhus :) Er búin að sakna Topshop alveg síðan hún flutti úr miðbænum í Reykjavík þegar ég bjó þar. Svolítið fyndið að þurfa að fara í Magasín og ganga í gegnum allar fínu og ógeðslega dýru fatadeildirnar til að komast í Topshop himnaríkið. Þetta er þó bara lítil deild og ekki mikið úrval, vonandi verður þetta þó stærra með tímanum.

Við keyptum okkur flösku af ... nei ekki rauðvíni né hvítvíni heldur Cider! Þetta er voða fínn og "dýr" enskur Cider og okkur hlakkar til að smakka hann. Tók eftir því að þessar tegundir af Cider eru ekkert smá sterkar, áfengismagnið er frá 6 upp í 9 eða 10. Eitthvað fyrir Soffíu og Ásdísi ;)

Þetta var semsagt pistill dagsins um akkúrat ekkert í boði KRIS HF

P.S- Er að fara í brúðkaup í sumar!! :) Stuð :) Gunni og Nína eru að fara að gifta sig! Hlakkar til!

Voila

Mun reyndar aldrei getað notað þennan kjól því hann passar ekker sérstaklega vel á mig og er mjög fleginn...en ég saumaði hann sjálf! vei. Nú þarf ég bara að rifja upp hvernig maður setur rennilás í og gerir vasa og þannig. Það eru geðsjúklega flott snið í Burda blaðinu mínu en ég held að það sé nokkuð langt í að ég muni geta saumað svo flott. Þetta er samt rosa skemmtilegt hobbí.

Já fyrir ykkur sem hafið ekki séð mig í smá tíma ...ég er komin með topp aftur og er að fíla það mjög vel, er orðin "ég" aftur hehe.

Lítill sætur kjóll

I did it!! Mér tókst að sauma mér lítinn kjól!! Reyndar svindlaði ég nett og sleppti að setja tölur á hliðina á honum þannig að ég þarf aðeins að troðast þegar ég fer í hann hehe. Hann er bara nett sætur, vantar reyndar á hann hlýra sem ég ætla að setja á í dag og svo get ég sett mynd af honum hérna inn við tækifæri. Þetta er reyndar algjör sumarkjóll og sniðið úr Burda segir að þetta sé náttkjóll en mér er sama hvað Burda segir.

Sólin skín eins og ég veit ekki hvað þannig að ég ætla að skella mér eitthvað út :)

Kósíheit

Dagurinn í dag er búinn að vera fallegur, sólin skín og það er milt veður. Fuglarnir eru farnir að láta aðeins heyra í sér og það er svo yndælt. Við fórum í smá göngutúr í skóginum og þar var allt krökkt af skokkurum og fólki að viðra hundana sína, sá nokkra sæta hunda sem mig langaði að ræna hehe. Gærkvöldið var alveg hrikalega kósý en við ákváðum að fara út að borða bara við tvö turtildúfurnar. Við höfum látið okkur dreyma um að borða á afrískum veitingastað niðrí í bæ sem er mjög spennandi þrátt fyrir að hann sé kannski ekkert voðalega fancy, maður má til dæmis taka vín með því þeir eru ekki með vínveitingarleyfi. Allavega þá gekk það ekki upp því staðurinn var bókaður fyrir samkomu og við nenntum ekki að bíða til klukkan átta. Við elskum allt mexikóskt og fórum því á "Tortilla flats". Ég gekk alla leið og fékk mér mexókóskan öl með matnum mmmm. Þetta var allt saman mjög næs og rómantískt og við röltum aðeins um miðbæinn en nenntum ekki að kíkja á neina bari þannig að við (gamla fólkið) fórum bara heim og áttum mjög huggulegt kvöld fyrir framan imbann :)

Seinustu helgi vorum við í Horsens í heimsókn hjá tengdó sem var líka mjög kósý og við fórum meðal annars í keilu og borðuðum geggjað mikið af "fastelavns" bollum sem eru svipaðar bolludagsbollunum okkar.

Ég er aðeins byrjuð að iðka nýja hobbíið mitt sem eru saumar. Er samt drulluléleg og rosa stressuð hehe. Tók upp snið úr Burda og ætlaði að sauma bol sem ég hélt að væri frekar létt en er núna alveg stopp því ég skil ekkert í leiðbeiningunum í Burda hehe. Blaðið er semsagt á "saumaensku" sem ég er ekki að fatta! Er að hugsa um að kasta mér kannski bara í djúpu laugina og prófa að nota "gráa efnið" og hætta að kíkja í þessar leiðbeiningar. Er einhver sem talar "saumaensku"? Vonandi tekst mér þó að komast yfir þennan saumakvíða minn því mig langar svo að gera saumað, held að það sé geggjað að geta saumað sér eitthvað sem enginn á og líka að geta breytt fötum þannig að þau passi betur á mann.

yfir og út

Skólalíf

Er byrjuð í skólanum!! Er samt ekki komin inn í námið??? Já er byrjuð í skólanum en er ekki búin að fá einkunnina sem ég þarf að hafa til að geta komist inn í námið. Er líka búin að kaupa mér bækur og aðeins byrjuð að læra. Mér líst annars frekar vel á þetta allt saman fyrir utan að áherslurnar í skólanum eru mjög subjectívar og byggaðr á sálgreiningu sem ég er frekar mikið á móti. Þetta hefur til dæmis áhrif á hvernig maður er metinn og hvaða einkunnir maður fær því prófin hérna eru alltaf ritgerðir. Til dæmis hefði ég verið felld í sálfræðinni heima ef ég hefði skrifað "ég" en núna er maður felldur ef maður skrifa ekki "ég"!
Ég var hrifin af tíma sem ég fór í á mánudaginn þar sem ungur taugasálfræðingur sagði okkur frá vinnu sinni. Hún vinnur við að mæla "cognitive function" hjá fólki sem þýðir bara hvernig heilinn virkar hjá fólki. Oft er hún til dæmis að skoða hvort fólk hafi heilaskemmdir og þess háttar. Þetta er þvílíkt "detective" starf því það þarf að setja marga smá búta saman til að fá svar við þeim spurningum sem settar eru upp. Oft er til dæmis ruglað saman þunglyndi og heilahrörnun en hún er mjög góð í að finna hvað er hvað. Ég er ekki að segja að mig langi að vera eins og hún en mér fannst hún samt geggjað töff.

Var að klára jólabókina í ár en það var Rokland eftir Hallgrím Helgason. Ég mæli eindregið með þessari bók fyrir alla þá sem elska svartan húmor og þjóðfélagsgagnrýni. Ég ræddi þessa bók við Aðalheiði Steingrímsdóttur sem ég mér finnst hafa verið besti kennarinn minn í VMA og eini kennarinn sem felldi mig á prófi hehe (hitti hana í flugvélinni frá Akureyri til Reykjavíkur). Henni fannst þetta hræðileg bók og gat ekki einu sinni klárað að lesa hana. Mig grunar að hún sé kannski aðeins of gömul því þetta er mjög "neikvæð" bók en í því felst húmorinn. Mér fannst alveg frábært hvernig hann lýsir hlutunum og gerir grín að íslensku menningunni. Maður fer nett hjá sér þegar maður sér sjálfan sig fyrir sér í nokkrum aðstæðum í bókinni sem er mjög hressandi haha! Langar núna að lesa Höfund Íslands.
Byrjaði á "Drage löberen" eða Flugdrekahlauparann á íslensku. Ég fékk þessa bók lánaða hjá vinkonu minni og er þess vegna pínu neydd til að lesa hana. Eftir bara fyrstu blaðsíðurnar líst mér strax vel á hana. Hef heyrt að myndin sé mjög kliskjukennd og léleg og ætla því ekki að sjá hana. Ég er annars mjög lengi að lesa þannig að ég verð ekkert með neina bókagagnrýni hérna á næstunni hehe.

Knús til ykkar allra

Smá kvikmyndaumfjöllun

Ætla aðeins að tjá mig um Inland Empire sem ég sá í gær. Ég veit ekki einu sinni hvort maður geti kallað þetta "kvikmynd" í hinum hefðbundna skilningi því hún passar engann veginn inn í þá formúlu. Mér fannst allan tíman að ég væri á Aros listasafninu að horfa á svokallað vídeóverk því þetta var svo mikil "tjáning" sem oft var erfitt að skilja almennilega. Eitt er þó víst að það voru margar sterkar tilfinningar í þessu "verki" og þær komust alveg til skila. Það eru mörg lög sem hægt væri að kryfja en ég held ég ætli mér ekki að fara út í það hér, en ef einhverjum langar að spjalla við mig seinna þá væri ég sko til í að heyra annara túlkun. Mér fannst áhugavert hvernig David Lynch blandar tíma, rúmi og persónum saman, það getur verið erfitt að fylgjast með hver er hvað og hvenær. Allavegana segi ég eins og Sóley að þessi mynd er algjörlega þess virði að sjá og það er must að sjá hana alla, því ef maður sér ekki endirinn er hún ónýt. Endirinn er í raun ótrúlega happy happy Hollywood endir hehe.
Það voru samt alveg þrjár manneskjur (af tíu) sem létu sig hverfa úr bíósalnum áður en myndin var á enda. Þetta er ekkert léttmeti og tekur alveg þrjá tíma. Mæli samt með því að fólk sem hefur áhuga á að sjá eitthvað öðruvísi sjái þessa mynd því þetta er listaverk.

Iðjuleysinginn

Ég er svo vel uppalin að iðjuleysið sem mig hrjáir er farið að breyst í risastórt samviskubit sem er farið að naga mig inn að beini. Ég hef alveg nóg að gera svosem en það er bara af því að ég er hérna heima allan daginn að mér finnst eins og ég sé ekki að gera neitt. Úff það er erfitt að vera þessi týpa! Skólinn byrjar í næstu viku og þá verður sko alveg meira en nóg að gera hjá mér og stressið á örugglega eftir að ná tökum á manni nokkrum sinnum yfir önnina svo það er kærkomið að hafa rólega stund núna til að undirbúa sig vel og byrja að lesa. Held þetta blogg sé meira ætlað mér en ykkur hehe.

Ég og Frank erum að fara í bíó í kvöld með "international vinahópnum" okkar sem er alveg frábært fólk :) Við ætum að sjá Inland Empire eftir David Lynch sem verður örugglega lífsreynsla útaf fyrir sig. Skrifa kannski um myndina á morgun en einhvern annan dag.








Seinasta helgi var líka mjög skemmtileg en ég hélt partý fyrir íslensku sálfræðipæjurnar og svo fór ég í afmæli til danskrar stelpu á sunnudagskvöldinu, en hún er hluti af "international hópnum" en ég þekkti hana ekkert sérstaklega vel þannig að það hentaði vel að ég var sú eina sem mætti á réttum tíma þannig að við áttum mjög djúp og skemmtilegar samræður. Hún er 37 ára og ekkert lík neinum sem ég þekki amk. Gaman að kynnast öðruvísi fólki.

Sólrún mín : Til hamingju með afmælið stelpa :)

ANNAÐ : sá svo skemmtilega frétt á netinu um Danskar konur sem voru að mótmæla því að þær mættu ekki vera berar að ofan í sundi. Má það heima á Íslandi?
Er það bara ok þegar það er sumar og sól?

Óréttlæti!!

Er búin að vera hérna í Danmörku í tvö og hálft ár og er búin að vera að vinna mest allan tímann. Var því að vonast til að ég ætti rétt á að fá SU þar sem ég neyðist til að fara í framhaldsnám þar sem það er ÓMÖGULEGT að fá vinnu þar sem ég er BARA með Ba gráðu. Fékk svo að vita í dag að ég má ekki fá SU því vinnan mín var ekki beint tengd náminu sem ég er að fara í!!!! Auðvitað sótti ég um og reyndi allt hvað ég gat til að fá vinnu sem tengdist sálfræði náminu mínu, en ekki hvað, en svo er mér refsað fyrir þetta heimska kerfi með því að neita mér um bætur :(

Skítaland!!!

Ætla þokkalega að flýgja héðan þegar ég er búin með námið mitt eftir ca tvö ár.

Helgin okkar

Skilaði af mér ritgerðinni á föstudaginn og er fegin en samt er stress í mallanum því ég er ekki viss um að þetta hafi verið nógu góð ritgerð, vonandi samt. Helgin var róleg og góð, ég og Frank höfðum það svakalega huggulegt og borðuðum góðan mat, fórum í göngutúr niður í bæ til að sjá flott listaverk, horfðum á tvær góðar bíómyndir á nýju tölvunni okkar og svo í gær fórum við í afmæli til vinkonu okkar Brynhildar. Hún er íslensk/ensk stelpa sem ég kynntist í dönskunáminu og svo komu líka grísk stelpa úr dönskunáminu sem er gift Dana og barnið þeirra og þýskur strákur og danska konan hans. Brynhildur er líka gift Dana þannig að við erum öll í sömu sporunum hehe. Við fengum alveg frábæran mat og svo voru náttúrulega allir dáleiddir yfir litlu Irina sem er bara níu mánaða krútt. Það var mikið hlegið og mörg málefni rædd niður í kjölin, t.d hver munurinn er á mold og sandi sem er mjög mikilvægt að hafa bakvið eyrað. Svo var okkur boðið í afmæli aftur næstu helgi með sama fólkinu þannig að það verður frábært :)

Á föstudaginn eftir að ég var búin að skila prófinu skellti ég mér niður í bæ á útsölurnar!! Missti mig þokkalega því það var allt svo fáránleg ódýrt. Keypti mér til dæmis frekar dýr nærföt sem kostu barasta ekkert og afgreiðslukonan hló að meira að segja smá þegar hún sagði mér hvað ég ætti að borga henni fyrir fjórar brækur og brjóstahaldara, 126 DKK.
Við erum annars bara rosalega ánægð með litlu tölvuna okkar og Frank reif sig eldsnemma á fætur um helgina til að leika sér í henni hehe. Í gömlu tölvunni okkar koma til dæmis media player upp svona ca 15 sinnum á mínútu og "spólaði" til baka á þeim heimasíðum sem maður var á, geggjað pirrandi en núna er maður bara rólegur. Reyndar er nett erfitt að vera rólegur í dag því það er verið að bora í vegginn okkar en það byrjaði einmitt klukkan átta í morgun! jeij.

Svo er ég í smá pásu núna en skólinn byrjar ekki fyrr en í febrúar, er búin að vera að kíkja á kúrsana sem ég er að fara í og fæ alveg geggjað stress, vá! Ætla því bara að fara að redda mér bókunum bráðlega og byrja að lesa! Kvíðir líka fyrir hópavinnunni þegar maður þarf að virka gáfulegur á dönsku shit! jæja bíðum og sjáum !

Ný tølva

Vantar reyndar íslenska stafi á tessa elsku!! Frank fór í gær og keypti nýja fartølvu en vid vorum ad verda gedveik á okkar gømlu, hún var eins og gamalemenni sem gleymir hinu og tessu og veit ekkert hvad er ad gerast. Frank reyndi ad laga hana og eyddi øllu af hardadisknum og svona en einhverra hluta vegna er diskurinn sem inniheldur øll mín gøgn horfinn á mjøg dularfullan hátt jeijj, akkúrat tegar mig vantar gømlu glósurnar mínar úr sálfrædinni. Ég vona bara ad vid munum einn daginn finna tetta, finnst tad samt ólíklegt :(
Er búin med ritgerdina mína og bíd bara eftir ad Frank fari yfir hana fyrir mig í kvøld tegar hann kemur heim. Vá hvad ég verd fegin ad losna vid tetta af bakinu á mér! Býst alls ekki vid ad fá góda einkunn heldur er takmarkid ad ná, komst reyndar ad tví í gær tegar vinkona mín úr skólanum hringdi í mig ad ég hef ekki hugmynd um hvada einkunn tad er haha, tad var verid ad breyta skalanum. Vona bara tad besta amk. Hef ekki frá neinu skemmtilegu ad segja, hef varla farid út úr húsi. Jú vid skruppum reyndar til Horsens á sunnudaginn til ad fagna eins árs afmæli litla frænda hans Franks honum Nikolai. Hann var bara sætur og í hverst skipti sem vid hlógum tá øskradi hann, bara svona til ad vera med. Ég baud honum svo ad kom med mér til Århus og vera barnid mitt og hann var mjøg spenntur tangad til hann var kominn í fangid á mér, jæja ætli madur verdi ekki bara ad búa til sitt eigid og hætta ad stela annara manna hehe. Takk fyrir kommentin ykkar hérna. Endilega ad halda áfram ad segja mér eitthvad skemmtilegt tví ég sakna ykkar!!
knús

Er komið nýtt ár??

Þá er að verða ansi langt síðan ég bloggaði. Hef frá ótrúlega mörgu að segja en það er eins og þá komi minnst á bloggið hjá manni! Ég átti virkilega yndislegan tíma á Íslandinu mínu. Vá hvað ég sakna landsins míns sem er svo fallegt en á sama tíma svo erfitt. Það var besta var án efa fjölskyldan mín sem ég átti mjög margar góðar stundir með. Það er svo frábært að vera partur af fjölskyldu og ég sakna þess. Maður getur alltaf bara hangið með þeim og talað um allt án þess að þurfa að vera formlegur á einn eða annan hátt sem mér finnst vera "frelsandi". Ég á að sjálfsögðu mín dönsku fjölskyldu en það verður aldrei eins og mín eigin.
Ég á fullt af frábærum og duglegum vinkonum sem eru barasta eins og útungunarvélar sumar hverjar hehe. Þær náði ég að hitta aðeins en alls ekki eins mikið og ég hefði viljað. Takk fyrir frábærar stundir elskurnar mínar!
Kaffi Karólína var minn samastaður þegar haldið var í bæinn í leit að bjór og öðru áfengu. Það var nett Cheers stemning þegar ég mætti á svæðið því það virtust ALLIR þekkja mig sem var eitthvað svo kósy, þangað til "litlu" vinir "litla" bróður míns byrjuðu að koma upp að mér og spurðu : hey ertu ekki systir hans stebba? Sætt í byrjun en varð ansi þreytt fyrir gömlu konuna.
Nú er ég hinsvegar í Danmörku og sit bara hérna heima allan daginn og ríf í hárið á mér! Ég er semsagt að reyna að setja saman ritgerð sem ég á að skila eftir akkúrat viku, gúlp. Virðist sitja og svitna allan daginn en næ einhvern veginn ekki að skrifa neitt af viti þó ég virðist vita hvað ég vilji segja. Enda svo bara í ræktinni í staðinn fyrir að gera eitthvað af viti því jólaspikið er ekki krúttlegt og það er gott að fá útrás á hlaupabrettinu.

Er ekkert að deyja úr gleði þessa dagana en hlakkar til að vera búin með þetta próf og geta farið að spá í einhverju allt öðru. Vonandi næ ég því smat því ef ekki kemst ég ekki inn í masterinn í febrúar.

Gleðilegt "næstum" nýtt ár!!! Farið vel með ykkur á árinu og passið hvert annað
Knús

Gleðileg jól til ykkar allra nær og fjær!!

Hafið það sem allra allra best dúllurnar mínar :)

Knús

Jólaferðasaga löng

Ég er mætt á svæðið!(á Íslandið góða semsagt) . Ferðalagið var langt. Ég byrjaði á því að taka lestina til Kaupmannahafnar og fékk að gista hjá Gunna og Nínu. Þau héldu svo hrikalega skemmtilega "julehygge" ásamt Íslendingum sem þau þekkja og eru búsett í Kaupmannahöfn. Þó að ég hafi ekki þekkt þetta fólk þá var alveg hrikalega gaman. Nína bjó til glögg handa okkur og bakaði dýrindis smákökur mmmmm svo var spilað Buzz music quiz og Guitar hero. Einnig var þónokkuð magn af bjór teigður ljúflega.
Á sunnudeginum flaug ég svo til Keflavíkur. Það gekk reyndar ekki alveg snuðrulaust fyrir sig þar sem ég gat barasta ekki fundið vegabréfið mitt sem endaði svo með því að ég og Gunni vorum búin að opna stóru ferðatöskuna mína og vorum farin að rífa allt upp úr henni í check inn röðinni og fólk glápti eins og það fengi borgað að sjálfsögðu!! Þegar röðin var svo komin að mér var helv vegabréfið ekki komið í leitirnar og gellan í check inninu var geggjað fúl og sagði að ég yrði að hafa það. Ég sagði þá bara: "nú, þrátt fyrir að ég sé að fara til Íslands??" Það þaggaði niður í henni og hún tók ökuskírteininu mínu gildu. Jæja þá var náttúrulega allt dótið mitt í haug í ferðatöskunni minni en ég varð bara að flýta mér að loka henni og checka hana inn. Næsta vandamál var svo að komast í gegnum öryggishliðið en ég var með jólagjafirnar mínar í handfarangrinum, gjafirnar frá dönsku fjölskyldunni til mín, og ég vissi ekkert, að sjálfsögðu, hvað var í þeim! Ég fékk þá að vita að ég mætti ekki taka þær með og þurfti því að fara og tékka heila klabbið inn og helv fúla gellan var með eitthvað voða glott. Lendingin á Keflavík var ekkert voðalega skemmtileg því það var brjálað veður á þessu blessaða suðurlandi eins og svo oft áður en ég komst þó heilu og höldnu á íslenska jörð :)
Soffía sæta kom svo og sótti mig á Bsí og við áttum frábært kvöld saman en Ásdís bættist í hópinn. Ég flaug svo til Akureyrar á mánudagsmorgninum. Það gekk heldur ekki snuðrulaust fyrir sig! Það var klikkað löng röð í check innið og mikið stress. Ég spurði svo hvort ég mætti ekki taka eina tösku með mér sem handfarangur í vélina og fékk hið óvænta svar nei! Ég tékkaði því töskuna bara inn í flýti en þegar ég var sest inn í vélina mundi ég af hverju ég vildi taka töskuna með mér í vélina! Ég var með tvær óvarðar rauðvínsflöskur í töskunni plús allar greinarnar sem ég ætlaði að lesa um jólin, gúlp. Um leið og ég var lent tékkaði ég á töskunni og flöskurnar litu vel út. Þegar ég var svo komin heim setti ég svo töskunar bara inn í herbergi og sat svo í stofunni með mömmu. Mamma fór svo inn í herbergið mitt til að tékka á einhverju og varð heldur betur illt við þegar hún sá risa stóran rauðan poll á gólfinu. Þá hafði önnur flaskan hreinlega dottið í sundur og allt rauðvínið lak um allt. Ég náði að bjarga því mikilvægasta úr töskunni og setja á ofn. Lyktin í húsinu var vægast sagt alkaleg!

Nóg um ferðasögu í bili

Hittingur hjá Selmu í kvöld jeijj

Sjáumst :)

Bloggidíblogg

Fólk bara farið að kvarta yfir bloggleysinu í mér sem er ánægjulegt ! :) Gaman að vita að einhver nenni að lesa bullið í manni ;)

Það eru jól í nánd og maður kominn í netta stemningu barasta! Ég hef samt ekki haft nægjanlegan tíma til að fara og kaupa gjafir en tókst þó með erfiðleikum að rífa mig upp úr sófanum í dag og fara niðrí bæ og kaupa tvær gjafir, húrra fyrir því. Við kíktum líka aðeins á jólamarkað arkitektanemenda sem var spenanndi enda mikið frumlegt og flott í boði þar. Ég keypti til dæmis flotta uppskriftabók af íslenskri stelpu sem ég var að kynnast sem heitir Guðrún Ragna. Við vorum einmitt í "julefrokost" saman í gær sem var alveg hrikalega skemmtilegt. Fyrir þá sem ekki þekkja julefrokost er það át og drykkjuveisla sem stendur yfir langt fram á nótt. Það var pínu spes að vera ekki eini Íslendingurinn í partýinu en samt mjög, mjög næs. Já var næstum búin að gleyma að ég fór út á föstudagkvöldið með einni sem ég vinn með, kærastanum hennar og vinkonu sem var á aldur við mömmu hehe. Við fórum á alveg hrikalega hallærislegan bar og drukkum ljót, ódýr og bragðvond skot og að sjálfsögðu ódýran en mjög bragðgóðan jólabjór. Fólkið þarna var mjög "white trash" en það var samt stemning í þessu öllu saman. Ég fór heim snemma því ég þurfti að fara á fætur kl 6 á laugardaginn og fara í vinnuna en samt bara til klukkan 11 þannig að það var bara í gúddí.

Nú langar mig að taka góða jólahreingerningu og svo henda upp smá skrauti. Mér tókst reyndar að setja seríu upp í dag sem var stórt afrek. Ég á reyndar nánst ekkert jólaskraut og finnst erfitt að finna eitthvað sem ekki er rosa hallærislegt.

Er annars að fara í "julehygge" á þriðjudaginn með tveimur stelpum úr skólanum en við ætlum að borða "æbleskiver" og fleira sætt. Annars er ég rosa mikið að vinna, læra, svitna í ræktinni þannig að mér hefur vantað pínu að fara eitthvað út á djammið og hitta fólk og er því ánægð eftir þessa helgina :)

Ljótleikinn og fáránleikinn

Heimurinn er ansi ljótur stundum og fréttirnar geta sjokkerað. Held reyndar ekki að heimurinn sé mikið verri en hann var í gamla daga, held frekar að nú sé mun meira skrifað því fjölmiðlarnir eru orðnir svo margir og stórir. Ég las í dag um 12 ára strák í USA sem hélt því fram að hann væri misnotaður af afa sínum og frænda sem hann bjó með. Í ljós kom þó að þessi 12 ára strákur var í raun 29 ára gamall kynferðisafbrotamaður sem vildi láta "misnota" sig. Afinn og frændinn voru í raun ekkert skyldir þessum manni heldur voru sjálfir þekktir kynferðisafbrotamenn sem kynntust þessum "strák" á netinu gripu tækifærið þegar "strákurinn" bað um að fá að búa heima hjá þeim. Þessir kynferðisafbrotamenn voru æfir yfir þessum svikum þegar þetta komst upp. hahaha svona er lífið öfugt og fáránlegt stundum.

Önnur frétt sem er ofarlega á huga er frá Álaborg hér í Danmörku og fjallar um eitthvað sem virðist vera að aukast allsstaðar í heiminum. 15 ára strákur réðst á saklausan mann og barði hann til dauða og það sem var enn verra var að eftir að hann hafði drepið manninn dró hann líkið 15 til 20 metra í að átt að ljósi því hann vildi filma manninn með gsm símanum sínum! Svo eru þessi kellingatímarit að lifa á svona sögum og framan á einu helsta kellingatímaritinu hérna er mynd af þessum strák og svo er fyrirsögnin "foreldrar hans elska hann ennþá" en svo það sem er svo það súrrealistísk er að næsta fyrirsögn er "10 leiðir til að grennast fyrir jólin" og eitthvað í þá áttina! Þvílík fréttamennska!

Nenni varla að tala um að nú er búið að kjósa og ríkisstjórnin hélt velli sem er fáránlegt miðað við öll sviknu loforðin og niðurskurðinn á seinasta ári. Held að Danir séu nett heimskir, eða amk með voðalega lélegt minni!

Er í fýlu

Grunur minn um að ég mætti ekki kjósa í þingkosningunum hérna var staðfestur í dag þegar Frank fékk sent kosningakortið sitt með póstinum og ég fékk ekki neitt :( Kannski er ég voða frek að finnast ég mætti kjósa en mér finnst samt bara að þegar maður vinnur og býr í landi að maður eigi rétt á að hafa áhrif á samfélagið sitt. Er það ekki liður í að aðlagast samfélaginu að vilja taka þátt?? Finnst þetta asnalegt og er þess vegna í fýlu :(

Working girl

Þá er ég búin að koma mér í góðan mínus og þarf víst að fara að hysja upp um mig buxurnar og er því farin að vinna á fullu. Já ég er ennþá að skeina gömlum krumpuðum rössum. Þetta eru reyndar nánast allt yndælir rassar þannig að það er svosem ekkert svo slæmt. Er ekki pínu spes að koma í vinnuna eftir langt frí og byrja á því að spyrja :" hver er dáinn?" Það var reyndar sem betur fer enginn dáinn en samt haha. Það er samt bara svo gaman að gæjast inn í allt annan heim sem er samt sami heimur og við búum í í dag. Jæja fyrir þá sem ekki vita er ég að koma heim til Íslands AFTUR sem er ástæðan fyrir mínusnum og dagsetning er 16.des til 3.jan!!

Allavega er að verða ansi jólalegt hérna þar sem búðirnar eru að fyllast af jóladrasli, kvíði svo bara fyrir að fólk fari að spila jólalög! Ég hata jólalög! Finnst þetta nú fullsnemmt. Minnir mig bara á allt sem ég þarf að gera fyrir jól, gúlp. Held að margir hafa það eins og ég.

Gleðilega jólaauglýsingatörn!

Aarhus baby

Nú sit ég í sófanum mínum í Herluf Trolles gade, Aarhus, Danmörku sem þýðir að ég er ekki lengur á Íslandi. Það var ólýsanlega gott að vera í löngu frí sem var fullt af hittingum með vinum og vandamönnum, vá hvað maður er endurnærður og glaður frá toppi til táar. Það fyrsta sem gerði svo þegar ég kom til landsins var að fara í afmæli tengdarmóður minnar sem var næs því það var öll familían samankomin og tók vel á móti mér.

Ég er í miklum rólegheitum núna þar sem það er ekki þörf á mér vinnunni fyrr en um helgina, þetta er fínt því ég get reynt að lesa allt það sem ég hef ekki verið að lesa en hefði átt að lesa fyrir langa löngu. Það sem ég er að lesa núna er ágætlega skemmtilegt þar sem ég var í nútímafræði í háskólanum á Akureyri og lærði allt um nútímann eða modernity en er svo að lesa um post modernity núna en í pínu öðru samhengi. Alltaf gaman þegar maður getur hengt nýja þekkingu á gamla. Það er líka undarlegt, á góðan hátt, að velta sér upp úr þeim tíma sem maður lifir í því þá sér maður hvað hann er í rauninni frábrugðinn fortíðinni en samt ekki ??

Ég og Frank erum bara í góðum gír og í gær skárum við út grasker og bjuggum til graskerssúpu, ok Halloween er í dag en við "héldum uppá" það í gær. Á morgun fer Frank að vinna sem lærlingur þannig að ég verð að venjast því að hann komi ekki heim fyrr en seinni part dags.

Annars vil ég bara þakka öllum sem ég hitti á Íslandi fyrir að hafa gert dvöl mína þar að frábærri minngu sem ég get hlýjað mér við á köldum löngum vetrardegi hérna í Danmörku.

knús

Ísland

Þá er ég búin að vera hér á litlu sætu íseyjunni í hálfan mánuð og á því bara eina viku eftir :(
Alltaf þegar ég hef veri hérna í smá tíma skil ég barasta ekkert hvað ég er að gera í Danmörku því það er svo gott að vera í sínu eigin heimalandi. Það kemur alltaf upp í hugann orðatiltækið "fiskur á þurru landi" þegar ég hugsa um það hvernig mér líður stundum í DK miðað við að vera hérna. Ég átta mig á því þegar ég kem hingað hvað það er notalegt að geta tjáð sig óheft og finnast maður vera í sama hópi og allir aðrir. Þetta er ómetanleg tilfinning og ég vorkenni þeim sem þurfa að flýgja heimalönd sín vegna stríðs og fátæktar því þessa tilfinningu er erfitt að fá aftur þó maður hafi búið lengi í sama landinu, það er jú bara eitt heimaland :) Ekki misskilja mig, ég hef það ótrúlega gott í Danmörku og hef sjaldan verið jafn hamingjusöm og þar. Ég á yndislegan kærasta sem er líka besti vinur minn og svo skemmtilega vini og fjölskyldu sem gerir allt fyrir mig.
Ég kem reyndar fljótlega aftur til Íslands en ég býst við að koma um jólin !! :)

Þá er bara að nota tímann sem eftir er til að hitta allt skemmtilega fólkið á Akureyri !!

Knús Kristrún

p.s veit einhver um far fyrir mig suður???

Billund-Keflavík

Þá er dagurinn runninn upp! Ég er á leið heim til Íslands :)

Hlakkar til !

Við förum til Horsens eftir smá og svo ætla tengdó að skutla mér á flugvöllin í Billund sem er bara um klukkutíma akstur, í staðinn fyrir að fara allaleið til Kaupmannahafnar sem tekur alltaf allavega 3 tíma. Ég er því róleg yfir þessu öllu saman en oft er ég mjög stressuð þegar ég þarf að taka lestina til Kastrup því það er sko aldrei hægt að treysta þessu lestarkerfi hérna, plús að ferðalagið styttist þónokkuð!!


Á fimmtudaginn fékk ég óvænta afmælisveislu en dönsku vinkonurnar þær Karen og Kamilla buðu mér í hrísgrjónargraut (þykir hið mesta lostæti í DK) svo bökuðu þær afmælisbollur og bjuggu til heitt kakó. Það voru fánar og kertaljós og ég fékk að meira að segja pakka ;) Ég tók flösku af uppáhaldsrauðvíninu mínu með og við sátum svo bara allt kvöldið og "hugguðum" okkur hehe. Mjög mjög næs!











Þið sem búið heima á Íslandi...við sjáumst!

knús

Afmælisferðalagið :)

þá er það ferðasagan! Varúð: Sagan er pínu löng.

Afmælisdagurinn byrjaði snemma en ég og Frank tókum lestina kl hálf níu um morguninn. Ferðin var ekki alveg áfallalaus en þannig er það alltaf þegar ég er í þessari blessuðu lest. Við vorum m.a skömmuð af gömlum "fasista" og svo héldum við í eitt augnablik að kviknað væri í lestinni. Við komumst þó á leiðarenda með smá seinkun. Við biðum svo eftir Sólrúnu á Raadhuspladsen og kíktum aðeins inn í ráðhúsið sem er afar snotur bygging og sérstaklega þennan dag þar sem rómantíkin lá í loftinu þar sem þar var gifting í fullum gangi. Við áttum virkilega góðan dag í miðbænum með Sólrúnu þar sem við sátum á kaffihúsum, horfðum á fólk, töluðum heilmikið, kíkkuðum í búðir og fleira í þeim dúrnum. Um kvöldið hittum við svo Gunna og Nínu og fórum ásamt Sólrúnu út að borða á rosa flottum indverskum veitingastað. Ég var mjög ánægð með matinn og þjónustuna þó að Gunni hafi pantað rétt númer 211 og fékk í staðinn tvö stykki af númer 11 hahaha. Hann var reyndar heppinn því réttur nr 11 var mjög bragðgóður þannig að við fengum að hjálpa honum við að klára nammnamm.


Eftir matinn var svo ferðinni heitið á frekar cool bar. Þar voru drukknir nokkrir bjórar og chillað í takt við reggea tónlist. Kvöldið endaði svo með kveðjustund en Sólrún þurfti snemma heim því á laugardeginum flaug hún til Afríku þar sem hún mun búa og vinna næsta árið. Spennandi!! Gangi þér vel Sólrún, þú átt eftir að rúlla þessu upp ;)


Laugardagurinn var mjög næs dagur en ég og Frank byrjuðum á því að sofa lengi lengi. Þegar við svo loksins dröttuðumst út í rigninguna fórum við í lítið ferðalag en okkur langaði að fara á Arken sem er flott listasafn lengst útí rassgati. Við þurftum að taka strætó og s lestar og svo gengum við 3km í grenjandi rigningu og ég í háhæluðum skóm jeijj. Allavega var þetta safn alveg þess virði!! Svaka cool sýning með ótrúlega flottum verkum, allt ungir listamenn með mjög nútímaleg verk sem voru mjög djúp og frumleg. Um kvöldið nenntum við ekki neinu djammi þannig að við skelltum okkur í bíó en við völdum að sjá Shrek sem er alveg ógeðslega fyndin.



Sunnudagsmorgun og sund. Ég hef aldrei áður verið hrifin af sundlaugum í Danmörku, yfirleitt er þær bara leiðinlega og kaldar. Í kaupmannahöfn er rosa flott laug (DGI Byen) bæði fyrir stóra sem smáa en það var þó stór meirihluti af litlu gerðinni. Ég tók eftir því að þarna voru margir Íslendingar með krílin sín í hópum að sjálfsögðu. Eftir sundferðina hittum við svo Gunna og Nínu og foreldra Gunna. Gunni var svo flottur á því að bjóða okkur öllum í hádegismat á veitingahúsi á Nyhavn. Takk fyrir það!

Við ákváðum svo að fara ekki með lestinni heim og tókum því rútuna/ferjuna heim! Mig langaði reyndar ekkert sérstaklega til að fara aftur heim því mér finnst Kaupmannahöfn töluvert meira spennandi en Aarhus sem er bara sveitabær.

Frábær helgi !!

Kaos í Fitness world

Þegar ég kem til Íslands lendi ég á Keflavíkurflugvelli og mun eyða nokkrum góðum dögum í borginni, hversu lengi fer svo bara eftir því hvernig ég ætla að fragta sjálfri mér norður. Einhver á norðurleið? Langar allavega að hafa góðan tíma með Soffíu og Elí, Ásdísi og Önnu Þorbjörgu og öðrum góðum. Ég á til dæmis töluvert af fjölskyldumeðlimum þarna sem maður hittir ekki oft sem ég gæti alveg hugsað mér að hafa samband við.

Fór í ræktina í dag EFTIR vinnu sem ég hélt að væri rosalega erfitt þar sem vinnan mín er mjög líkamlega erfið oft á tíðum. Jú ég hafði í raun rétt fyrir mér því ég átti erfitt með að komas mér í gang en svo þegar ég varð heit þá gekk þetta allt mjög vel. Reyndar var einn risa ókostur en þessi rækt er glæný og í dag var bara troðfullt af fólki sem er rosalega pirrandi. Ég hitti svo stelpu sem ég þekki sem tókst að móðga mig nett og svo hjólaði ég heim en Danir á reiðhjólum er stundum algjör killer en ef maður er nett hægfara eða ekki alveg með á nótunum er bara öskrað á mann og það gerðist einmitt í dag á leiðinni heim. Ég var því einhvern veginn andlega útkeyrð þegar ég kom heim og sat því bara stjörf yfir Friends. Reyndar hresstist ég svo eftir að hafa borðað gott lasagne og horft á Desperate houswives :)

Knúsí mús!!

Bráðum verð ég svo stödd í Köben !! jeijjj hlakkar til!

Kæra Ísland

Ég sný til baka til þín mitt kæra land. Verð á litlu ævintýraeyjunni frá 6.okt til 27.okt!!!! Allir skemmtilegir vinir og vandamenn mega vera í sambandi ;) Ég hlakka mikið til að sjá alla en kannski mest nýja mannfólkið þá Elí Smára og Róbert Braga og knúsa þá smá því ég hef ALDREI hitt þá! Seinast þegar ég var á landinu voru þetta bara stórir magar hehe. Annars er amma mín mín veik og ég vil eyða tíma með henni á meðan ég hef tækifæri á því þannig að þetta verður kannski pínu erfið dvöl líka. Lífið er víst blanda af ýmsu súru og sætu og maður hefur ekki svo mikla stjórn á vissum hlutum þannig að maður verður bara að læra að lifa með þeim.

Ég varð smá pissed off í dag þegar ég opnaði emailið mitt og sá að verðið á flugi til Íslands er helmingi ódýrara en þegar ég keypti miðann bara fyrir 2 dögum :( Alltaf er ég svona óheppin eitthvað!!

Annað : Hafið þið einhvern tímann sett veskið ykkar í ískápinn?? Ég hef gert það og í dag þegar ég kom heim úr vinnunni og hafði klætt mig úr jakkanum og skónum byrjaði ég að klæða mig úr buxunum??? hahahaha. Er þetta bara ég eða skeður svona fyrir ykkur líka? Frank fann veskið mitt í ísskápnum en ég hafði ekki einu sinni áttað mig á því sjálf hehe. Annars held ég að allir hafi einhvern tímann hent einhverju í rusladallinn sem í raun átti að fara í ísskápinn og svo verið á leiðinni að setja ruslið í ísskápinn , ekki rétt?

Á afmælisdaginn minn þann 28.sept ætlum við Frank að fara til höfuðborgar Danmerkur!! Við höfum pantað farið og gistingu og allt. Við ætlum að eyða afmælisdeginum mínum með henni Sólrúnu minni en hún verður í borginni þann daginn. Jeijj. Annars ætlum við að fara á Arken sem er víst mjög flott listasafn, út að borða og hitta vini. Þetta verður væntanlega yndisleg helgi.

Annars er lífið bara vinna og skóli þessa dagana en mér finnst pínu eins og ég eigi ekkert frí því þegar ég er ekki að vinna "ætti" ég að vera að læra eða gera eitthvað uppbyggilegt. Ég er byrjuð í ræktinni sem er mjög gott og mig hlakkar geggjað til að vera í þessari rækt en hún er glæný og mjög flott.

nóg í bili og afsakið hvað ég er búin að vera löt við að blogga!!

Post weekend

Fredagsbarinn var góður fyrir utan að ég og Frank misstum okkur aðeins í kappdrykkju þar sem við höfum bæði verði samasem edrú allt sumarið hehe. Vinkona mín var tekin af lögguni þetta kvöld þar sem hún hjólaði heim í annarlegu ástandi án ljósa! Þessi fredagsbar er semsagt þannig að þegar skólanum líkur á föstudögum er settur upp bar í kaffiteríunni og ótrúlega ódýr bjór skenktur fram á kvöld. Við fórum eftir barinn í einkapartí í svaka flottri íbúð þar sem allir voru voða fínir sálfræðinemar.

Laugardagurinn fór í þreytur, þynnku og þrif, ekki góð blanda! En þannig var mál með vexti að allt fór úrskeiðis. Fyrst tókst heilli kókflösku að renna úr höndunum á mér (var nýbúin að bera á mig lotion sko)og gólfið okkar (sem er by the way teppalagt) og Verner Panton stóllinn okkar urðu kókblaut og ég fékk ekki eins mikið kók og ég þarfnaðist þennan dag sem var tragískt. Það tók MIKIÐ á að þrífa þetta allt saman en það heppnaðist þó mjög vel. Síðan sáum við að þar sem við höfðum lagt ruslapoka frá deginum áður var kominn geggjaður blettur, það er svona "Síðuskóla" dúkur á gólfinu okkar í eldhúsinu og við gerðum allt til að ná blettinum af sem endaði með að við aflituðum gólfið pínu í kringum hann! Til að útskýra af hverjum við söfnum rusli í íbúðinni okkar vil ég benda á að ruslakarlarnir hérna eru ekkert smá prímadonnur sem ekki taka ruslið okkar ef: 1. ruslatunnan snýr öfugt 2. Ef tunnan er svo full að ekki er hægt að loka henni 3. Ef það er pínu snjór fyrir framan tunnan og svo framvegis.

Sunnudagurinn var mjög ferskur dagur en við skelltum okkur í geggjað langan hjólatúr og komum við í "öðrum heimi" en við fórum í hinn fræga Bazar West en það er arabamarkaðurinn í bænum. Þar var hægt að kaupa ljótasta skran sem ég hef nokkru sinni á ævi minni séð, jessúss. Við erum að tala um hilluvís af plasblómum og rósóttum kaffibollum og fleira í þeim dúrnum. Ég og Frank löbbuðum flissandi í gegnum nokkrar búðir þarna en skömmuðumst okkar svo og ákváðum að kíkka á matinn í stðainn en þetta er víst mjög góður grænmetis og kjöt markaður. Við vorum ekki með neina peninga á okkur þannig að við keyptum ekkert í þetta skiptið en ætlum að hjóla þangað aftur seinna og kaupa eitthvað gómsætt í matinn.

Jæja eins og svo oft áður varð pistillinn minn alltof langur, sorry about that!

later!

School is cool

Á morgun byrja ég í skólanum :)!! Þá fæ ég aldeilis að læra um sálfræði frá algjörlega nýjum sjónarhóli. Þessi áfangi er nefnilega mjög existentialískur og póstmódernískur og langt frá því að vera vísindalegur eins og allir aðrir áfangar sem ég hef tekið á Íslandinu góða. Ég hlakka til að sitja og fræðast um eitthvað nýtt þó mig gruni að ég muni fyllast pirringi og jafnvel viðbjóði á þessu bla bla sem Danir eru svo þekktir fyrir, þeir eru nefnilega ekkert rosalega "konkrít" í sínum fræðum stundum ef þið skiljið hvað ég meina??. Allavega þá þekki ég einn íslenskan strák sem verður í þessum áfanga sem þýðir að ég verð ekki ein! jeijj. Hann er í BA náminu hérna og á bæði konu og börn eins og svo margir "sannir Íslendingar" hehe.
Ég hef svo heimtað frí um helgina og ætla að byrja djammið strax á morgun en ég ætla að fara með íslensku gellunum á fyrsta "fredagsbarinn" minn sem er bar (í skólanum!) sem er mjög ódýr og er opinn á föstudögum frá 14 til 20. Ég er í tíma til 14 þannig að það passar vel að fara beint á barinn til að skola út öllu bullinu hehe. Hlakkar til ! Svo er svona "menningarnótt" hérna sem er reyndar heil vika þannig að það er um nóg að velja um helgina :) Segi jafnvel eitthvað meira frá því síðar.

Góða helgi og skemmtið ykkur endilega vel!!

Brilliant commercial

Brasað og brasað

Það er búið að vera nokkuð mikið að gera hjá mér seinustu dagana. Er að vinna ca 6 daga í viku og svo þegar ég á frí erum við Frank búin að vera dugleg að gera eitthvað skemmtilegt. Erum til dæmis búin að fara á listsafnið hérna sem heitir Aros og er mjög flott, við höfum reyndar verið þarna mjög oft en núna er ný sýning sem okkur langaði mjög að sjá. Svo fórum við í skemmtigarð sem heitir Danfoss Univers, mæli eindregið með honum ef einhver af ykkur á leið um Danmörku, sjá www.danfossunivers.com. Þar er til dæmis mjög flott hús þar sem vatn lekur niður veggina og inní er íslenskur 18 metra Geysir!! Einnig var farið yfir til Þýskalands og keypt slatta af ódýrum bjór, gosi og nammi ;) Nú get ég loksins sagt að ég hafi verið í Þýskalandi! Borðaði að meira að segja Bratwurst pylsu ;)

Á morgun er ég svo að fara á tónleika en það er opnun á Aarhus festuge en það er svona menningarvika og þemað í ár er hreyfing en ég veit í raun ekkert hvað verður á boðstólunum en mig grunar að það verði töluvert dansað. Frank er sveittur núna að setja sviðið upp í ráðhúsinu sem er by the way Arne Jakobsen hönnun. Frank er að vinna í amk 12 tíma í dag við að setja upp sviðið og eitthvað svaka flott ljósashow. Hlakkar til að sjá hvernig þetta mun líta út.

Á föstudaginn erum við svo að fara í afmæli til pabba hans Frank í Horsens. Í næstu viku byrjar skólinn svo hjá mér og þá ætla ég að minnka við mig í vinnunni. Djö hlakkar mig til :)

Ég er svo annars að vinna á sunnudaginn sem sökkar en ég er desperate for money þar sem Lín bankar á öxlina á manni núna jeijjj. Aldrei taka námslán!!!!

The human beatbox chef

Beatbox Fame Game
Sendt af loranger

Our FRIENDS the NEIGHBOURS

Pretty naked guy

Já vid eigum okkar eigin ugly naked guy, nema hvad ad hann er ekki ljótur og tví fékk hann heitid Pretty naked guy. Nágranni okkar er semsagt alltaf nakinn og hann er EKKI med gardínur í íbúdinni sinni! Hann virdist sitja nakinn inni á skrifstofunni sinni sem er full af bókum og svo virdist vera ad hann sé eitthva voda mikid ad brasa inni í stofunni. Kannski er hann rithøfundur og listamadur EDA kannski er hann bara psycho! Tad er kannski thunn lína tarna á milli hehe.

Jæja nú haldid tid náttúrulega ad ég sitji hvert kvøld og glápi á the pretty naked guy!

Feitir tónleikar

Fór á CocoRosie tónleika á sunnudaginn með nokkrum hressum íslenskum stelpum. Stelpurnar sem ég var með eru stelpur sem ég kynntist í sálfræðináminu heima og/eða sálfræðinni hérna í Aarhus og heita Hrefna, Ásdís, Hildur og Katrín.


CocoRosie eru systur frá USA sem spila mjög cool og frumlega tónlist. Þær eru víst upprunalega frá Frakklandi en hafa búið lengi í Bandaríkjunum. Þeim til stuðnings var Tez sem er gaur sem gerir fáránlegustu hljóð með röddinni og hann var í býr til flest öll beat í tónlistinni þeirra. Hann hitaði líka upp fyrir sjálfa tónleikana og fólk var gjörsamlega orðlaust yfir honum. Hann tók til dæmis Prince lag þar sem gerði beatið og söng á sama tíma?! hvenrig gerir maður það?? Systurnar tvær eru báðar með mjög flottar raddir, önnur þeirra er með rosalega fallega óperurödd en hin er með mjög cool barnalega rödd sem hún notar í rappstíl. Saman er kokteillinn banvænn! Þessi tónlist er mjög góð tónleikatónlist amk en ég hef svosem ekkert hlustað á hana áður. Hrefna er búin að lofa mér að brenna handa mér þá diska sem hún á, held þær hafi gefið út þrjá diska í allt.

Gaman að vera komin í íslenskan félagsskap aftur :)

Sumarið kom að lokum!

Stella Polaris
Er svona dagur þar sem nokkri mismunandi plötusnúðar spila chill out tónlist á meðan fólk liggur og picknickar. Hér er nokkrar myndir frá þessum viðburði.



Fólk á öllum aldri naut sín í þessum garði sem er reyndar háskólagarðurinn hérna sem er by the way rétt hjá mér sem er næs. Sumir spiluðu fuzball aðrir veiddu fisk, sumir áttu afmæli og borðuðu kökur á meðan enn aðrið lágu á teppi og keluðu.






Ströndin

Við höfum líka eytt þónokkrum tíma úti í sólinni því hennar var saknað sárt hérna í sumar en hún ákvað svo að láta sjá sig í nokkra daga. Við fórum til dæmis á ströndina sem er bara hérna rétt hjá okkur. Ég var ekki með gleraugun á nefinu og sá því ekkert sérstaklega vel og fannst allir eitthvað svo bleikir á ströndinni. Þegar við vorum komin nógu nálægt til að ég gæti séð fólkið uppgötvaði ég að allir voru naktir! Fullt af allsberum miðaðra köllum! Við flýttum okkur bara framhjá þeim og aðeins lengra á ströndinni var aðeins meira klætt fólk. Við settumst niður í sandinn og fylgdumst með fólki og dýrum. Við sáum til dæmis mjög sætan en feitan Pug hund með eiganda sínum sem var 12 ára gamall strákur. Þeir fóru aðeins í sjóinn til að kæla sig en hundurinn var fljótur að forða sér og hljóp rakleitt til okkar og hlammaði sér upp að Frank en hundurinn var eins og áður sagði bæði sveittur og blautur þannig að Frank var ekki alveg sáttur. Hundurinn virtist algjörlega orkulaus og ætlaði aldeilis ekki að færa sig neitt og þegar eigandinn kom að sækja hann sat hann bara áfram blýfastur. Við komumst svo að því að hundurinn heitir Pingo og var hinn sætasti og ég klappaði honum og knúsaði aðeins. Eigandinn var pínu vandræðalegur yfir því hversu litla stjórn hann hafði á þessu litla dýri en þessir hundar eru víst voða sjálfstæðir og fullir af persónuleika.
Algjört krútt!

I saw a good strip today....

Adjø!

Frank

Sumarfríið

Sumarið kemur barasta ekkert í Danmörku þetta árið :( Rigning, meiri rigning og aftur rigning. Ég hef samt átt mjög skemmtilegt sumar og get því ekki kvartað mikið. Ég var í sumarfríi sem er eitthvað sem ég fékk einmitt ekki í fyrra en þá var 30 stiga hiti nánast daglega.

Eftir Hróa komu Sólrún og Anna til mín og við skemmtum okkur konunglega! Við fórum að sjálfsögðu beint á djammið þrátt fyrir þreytu og slen. Þynnkan stoppaði okkur svo ekki í að njóta okkar í hjarta bæjarins þar sem kaffihús og búðir voru prófuð. Það var mikið spjallað og hlegið og ég dustaði rykið aðeins af gömlu góðu íslenskunni sem er þarna ennþá.
Vinkonur eru gulls ígildi :)

Mamma og pabbi ásamt Katrínu systur og börnum skelltu sér svo til Danmerkur þann 18.júlí en þau fengu íbúð til leigu í viku í Kaupmannahöfn. Ég fór og hitti þau svo þann 20. og fékk að vera með þeim í íbúðinni. Vegna veðurs var ekki farið í Tivoli og dýragarða heldur Experimentarium, Fields, og svo voru búðirnar rannsakaðar aðeins. Við höfðum það líka gott á kvöldin með bjór í annari og nammi í hinni hehe. Eitt kvöldið hafði ég engan bjór í hönd og fannst Bjarma það alveg ómögulegt og nánast skipaði mér að fara inn í eldhús og sækja mér bjór! Börnin voru náttúrulega bara frábær og ég hló mig máttlausa nánast hvern einasta dag því þau eru svo fyndin. Við fórum til dæmis til Horsens að hitta fjölskylduna hans Franks þar sem börnin náðu að heilla alla þar upp úr skónum. Bjarmi reifst til dæmis við pabba hans Franks sem heitir Max um að hann héti sko ekkert Max heldur Mix! haha. Á Jótlandi var ýmislegt skoðað eins og: Kattegatcentret náttúran og gamlar byggingar, miðbær Horsens og Aarhus og fleira.

Núna er vinnan tekin við sem er bara fínt því nú þekki ég allt þetta fólk sem þýðir að mér líður eins og ég sé að hjálpa vinum mínum og við spjöllum um allt milli himins og jarðar. Það er líka svo krúttlegt hvað gamalt fólk hefur mikinn áhuga á því sem maður er að gera og þeim finnst maður alltaf svo duglegur og frábær. Ef maður opnar krukku til dæmis þá er maður algjör ofurhetja í þeirra augum því það er eitthvað sem þau hafa ekki getað gert í kannski fleiri ár en ég hef lifað ! Nú þarf ég bara að skella mér í smá "afvötnun" þar sem ég reyni að hætta að sukka með mat, nammi og áfengi og reyni að hreyfa mig meira og jafnvel fá mittið mitt aftur !

Góð versló til ykkar allra

Blaut skemmtun

Brúðkaup á Samsö
Ferðalagið byrjaði mjög illa en það var hellirigning og ferjan biluð þannig að við þurftum að bíða í pínu litlum bæ í tvo klukkutíma. Við gerðum gott úr því og keyptum bjór og pizzu. Fyrsta nóttin í blautu tjaldi var ekki góð þar sem vindsængin hans Frank var ónýt þannig að hann svaf ekki neitt og ég svaf kannski í 2 eða 3 tíma. Parið var svo gift í mjög krúttlegri gamalli kirkju á ótrúlega fallegum stað á eyjunni. Veislan var fín með góðum mat og nóg af bæði víni og bjór. Haldnar voru margar hjartnæmar ræður þar sem mörg tár fengu að falla. Ég verð reyndar að viðurkenna að ég hata pínu stórar veislur þar sem ég þekki engann en þetta var svosem ágætt.


Við vorum mjög vel undirbúin undir mikla rigningu og vesen því það er jú alveg ljóst að þegar fröken Kristrún á að sofa í tjaldi rignir alveg pottþétt. Við höfðum rétt fyrir okkur en það rigndi alveg svakalega eins og fólk hefur væntanlega séð í fréttunum. Maður reyndi að sjálfsögðu bara að gera gott úr þessu sem tókst nokkuð vel þar sem við vorum í alveg frábærum vinahópi og ég vil bara þakka þeim fyrir frábæra hátíð ! :)
Við vorum í frekar stórum tjaldbúðum en þar voru til dæmis Siggi x og kærastan hans Lilja, Gunni og Nína og svo Biggi og Guðný frá Akureyri. Við hittum svo Hrönn, Jón og Önnu og Peter og Louise en þau bjuggu á öðrum stöðum en við . Við eyddum í raun ekki miklum tíma á sjálfu tjaldsvæðinu því það var svo mikið af góðri tónlist sem við vildum ekki missa af. Það er samt alltaf erfitt að sjá allt sem manni langar að sjá þannig að stundum var nett stress á manni að plana tónleika, pissuferðir, bjórferðir og vinahitting.

Okkur tókst þó að sjá : 1234, Detektivbyrån, The floor is made of lava, Arcade fire, LCD soundsystem, Björk, The Sounds, Beastie boys, Boris, Queens of the stone age, Annuals, Booka shade, The National, Hayseed Dixie, The Flaming lips, The Who, Red hot chili peppers, Dream of an opium eater, Wilco og Arctic monkeys. Samtals 20 bönd!
Flest af þessu var mjög gott en annað slapt. Nenni ekki að fara djúpt í einhverja gagnrýni þó.


Við vorum mjög ánægð og fegin að komast heim á hreint og gott klósett og hlýtt rúm ! Klósettin á Roskilde eru skandall en í byrjun hátíðar voru kamrarnir yfirfullir þannig að maður gat ekki notað þá og svo í lok hátíðarinnar var enginn klósettpappír neinstaðar og ef maður reyndi að fá pappír frá starfsfólkinu var bara sagt nei. ok smá tuð ! Það var gaman og mig langar að fara aftur á næsta ári en myndi samt hugsa mig tvisvar um ef veðrið verður jafn vont.

Á morgun koma svo ofurgellurnar Sólrún og Anna Þorbjörg og Guð hvað mig hlakkar hrikalega til að sjá þær!!!

Whats new pussycat?

Finnst ég skulda bloggfærslu þannig að þessi er kannski pínu löng, sorry

Það hefur verið mikið um að vera hér hjá okkur. Ég er að vinna á fullu sem er í raun fínt en er þó að fara í smá sumarfrí næstu tvær vikurnar. Næst á dagskrá hjá okkur er að fara til Samsö en þar verður haldið brúðkaup á laugardaginn. Ég fór einmitt í kjólaleiðangur í seinustu viku og endaði í H&M en þar var úrvalið eiginlega alltof mikið þannig að ég endaði með þrjá kjóla sem ég fílaði og ákvað að kaupa þá alla haha! Þeir kostuðu samt innan við 500 DK sem er fáránlega ódýrt. Við munum sofa í tjaldi á Samsö svo við vonum að veðrið verði bærilegt en núna seinustu dagana hefur veðrið verið ömurlegt, rigning og rok!. Svo á þriðjudaginn munum við fara á Hróaskelduhátíðina góðu :) Alltaf þegar ég ætla að sofa í tjaldi kemur rigning þannig að það er alveg ljóst hvernig veðrið verður ! Allaveg þetta verður geggjað gaman og ég hlakka svakalega til.

Það helsta í fréttum er að við Frank fórum á Modest Mouse tónleikana í gær en þeir voru alveg hrikalega góðir. Þeir fengu fimm stjörnur af sex mögulegum í tónlistartímariti hérna sem er ekki slæmt. Það var ótrúlegur kraftur í þeim en þeir eru sex manns í hljómsveitinni og eru með allskonar hljóðfæri, þar á meðal tvö sett trommur, trompet, selló, bongótrommur,harmonikku, banjó plús allt þetta venjulega. Söngurinn er líka náttúrulega einn af þeirra bestu þáttum. Þetta voru rosalega litlir tónleikar en við vorum í mesta lagi 1000 manns þrátt fyrir að það hafi verið uppselt. Maður nær einhvernveginn að njóta tónlistarinnar betur á svona tónleikum. Það einasta sem ég get sett út á þessa tónleika var að þeir klúðruðu uppáhaldslaginu mínu, Float on, sem var pínu svekkelsi en what ever ég skemmti mér vel.

Við fórum reyndar á aðeins "rafrænni" tónleika á laugardaginn en við skelltum okkur á Chokolade Fabriken sem er frekar cool staður sem er skiptur upp í nokkrar hæðir með mismunandi tónlistarstefnum. Í kjallaranum eru alltaf frekar undergroundlegir tónleikar, sumir rosalega lélegir en aðrir cool en það er samt alltaf gaman að tékka á þeim. Á laugardaginn voru þrír raftónlistarmenn að spila, einn frá Bandaríkjunum, einn frá Þýskalandi og einn frá Danmörku. Við vorum nánast einu áhorfendurnir þannig að við sátum svo bara og spjölluðum við þetta fólk sem var mjög áhugavert. Einnig fengum við fjóra ókeypis bjóra sem skaðabætur fyrir mannleysið ! geggjað :) Áhugaverðasta framkoman var án ef frá þýsku stelpunni en hún var íklædd búningi sem hún hafði sjálf hannað og saumað, þetta var nokkurskonar glamúr ofurhetju búningur sem hún klæddi sig svo úr. Frekar fyndið en mjög töff líka. Danska stelpan var líka fyndin en hún kallar sig Esther Lauder og tók til dæmis Erotica eftir Madonnu en breytti textanum svo að hann var: Get your hand right off of my body. ok hljómar ekki fyndið núna, you had to be there. Svo eyddum við restinni af kvöldinu í að spjalla við tvo gaura frá Nýja Sjálandi sem var líka frekar áhugavert. Ég tala yfirleitt aldrei við ókunnuga hérna í DK því það tíðkast ekki en Frank var alveg æstur í að tala við fólk sem var svo fínt því þá var ísinn brotinn.

Jæja nú er nóg komið!

Ég mun svo að sjálfsögðu setja inn frekar fréttir af okkur á næstunni

Winter-birthday-Ålborg-Skagen

Hi there,

I've made a soundslide with pictures from our winter, my birthday and our great summer trip to Ålborg visiting Eydís, Óli and the kids. So turn on your speakers and click here

Have a nice summer :-)

Frank

Sweet sommer

Álaborgarferðin góða :

Ég fékk frí föst, laug og sun og við fórum til Álaborgar. Það var ÆÐI ! Við fengum besta veður ársins og höfðum það ótrúlega gott. Það var drukkinn í skaldur bjór og Cider allaleið frá Svíþjóð! Kassagítarinn var notaður óspart en nokkur gömul góð drykkjulög fengu að fjúka í sumarblíðunni þegar líða fór á kveld og nágrannarnir dáleiddust af hljómfagri röddu Óla og buðu okkur að koma yfir til þeirra og syngja með þeim. Mikið glens og gaman þar! Það besta við að drekka áfengi í svona gríðarlegum hita er að maður svitnar öllu út í gegnum húðina þannig að maður þarf ekki að pissa eins mikið OG það besta er að maður verður alls ekkert þunnur! Ókosturinn er svo að maður þarf að drekka ansi mikið og svo angar maður eins og unglingaherbergi, það er sko versta lykt sem til er!
Börnin voru bæði falleg og ljúf eins og alltaf og Frank kom þvílíkt á óvart með ýmsum pabbatrixum, held barasta að hann sé sniðinn í pabbahlutverkið þó hann vilji ekki viðurkenna það hehe.
Við fórum í ævintýraferð til Skagen sem er rosalega krúttlegur og fallegur bær, pínu eins og dúkkubær með fullt af flottum og pínulitlum húsum. Þetta er reyndar túristabær sem er víst tómur á veturnar. Það var varla Dani á ferð þarna því bærinn var yfirfullur af blindfullum, en mjög glöðum, Svíjum og Norðmönnum. Við nutum okkar bara á ströndinni og kældum okkur niður í sjónum, sumir amk hehe en ég er pínu hrædd við öll dýrin í sjónum þannig að ég lá bara á teppinu og sólaði mig. Við urðum að sjálfsögðu öll mjög brún og rauð en það eru víst litir sumarsins! Það ætti í raun að vera rauður og brúnn fáni í tilefni þess. Dagurinn fór reyndar næstum í vaskinn vegna örðuleika í lestarkerfinu sem er alltaf í tómu rugli á sumrin en því var svo reddað sem betur fer en það fór langur tími í að bíða og vona. Fall er fararheil var okkar mottó:)
"Vegna veðurs" var svo áætlaðri dýragarðsferð aflýst því við gátum barasta ekki hætt að "hugga okkur" úti á pallinum þeirra Óla og Eydísar sem er mjög stór og næs og svo var lítil uppblásin sundlaug sem maður gat dýft heitum tánum í kalt vatn. Við eyddum miklum tíma þar í sólinni sem var alveg rosalega gott og ég fékk smá lit á hvítu húðina mína jeijj. Frank varð reyndar veikur og svo gleymdi ég tannburstanum mínum og var svo vitlaus að fá hans lánaðan og varð auðvitað veik líka. Við erum semsagt bæði lyktar og bragðskynslaus núna og full af hori, namm!

Ætla að reyna að henda inn myndum á morgun en Frank liggur í rúminu núna og er að deyja úr slappleika.

Kyss kyss

Sumarið er hér

Verð að viðurkenna að það er komin viss bloggleti í mig, það er kannski því sólin skín og manni langar bara að nota tímann til að njóta sín á meðan á þessari blíðu stendur. Í dag var ég búin í vinnunni klukkan tvö og svo klukkan þrjú skelltum við okkur í skóginn með teppi, gos, bjór, súkkulaði og apríkósur. Huggulegt! Eftir afslöppun og einn lítinn bjór steinsofnaði ég og brann nett á bakinu.

Það eina sem mér finnst bara svo pirrandi við þetta veður er að ég á aldrei nein sumardress því maður hefur nú ekki þurft að kaupa mikið af stuttermabolum og þess háttar þegar maður bjó á Íslandi. Ég sakna til dæmis Topshop en það er ekki nein Topshop búð hérna sem er bara skandall. Ég kíkti nú samt á heimasíðuna þeirra í dag og vá!! Stundum fær maður bara algjört ógeð á öllum þessum H&M vörum því það eru allir í þessu alls staðar og svo eru gæðin oft frekar lítil í þessum pjötlum, enda það ódýrasta sem hægt er að finna hér. Væri til í eitthvað svipað sem hefur aðeins meira edge og ekki allir eiga og þá er Topshop tilvalið. Kannski maður splæsi í sig einhverju af heimasíðunni þeirra er reyndar nett blönk núna þar sem ég hef ekki fengið neitt útborgað ennþá. Ég er nýbúin að fá smá yfirdrátt á kortið mitt sem er fyrsta skiptið sem ég skulda peninga hérna í Danmörk sem er nú alveg ágætt finnst mér þar sem ég er búin að búa hérna í tvö ár. já já mín vandamál eru sko bara lúxusvandamál sem þið eruð öruglega að gera grín að í huganum núna !! haha er það ekki?

Erum svo að fara til Álaborgar á morgun sem er bara æðislegt og okkur hlakkar rosalega til að hitta Óla og Eydísi og þeirra yndislegu börn. Við ætlum að reyna að tékka á einhverju menningarlegu en það er ekki alveg ákveðið hvað það verður. Það eina sem er á hreinu er að veðrið á eftir að leika við okkur og við munum örugglega sötra bjór og borða grillmat :) Það er yndislegt að vera í Danmörku á sumrin :)

Skrítnir hlutir á götum úti

Var úti að morgni til á leiðinni á strætóstoppistöðina og mæti þá gaur á fullri ferð á hjólinu sínu , sem er ekki frásögu færandi nema...að hann var að tannbursta sig!

Var svo í búðinni að kaupa eitthvað að borða og konan fyrir framan mig í röðinni hafði bara einn hlut en það var stór Martini flaska, sem er ekki frásögu færandi nema... að þegar ég kom út úr búðinni sé ég hana í bílnum sínum á bílastæðinu fyrir utan að taka stóran slurk af flöskunni!

Var í vinnunni á leiðinni til gamallar konu þegar ég sé mjög venjulegan ungan mann, sem var kannski nett búttaður, á gangi, sem er ekki frásögu færandi nema... allt í einu hleypur hann eins hratt og hann getur. Alveg furðulega hratt og eins og hann væri að missa af seinasta strætónum. Svo allt í einu sé ég að hann stoppar og byrjar að kasta jakkanum sínum í gangstéttina, aftur og aftur eins og hann væri alveg brjálaður. Svo einni sek seinna er hann bara á rólegu lalli.

Furðulegt en skondið, það margborgar sig að fylgjast grant með smáatriðum hversdagsleikans sem eru svo sjarmerandi og gera þetta allt worth the while.

Svo ein pínleg saga af sjálfri mér :

Á svona móðins buxur sem eru þröngar á kálfunum, held maður hafi kallað þær innvíðar buxur í gamla daga sem er kannski pínu fáránlegt orð. Einn morguninn þurfti ég að fara á fætur klukkan fimm því ég átti að byrja að vinna hálf sjö (langur strætótúr) þannig að ég var líklega frekar þreytt. Allavega þegar ég hafði verið í vinnunni í ca hálftíma sé ég að önnur buxnaskálmin er eitthvað stærri en hin og mér finnst líka eins og hún sé eitthvað þrengri, svo þegar ég fer að rannsaka þetta nánar sé ég að ég er með g- streng hangandi út úr skálminni!! Þá hafði ég semsagt klætt mig eitthvað fáránlega úr kvöldið áður þegar ég fór í sturtuna og g-strengurinn hefur bara fests þarna ! Ég stökk inn á klósett og fjarlægði hann og enginn tók eftir þessu...eða enginn sagði neitt!

Vonandi náði ég að valda einhverjum aulabrosum þarna úti :)

Gleðin tekin við

Þá er heimaprófið afstaðið og gleðin er tekin við :) Í dag var svakalega heitt og ég og Frank nutum góða veðursins og fórum meðal annars niður á bryggju að kaupa Ýsu!! jeijj hef aldrei borðað ýsu hérna áður því þetta er alls ekki vinsæll fiskur meðal Danana, sem ég skil ekkert í !
Í gær eftir að hafa skilað inn heimaprófinu klukkan um tíu um morguninn, fór ég og tveir samnemendur niðrí bæ að drekka bjór, já þið heyrðuð rétt um hábjartan daginn! Þetta var nú frekar rólegt miðað við svona "alvöru" djammkvöld en mjög "hyggeligt" samt sem áður. Takk Haukur og Kamilla ;)

Hef alltaf fundist Japan vera heillandi land með frábærri menningu. Japanarnir nota til dæmis miklu krúttlegri broskalla en við, tékkit át

:-) en svona í Japan (^_^)

:-( = (;_;)

;-) = (~_^)

Ok reyndar miklu flóknara að gera Japönsku kallana á lyklaborði en kannski léttara í síma.

Las semsagt að það er einhver atferlisfræðingur sem dróg þá ályktun að við sýnum tilfinningar okkar með munninum, sjáið að broskallarnir okkar hafa mismunandi munna en augun breytast lítið, en Japanarnir sýna tilfinningar með augunum, sjáið að augun breyta bara en ekkert annað.

Athyglisvert

Leiðinleg helgi

Helgin fór semsagt í að læra! Ég hélt að ég ættti minna eftir af heimaprófinu og hafði í raun gert ráð fyrir að chilla um helgina EN nei svo var ég bara sveitt við að klára þetta verkefni, allan föstudaginn og gærdaginn. Ætla reyndar bara að taka því rólega í dag og láta Frank fara yfir verkefnið. Er ekki alveg nógu vön því að skrifa á ensku og er nett léleg. Svo tekur vinnan við hjá mér á miðvikudaginn sem er svosem ekkert slæmt. Það er bara samt svo leiðinlegt að þurfa að vinna þegar mamma og pabbi koma að heimsækja mig í júlí :( Vonandi næ ég að skæla út einhverja nokkra daga, er bara svo léleg í að vera frek!

Sumarið er farið að láta sjá sig aftur í dag sem er yndislegt og ég get tekið gleði mína á ný :)

Hetjan mín

Kate Moss nakin á...Verner Panton stól! Ekki bara einhver stóll ó nei heldur einn frægasti stóll heimsins OG hannaður af dönskum hönnuði. Þetta er semsagt fyrsti stóll í sögu hönnunar sem er gerður úr aðeins einu stykki og það plast stykki. Í mínum augum er hann aðal hippa hönnuðurinn, hann hannaði til dæmis húsgagnalandslag þar sem átti að vera auðvelt að "njóta ásta" hvar og hvernig sem var. Nú á dögum Retróins þá er hann orðinn ansi heitur. Ég og Frank erum aðdáendur, kannski aðallega ég, því við eigum sjálf tvo stóla og eitt ljós eftir hann. En áhuginn kviknaði aðallega eftir að hafa verið á Stereobar þar sem öll húsgögnin eru hönnuð af honum. Allavega ! ástæðan fyrir því að ég ákvað að skrifa þetta blogg um þenna svala hönnuð, sem er því miður látinn, er að ég horfði á Ugly Betty í kvöld og vá hvað skrifstofan í þeim þætti er ógeðslega flott!! Ein ástæðan er að það er mjög mikið retró look í gangi þar með mikið af gleri og plast húsgögnum. Í fundarherberginu eru til dæmis allair stólarnir Panton stólar eins og á myndunum hér! Sýnist svo að það séu svo einstaka lampar eftir hann. Allaveg svaka flott að mínu mati! Það eru líka svona details eins og hvítir vasar (ég er með vasa dellu') í upplýstum hillum sem mér finnst svo ótrúlega flott.

Svo er hann bara svo krúttlegur!! Algjör jólasveinn. Mottóið hans var að leika sér svo lengi hann lifði og hafa gaman að lífinu :) Blessuð sé hans minning og takið mottóið hans ykkur til fyrirmyndar!

101

Þetta er þá 101.færslan okkar! Anna vinkona er flutt á 101 Reykjavík. Tilviljun?? Ég burstaði tennurnar 101 sinni í morgun en venjulega bursta ég þær bara hundrað sinnum. Tilviljun??

Er annars bara í prófi núna sem er alveg ótrúlega leiðinlegt því ég er löt og næstum því alveg skítsama um þennan áfanga sem ég var neydd til að taka. Þetta er semsagt heimapróf sem tekur alltof langan tíma en ég hafði 2 vikur til að skrifa 10 blaðsíðna ritgerð. Skil á mán.

Það var gaman um helgina þrátt fyrir að ég sé í prófi. Við Frank fórum að sjá stelpu úr bekknum mínum spila og syngja á mjög litlum en kósý bar. Hún stóð sig vel á píanóið og í söngnum en hún hafði líka trommuleikara og sellóleikara. Tónlistin hljómaði eins og sæt útgáfa af Tori Amos. Við hittum svo tvö önnur pör og gengum um bæinn og drukkum bjór og hlustuðum á ókeypis tónlist hér og þar. By the way þá var tónlistarhátið hér í bæ þar sem 270 hljómsveitir spiluðu á líklegum og ólíklegum stöðum en enginn vissi hvar eða hvenær. Við sáum bara 101 hljómsveit spila. Það var því nett fyllerí í gangi sem endaði svo með því að við borðuðum geðveikt góðar samlokur, risastórar, á frekar fínu kaffihúsi. Frank röflaði lengi,lengi og hátt um hversu pirrandi samlokan hans var en þetta voru svona fancy samlokur þar sem er spjót í gegnum í miðjunni.Hann skildi ekkert í því hvernig hann átti að borða þetta. Við vorum svo komin heim klukkan ellefu um kvöldið! Gott að byrja að drekka snemma ;)

Bæ

enough said......

Keen eye for clothes-folding guy

The kid in this video is a natural at folding clothes in a precise and sophisticated manner. Watch this video and learn the Japanese way of folding your shirts - it is useful household magic, brought to you by a teen wizard with an unusual hobby.




/Frank

Modest Mouse

Erum búin að kaupa okkur miða á tónleika hlédrægu músarinnar!!! :) Tónleikarnir eru reyndar ekki fyrr en þann 26.júní. Þetta verður því sannkallað tónlistarsumar!