Sumarið kom að lokum!

Stella Polaris
Er svona dagur þar sem nokkri mismunandi plötusnúðar spila chill out tónlist á meðan fólk liggur og picknickar. Hér er nokkrar myndir frá þessum viðburði.



Fólk á öllum aldri naut sín í þessum garði sem er reyndar háskólagarðurinn hérna sem er by the way rétt hjá mér sem er næs. Sumir spiluðu fuzball aðrir veiddu fisk, sumir áttu afmæli og borðuðu kökur á meðan enn aðrið lágu á teppi og keluðu.






Ströndin

Við höfum líka eytt þónokkrum tíma úti í sólinni því hennar var saknað sárt hérna í sumar en hún ákvað svo að láta sjá sig í nokkra daga. Við fórum til dæmis á ströndina sem er bara hérna rétt hjá okkur. Ég var ekki með gleraugun á nefinu og sá því ekkert sérstaklega vel og fannst allir eitthvað svo bleikir á ströndinni. Þegar við vorum komin nógu nálægt til að ég gæti séð fólkið uppgötvaði ég að allir voru naktir! Fullt af allsberum miðaðra köllum! Við flýttum okkur bara framhjá þeim og aðeins lengra á ströndinni var aðeins meira klætt fólk. Við settumst niður í sandinn og fylgdumst með fólki og dýrum. Við sáum til dæmis mjög sætan en feitan Pug hund með eiganda sínum sem var 12 ára gamall strákur. Þeir fóru aðeins í sjóinn til að kæla sig en hundurinn var fljótur að forða sér og hljóp rakleitt til okkar og hlammaði sér upp að Frank en hundurinn var eins og áður sagði bæði sveittur og blautur þannig að Frank var ekki alveg sáttur. Hundurinn virtist algjörlega orkulaus og ætlaði aldeilis ekki að færa sig neitt og þegar eigandinn kom að sækja hann sat hann bara áfram blýfastur. Við komumst svo að því að hundurinn heitir Pingo og var hinn sætasti og ég klappaði honum og knúsaði aðeins. Eigandinn var pínu vandræðalegur yfir því hversu litla stjórn hann hafði á þessu litla dýri en þessir hundar eru víst voða sjálfstæðir og fullir af persónuleika.
Algjört krútt!

I saw a good strip today....

Adjø!

Frank

Sumarfríið

Sumarið kemur barasta ekkert í Danmörku þetta árið :( Rigning, meiri rigning og aftur rigning. Ég hef samt átt mjög skemmtilegt sumar og get því ekki kvartað mikið. Ég var í sumarfríi sem er eitthvað sem ég fékk einmitt ekki í fyrra en þá var 30 stiga hiti nánast daglega.

Eftir Hróa komu Sólrún og Anna til mín og við skemmtum okkur konunglega! Við fórum að sjálfsögðu beint á djammið þrátt fyrir þreytu og slen. Þynnkan stoppaði okkur svo ekki í að njóta okkar í hjarta bæjarins þar sem kaffihús og búðir voru prófuð. Það var mikið spjallað og hlegið og ég dustaði rykið aðeins af gömlu góðu íslenskunni sem er þarna ennþá.
Vinkonur eru gulls ígildi :)

Mamma og pabbi ásamt Katrínu systur og börnum skelltu sér svo til Danmerkur þann 18.júlí en þau fengu íbúð til leigu í viku í Kaupmannahöfn. Ég fór og hitti þau svo þann 20. og fékk að vera með þeim í íbúðinni. Vegna veðurs var ekki farið í Tivoli og dýragarða heldur Experimentarium, Fields, og svo voru búðirnar rannsakaðar aðeins. Við höfðum það líka gott á kvöldin með bjór í annari og nammi í hinni hehe. Eitt kvöldið hafði ég engan bjór í hönd og fannst Bjarma það alveg ómögulegt og nánast skipaði mér að fara inn í eldhús og sækja mér bjór! Börnin voru náttúrulega bara frábær og ég hló mig máttlausa nánast hvern einasta dag því þau eru svo fyndin. Við fórum til dæmis til Horsens að hitta fjölskylduna hans Franks þar sem börnin náðu að heilla alla þar upp úr skónum. Bjarmi reifst til dæmis við pabba hans Franks sem heitir Max um að hann héti sko ekkert Max heldur Mix! haha. Á Jótlandi var ýmislegt skoðað eins og: Kattegatcentret náttúran og gamlar byggingar, miðbær Horsens og Aarhus og fleira.

Núna er vinnan tekin við sem er bara fínt því nú þekki ég allt þetta fólk sem þýðir að mér líður eins og ég sé að hjálpa vinum mínum og við spjöllum um allt milli himins og jarðar. Það er líka svo krúttlegt hvað gamalt fólk hefur mikinn áhuga á því sem maður er að gera og þeim finnst maður alltaf svo duglegur og frábær. Ef maður opnar krukku til dæmis þá er maður algjör ofurhetja í þeirra augum því það er eitthvað sem þau hafa ekki getað gert í kannski fleiri ár en ég hef lifað ! Nú þarf ég bara að skella mér í smá "afvötnun" þar sem ég reyni að hætta að sukka með mat, nammi og áfengi og reyni að hreyfa mig meira og jafnvel fá mittið mitt aftur !

Góð versló til ykkar allra

Blaut skemmtun

Brúðkaup á Samsö
Ferðalagið byrjaði mjög illa en það var hellirigning og ferjan biluð þannig að við þurftum að bíða í pínu litlum bæ í tvo klukkutíma. Við gerðum gott úr því og keyptum bjór og pizzu. Fyrsta nóttin í blautu tjaldi var ekki góð þar sem vindsængin hans Frank var ónýt þannig að hann svaf ekki neitt og ég svaf kannski í 2 eða 3 tíma. Parið var svo gift í mjög krúttlegri gamalli kirkju á ótrúlega fallegum stað á eyjunni. Veislan var fín með góðum mat og nóg af bæði víni og bjór. Haldnar voru margar hjartnæmar ræður þar sem mörg tár fengu að falla. Ég verð reyndar að viðurkenna að ég hata pínu stórar veislur þar sem ég þekki engann en þetta var svosem ágætt.


Við vorum mjög vel undirbúin undir mikla rigningu og vesen því það er jú alveg ljóst að þegar fröken Kristrún á að sofa í tjaldi rignir alveg pottþétt. Við höfðum rétt fyrir okkur en það rigndi alveg svakalega eins og fólk hefur væntanlega séð í fréttunum. Maður reyndi að sjálfsögðu bara að gera gott úr þessu sem tókst nokkuð vel þar sem við vorum í alveg frábærum vinahópi og ég vil bara þakka þeim fyrir frábæra hátíð ! :)
Við vorum í frekar stórum tjaldbúðum en þar voru til dæmis Siggi x og kærastan hans Lilja, Gunni og Nína og svo Biggi og Guðný frá Akureyri. Við hittum svo Hrönn, Jón og Önnu og Peter og Louise en þau bjuggu á öðrum stöðum en við . Við eyddum í raun ekki miklum tíma á sjálfu tjaldsvæðinu því það var svo mikið af góðri tónlist sem við vildum ekki missa af. Það er samt alltaf erfitt að sjá allt sem manni langar að sjá þannig að stundum var nett stress á manni að plana tónleika, pissuferðir, bjórferðir og vinahitting.

Okkur tókst þó að sjá : 1234, Detektivbyrån, The floor is made of lava, Arcade fire, LCD soundsystem, Björk, The Sounds, Beastie boys, Boris, Queens of the stone age, Annuals, Booka shade, The National, Hayseed Dixie, The Flaming lips, The Who, Red hot chili peppers, Dream of an opium eater, Wilco og Arctic monkeys. Samtals 20 bönd!
Flest af þessu var mjög gott en annað slapt. Nenni ekki að fara djúpt í einhverja gagnrýni þó.


Við vorum mjög ánægð og fegin að komast heim á hreint og gott klósett og hlýtt rúm ! Klósettin á Roskilde eru skandall en í byrjun hátíðar voru kamrarnir yfirfullir þannig að maður gat ekki notað þá og svo í lok hátíðarinnar var enginn klósettpappír neinstaðar og ef maður reyndi að fá pappír frá starfsfólkinu var bara sagt nei. ok smá tuð ! Það var gaman og mig langar að fara aftur á næsta ári en myndi samt hugsa mig tvisvar um ef veðrið verður jafn vont.

Á morgun koma svo ofurgellurnar Sólrún og Anna Þorbjörg og Guð hvað mig hlakkar hrikalega til að sjá þær!!!

Whats new pussycat?

Finnst ég skulda bloggfærslu þannig að þessi er kannski pínu löng, sorry

Það hefur verið mikið um að vera hér hjá okkur. Ég er að vinna á fullu sem er í raun fínt en er þó að fara í smá sumarfrí næstu tvær vikurnar. Næst á dagskrá hjá okkur er að fara til Samsö en þar verður haldið brúðkaup á laugardaginn. Ég fór einmitt í kjólaleiðangur í seinustu viku og endaði í H&M en þar var úrvalið eiginlega alltof mikið þannig að ég endaði með þrjá kjóla sem ég fílaði og ákvað að kaupa þá alla haha! Þeir kostuðu samt innan við 500 DK sem er fáránlega ódýrt. Við munum sofa í tjaldi á Samsö svo við vonum að veðrið verði bærilegt en núna seinustu dagana hefur veðrið verið ömurlegt, rigning og rok!. Svo á þriðjudaginn munum við fara á Hróaskelduhátíðina góðu :) Alltaf þegar ég ætla að sofa í tjaldi kemur rigning þannig að það er alveg ljóst hvernig veðrið verður ! Allaveg þetta verður geggjað gaman og ég hlakka svakalega til.

Það helsta í fréttum er að við Frank fórum á Modest Mouse tónleikana í gær en þeir voru alveg hrikalega góðir. Þeir fengu fimm stjörnur af sex mögulegum í tónlistartímariti hérna sem er ekki slæmt. Það var ótrúlegur kraftur í þeim en þeir eru sex manns í hljómsveitinni og eru með allskonar hljóðfæri, þar á meðal tvö sett trommur, trompet, selló, bongótrommur,harmonikku, banjó plús allt þetta venjulega. Söngurinn er líka náttúrulega einn af þeirra bestu þáttum. Þetta voru rosalega litlir tónleikar en við vorum í mesta lagi 1000 manns þrátt fyrir að það hafi verið uppselt. Maður nær einhvernveginn að njóta tónlistarinnar betur á svona tónleikum. Það einasta sem ég get sett út á þessa tónleika var að þeir klúðruðu uppáhaldslaginu mínu, Float on, sem var pínu svekkelsi en what ever ég skemmti mér vel.

Við fórum reyndar á aðeins "rafrænni" tónleika á laugardaginn en við skelltum okkur á Chokolade Fabriken sem er frekar cool staður sem er skiptur upp í nokkrar hæðir með mismunandi tónlistarstefnum. Í kjallaranum eru alltaf frekar undergroundlegir tónleikar, sumir rosalega lélegir en aðrir cool en það er samt alltaf gaman að tékka á þeim. Á laugardaginn voru þrír raftónlistarmenn að spila, einn frá Bandaríkjunum, einn frá Þýskalandi og einn frá Danmörku. Við vorum nánast einu áhorfendurnir þannig að við sátum svo bara og spjölluðum við þetta fólk sem var mjög áhugavert. Einnig fengum við fjóra ókeypis bjóra sem skaðabætur fyrir mannleysið ! geggjað :) Áhugaverðasta framkoman var án ef frá þýsku stelpunni en hún var íklædd búningi sem hún hafði sjálf hannað og saumað, þetta var nokkurskonar glamúr ofurhetju búningur sem hún klæddi sig svo úr. Frekar fyndið en mjög töff líka. Danska stelpan var líka fyndin en hún kallar sig Esther Lauder og tók til dæmis Erotica eftir Madonnu en breytti textanum svo að hann var: Get your hand right off of my body. ok hljómar ekki fyndið núna, you had to be there. Svo eyddum við restinni af kvöldinu í að spjalla við tvo gaura frá Nýja Sjálandi sem var líka frekar áhugavert. Ég tala yfirleitt aldrei við ókunnuga hérna í DK því það tíðkast ekki en Frank var alveg æstur í að tala við fólk sem var svo fínt því þá var ísinn brotinn.

Jæja nú er nóg komið!

Ég mun svo að sjálfsögðu setja inn frekar fréttir af okkur á næstunni

Winter-birthday-Ålborg-Skagen

Hi there,

I've made a soundslide with pictures from our winter, my birthday and our great summer trip to Ålborg visiting Eydís, Óli and the kids. So turn on your speakers and click here

Have a nice summer :-)

Frank

Sweet sommer

Álaborgarferðin góða :

Ég fékk frí föst, laug og sun og við fórum til Álaborgar. Það var ÆÐI ! Við fengum besta veður ársins og höfðum það ótrúlega gott. Það var drukkinn í skaldur bjór og Cider allaleið frá Svíþjóð! Kassagítarinn var notaður óspart en nokkur gömul góð drykkjulög fengu að fjúka í sumarblíðunni þegar líða fór á kveld og nágrannarnir dáleiddust af hljómfagri röddu Óla og buðu okkur að koma yfir til þeirra og syngja með þeim. Mikið glens og gaman þar! Það besta við að drekka áfengi í svona gríðarlegum hita er að maður svitnar öllu út í gegnum húðina þannig að maður þarf ekki að pissa eins mikið OG það besta er að maður verður alls ekkert þunnur! Ókosturinn er svo að maður þarf að drekka ansi mikið og svo angar maður eins og unglingaherbergi, það er sko versta lykt sem til er!
Börnin voru bæði falleg og ljúf eins og alltaf og Frank kom þvílíkt á óvart með ýmsum pabbatrixum, held barasta að hann sé sniðinn í pabbahlutverkið þó hann vilji ekki viðurkenna það hehe.
Við fórum í ævintýraferð til Skagen sem er rosalega krúttlegur og fallegur bær, pínu eins og dúkkubær með fullt af flottum og pínulitlum húsum. Þetta er reyndar túristabær sem er víst tómur á veturnar. Það var varla Dani á ferð þarna því bærinn var yfirfullur af blindfullum, en mjög glöðum, Svíjum og Norðmönnum. Við nutum okkar bara á ströndinni og kældum okkur niður í sjónum, sumir amk hehe en ég er pínu hrædd við öll dýrin í sjónum þannig að ég lá bara á teppinu og sólaði mig. Við urðum að sjálfsögðu öll mjög brún og rauð en það eru víst litir sumarsins! Það ætti í raun að vera rauður og brúnn fáni í tilefni þess. Dagurinn fór reyndar næstum í vaskinn vegna örðuleika í lestarkerfinu sem er alltaf í tómu rugli á sumrin en því var svo reddað sem betur fer en það fór langur tími í að bíða og vona. Fall er fararheil var okkar mottó:)
"Vegna veðurs" var svo áætlaðri dýragarðsferð aflýst því við gátum barasta ekki hætt að "hugga okkur" úti á pallinum þeirra Óla og Eydísar sem er mjög stór og næs og svo var lítil uppblásin sundlaug sem maður gat dýft heitum tánum í kalt vatn. Við eyddum miklum tíma þar í sólinni sem var alveg rosalega gott og ég fékk smá lit á hvítu húðina mína jeijj. Frank varð reyndar veikur og svo gleymdi ég tannburstanum mínum og var svo vitlaus að fá hans lánaðan og varð auðvitað veik líka. Við erum semsagt bæði lyktar og bragðskynslaus núna og full af hori, namm!

Ætla að reyna að henda inn myndum á morgun en Frank liggur í rúminu núna og er að deyja úr slappleika.

Kyss kyss

Sumarið er hér

Verð að viðurkenna að það er komin viss bloggleti í mig, það er kannski því sólin skín og manni langar bara að nota tímann til að njóta sín á meðan á þessari blíðu stendur. Í dag var ég búin í vinnunni klukkan tvö og svo klukkan þrjú skelltum við okkur í skóginn með teppi, gos, bjór, súkkulaði og apríkósur. Huggulegt! Eftir afslöppun og einn lítinn bjór steinsofnaði ég og brann nett á bakinu.

Það eina sem mér finnst bara svo pirrandi við þetta veður er að ég á aldrei nein sumardress því maður hefur nú ekki þurft að kaupa mikið af stuttermabolum og þess háttar þegar maður bjó á Íslandi. Ég sakna til dæmis Topshop en það er ekki nein Topshop búð hérna sem er bara skandall. Ég kíkti nú samt á heimasíðuna þeirra í dag og vá!! Stundum fær maður bara algjört ógeð á öllum þessum H&M vörum því það eru allir í þessu alls staðar og svo eru gæðin oft frekar lítil í þessum pjötlum, enda það ódýrasta sem hægt er að finna hér. Væri til í eitthvað svipað sem hefur aðeins meira edge og ekki allir eiga og þá er Topshop tilvalið. Kannski maður splæsi í sig einhverju af heimasíðunni þeirra er reyndar nett blönk núna þar sem ég hef ekki fengið neitt útborgað ennþá. Ég er nýbúin að fá smá yfirdrátt á kortið mitt sem er fyrsta skiptið sem ég skulda peninga hérna í Danmörk sem er nú alveg ágætt finnst mér þar sem ég er búin að búa hérna í tvö ár. já já mín vandamál eru sko bara lúxusvandamál sem þið eruð öruglega að gera grín að í huganum núna !! haha er það ekki?

Erum svo að fara til Álaborgar á morgun sem er bara æðislegt og okkur hlakkar rosalega til að hitta Óla og Eydísi og þeirra yndislegu börn. Við ætlum að reyna að tékka á einhverju menningarlegu en það er ekki alveg ákveðið hvað það verður. Það eina sem er á hreinu er að veðrið á eftir að leika við okkur og við munum örugglega sötra bjór og borða grillmat :) Það er yndislegt að vera í Danmörku á sumrin :)

Skrítnir hlutir á götum úti

Var úti að morgni til á leiðinni á strætóstoppistöðina og mæti þá gaur á fullri ferð á hjólinu sínu , sem er ekki frásögu færandi nema...að hann var að tannbursta sig!

Var svo í búðinni að kaupa eitthvað að borða og konan fyrir framan mig í röðinni hafði bara einn hlut en það var stór Martini flaska, sem er ekki frásögu færandi nema... að þegar ég kom út úr búðinni sé ég hana í bílnum sínum á bílastæðinu fyrir utan að taka stóran slurk af flöskunni!

Var í vinnunni á leiðinni til gamallar konu þegar ég sé mjög venjulegan ungan mann, sem var kannski nett búttaður, á gangi, sem er ekki frásögu færandi nema... allt í einu hleypur hann eins hratt og hann getur. Alveg furðulega hratt og eins og hann væri að missa af seinasta strætónum. Svo allt í einu sé ég að hann stoppar og byrjar að kasta jakkanum sínum í gangstéttina, aftur og aftur eins og hann væri alveg brjálaður. Svo einni sek seinna er hann bara á rólegu lalli.

Furðulegt en skondið, það margborgar sig að fylgjast grant með smáatriðum hversdagsleikans sem eru svo sjarmerandi og gera þetta allt worth the while.

Svo ein pínleg saga af sjálfri mér :

Á svona móðins buxur sem eru þröngar á kálfunum, held maður hafi kallað þær innvíðar buxur í gamla daga sem er kannski pínu fáránlegt orð. Einn morguninn þurfti ég að fara á fætur klukkan fimm því ég átti að byrja að vinna hálf sjö (langur strætótúr) þannig að ég var líklega frekar þreytt. Allavega þegar ég hafði verið í vinnunni í ca hálftíma sé ég að önnur buxnaskálmin er eitthvað stærri en hin og mér finnst líka eins og hún sé eitthvað þrengri, svo þegar ég fer að rannsaka þetta nánar sé ég að ég er með g- streng hangandi út úr skálminni!! Þá hafði ég semsagt klætt mig eitthvað fáránlega úr kvöldið áður þegar ég fór í sturtuna og g-strengurinn hefur bara fests þarna ! Ég stökk inn á klósett og fjarlægði hann og enginn tók eftir þessu...eða enginn sagði neitt!

Vonandi náði ég að valda einhverjum aulabrosum þarna úti :)

Gleðin tekin við

Þá er heimaprófið afstaðið og gleðin er tekin við :) Í dag var svakalega heitt og ég og Frank nutum góða veðursins og fórum meðal annars niður á bryggju að kaupa Ýsu!! jeijj hef aldrei borðað ýsu hérna áður því þetta er alls ekki vinsæll fiskur meðal Danana, sem ég skil ekkert í !
Í gær eftir að hafa skilað inn heimaprófinu klukkan um tíu um morguninn, fór ég og tveir samnemendur niðrí bæ að drekka bjór, já þið heyrðuð rétt um hábjartan daginn! Þetta var nú frekar rólegt miðað við svona "alvöru" djammkvöld en mjög "hyggeligt" samt sem áður. Takk Haukur og Kamilla ;)

Hef alltaf fundist Japan vera heillandi land með frábærri menningu. Japanarnir nota til dæmis miklu krúttlegri broskalla en við, tékkit át

:-) en svona í Japan (^_^)

:-( = (;_;)

;-) = (~_^)

Ok reyndar miklu flóknara að gera Japönsku kallana á lyklaborði en kannski léttara í síma.

Las semsagt að það er einhver atferlisfræðingur sem dróg þá ályktun að við sýnum tilfinningar okkar með munninum, sjáið að broskallarnir okkar hafa mismunandi munna en augun breytast lítið, en Japanarnir sýna tilfinningar með augunum, sjáið að augun breyta bara en ekkert annað.

Athyglisvert

Leiðinleg helgi

Helgin fór semsagt í að læra! Ég hélt að ég ættti minna eftir af heimaprófinu og hafði í raun gert ráð fyrir að chilla um helgina EN nei svo var ég bara sveitt við að klára þetta verkefni, allan föstudaginn og gærdaginn. Ætla reyndar bara að taka því rólega í dag og láta Frank fara yfir verkefnið. Er ekki alveg nógu vön því að skrifa á ensku og er nett léleg. Svo tekur vinnan við hjá mér á miðvikudaginn sem er svosem ekkert slæmt. Það er bara samt svo leiðinlegt að þurfa að vinna þegar mamma og pabbi koma að heimsækja mig í júlí :( Vonandi næ ég að skæla út einhverja nokkra daga, er bara svo léleg í að vera frek!

Sumarið er farið að láta sjá sig aftur í dag sem er yndislegt og ég get tekið gleði mína á ný :)

Hetjan mín

Kate Moss nakin á...Verner Panton stól! Ekki bara einhver stóll ó nei heldur einn frægasti stóll heimsins OG hannaður af dönskum hönnuði. Þetta er semsagt fyrsti stóll í sögu hönnunar sem er gerður úr aðeins einu stykki og það plast stykki. Í mínum augum er hann aðal hippa hönnuðurinn, hann hannaði til dæmis húsgagnalandslag þar sem átti að vera auðvelt að "njóta ásta" hvar og hvernig sem var. Nú á dögum Retróins þá er hann orðinn ansi heitur. Ég og Frank erum aðdáendur, kannski aðallega ég, því við eigum sjálf tvo stóla og eitt ljós eftir hann. En áhuginn kviknaði aðallega eftir að hafa verið á Stereobar þar sem öll húsgögnin eru hönnuð af honum. Allavega ! ástæðan fyrir því að ég ákvað að skrifa þetta blogg um þenna svala hönnuð, sem er því miður látinn, er að ég horfði á Ugly Betty í kvöld og vá hvað skrifstofan í þeim þætti er ógeðslega flott!! Ein ástæðan er að það er mjög mikið retró look í gangi þar með mikið af gleri og plast húsgögnum. Í fundarherberginu eru til dæmis allair stólarnir Panton stólar eins og á myndunum hér! Sýnist svo að það séu svo einstaka lampar eftir hann. Allaveg svaka flott að mínu mati! Það eru líka svona details eins og hvítir vasar (ég er með vasa dellu') í upplýstum hillum sem mér finnst svo ótrúlega flott.

Svo er hann bara svo krúttlegur!! Algjör jólasveinn. Mottóið hans var að leika sér svo lengi hann lifði og hafa gaman að lífinu :) Blessuð sé hans minning og takið mottóið hans ykkur til fyrirmyndar!

101

Þetta er þá 101.færslan okkar! Anna vinkona er flutt á 101 Reykjavík. Tilviljun?? Ég burstaði tennurnar 101 sinni í morgun en venjulega bursta ég þær bara hundrað sinnum. Tilviljun??

Er annars bara í prófi núna sem er alveg ótrúlega leiðinlegt því ég er löt og næstum því alveg skítsama um þennan áfanga sem ég var neydd til að taka. Þetta er semsagt heimapróf sem tekur alltof langan tíma en ég hafði 2 vikur til að skrifa 10 blaðsíðna ritgerð. Skil á mán.

Það var gaman um helgina þrátt fyrir að ég sé í prófi. Við Frank fórum að sjá stelpu úr bekknum mínum spila og syngja á mjög litlum en kósý bar. Hún stóð sig vel á píanóið og í söngnum en hún hafði líka trommuleikara og sellóleikara. Tónlistin hljómaði eins og sæt útgáfa af Tori Amos. Við hittum svo tvö önnur pör og gengum um bæinn og drukkum bjór og hlustuðum á ókeypis tónlist hér og þar. By the way þá var tónlistarhátið hér í bæ þar sem 270 hljómsveitir spiluðu á líklegum og ólíklegum stöðum en enginn vissi hvar eða hvenær. Við sáum bara 101 hljómsveit spila. Það var því nett fyllerí í gangi sem endaði svo með því að við borðuðum geðveikt góðar samlokur, risastórar, á frekar fínu kaffihúsi. Frank röflaði lengi,lengi og hátt um hversu pirrandi samlokan hans var en þetta voru svona fancy samlokur þar sem er spjót í gegnum í miðjunni.Hann skildi ekkert í því hvernig hann átti að borða þetta. Við vorum svo komin heim klukkan ellefu um kvöldið! Gott að byrja að drekka snemma ;)

Bæ

enough said......

Keen eye for clothes-folding guy

The kid in this video is a natural at folding clothes in a precise and sophisticated manner. Watch this video and learn the Japanese way of folding your shirts - it is useful household magic, brought to you by a teen wizard with an unusual hobby.




/Frank

Modest Mouse

Erum búin að kaupa okkur miða á tónleika hlédrægu músarinnar!!! :) Tónleikarnir eru reyndar ekki fyrr en þann 26.júní. Þetta verður því sannkallað tónlistarsumar!

Rykið dustað af feminstanum

Náði að hressa við feministanum í mér í gær þegar ég sá Joan of Arc sem ég hef af einhverjum ástæðum ekki séð fyrr en núna. Skrítið að kona hafi náð að komast svona langt í karlaheiminum á 14. öldinni en svo hefur ekki svo mikið gerst síðan þá...að mínu mati!

Las svo viðtal við Tori Amos en hún er að gefa út nýja plötu núna en markmiðið með plötunni er að vekja konur til meðvitundar, aðallega í USA þó þar sem aldrei hafa verið fleiri konur með góða menntun en aldrei hefur ríkisstjórnin verið jafn ótrúlega hægrisinnuð og karlamiðuð. Hún hefur mikla trú á að ef hún náði að hrista við nokkrum sterkum konum geti hún breytt mannkynssögunni því hún er viss um að konur muni ná stjórn ef þær bara ætla sér það. Henni finnst til dæmis skrítið að um 40 milljónir fólks horfi á sjónvarpspredikara sem eru að hennar mati öfgasinnaðir kristnir sem boða samfélag þar sem aðeins gagnkynhneigðir hvíti menn hafa áhrif. Þessu vill hún breyta og ég er sammála henni!!



Ástandið hérna í Danmörku er sérstaklega slæmt núna þessa dagana. Stjórnmálamenn eru að missa sig í umræðum um slæður og hversu mikið konur "megi" hylja sig. Mér finnst þetta pínu fyndið þar sem fyrir um 50 árum var máttu konur ekki sýna of mikið hold en núna er allt brjálað yfir konum sem hylja of mikið! Danir eru í uppnámi yfir því að nú eru miklar líkur á að múslímsk kona sem ber slæðu komist inn á þing. Margir vilja þá banna henni að bera slæðuna þegar hún er í ræðurstól því þar má ekki bera trúarleg tákn. Svo eru menn að hugsa um að banna konum að bera svokallaðan burka þegar þær passa börn. Burka er þegar konur hylja allt nema rétt augun. Atvinnumálaráðherra sagði svo í gær að hann væri til í að búa til lög þar sem opinberum starfsömmun er bannað að hylja andlit sitt og að skylda væri að heilsa með handabandi en margar múslimskar konur heilsa ekki karlmönnum með handabandi.
Ég spjallaði um daginn við eina mömmuna á leikskólanum mínum en hún ber minnstu gerð slæðna og hún sagði mér að hún væri á 9 vikna hreingernina námskeiði svo hún gæti fengið skúringavinnu. Svo sagði hún mér að hún hefði fengið tilboð frá einhverri skrifstofu en þeir sögðu henni þó að hún mætti ekki bera slæðuna á meðan hún væri í vinnunni!!?? what?? Er umburðarlyndi Dana svona lítið?
Finnst þetta skelfileg þróun sérstaklega þar sem alltaf er verið að tala um að það þé svo mikilvægt að fá múslímskar konur út á vinnumarkaðinn. Hver er að kúga hvern spyr ég bara?? Danir nota nefnilega alltaf sömu rökin gegn slæðunni en það er að þetta sé tákn um kúgun á konum. En hvað ef kona með slæðu eða í burka er á vinnumarkaðnum eða í námi er hún þá kúguð? Finnst rangt að refsa þessum konum því þær eru að reyna að komast áfram í þessu landi og þessu samfélagi. Ætti ekki frekar að hjálpa þeim að verða ennþá sjálfsæðari og sterkari þannig að þær geti þá sjálfar valið að bera slæðuna eða ekki? Finnst líka að þegar maður býr í demokratísku landi þá á maður að vera frjáls til að klæða sig eins og maður sjálfur vill. Kannski vilja Danir bara ekki að konur sem eru svo áberandi öðruvísi en "danskar konur" fái völd eða hafi áhrif á börn þeirra? Það er að minnsta kosti einhver rosaleg hræðsla í gangi þarna.

Hvað segið þið hin um þetta mál?? Pínu flókið en mjög áhugavert að mínu mati. Endilega að segja álit ykkar á þessu.

Sæt saman

Kaupmannahafnar skemmtun

Helgin er þá afstaðin og niðurstaðan er að hún var SKEMMTILEG!
Ásdís er náttúrulega bara skemmtileg þannig að ekki var við öðru að búast en að það yrði mikið tjúttað og hlegið í þessari ferð :)
Það sem stóð helst upp úr er að nú er skilgreining mín á "fín og flottheitum" pínu brengluð hehe. Við fórum til dæmis á svalasta veitingastað sem ég hef farið á þar sem ALLT var fancy, líka klósettin og vatnið! (borguðum til dæmis 2000 íslenskar krónur fyrir flösku af japönsku vatni! haha). Vodafone veislan var líka fancy á furðulegan "tjaldsæðaklósetta" hátt. Flottheitin byrjuðu þegar við sigldum framhjá höll drottningarinn og óperuhúsinu fræga til að komast á litla eyju þar sem húsnæðið var. Þegar á staðinn var kominn minnkuðu flottheitin aðeins þegar við sáum salinn en ég held að þetta sé gamalt bátahús. Svo voru mikil flottheit í matnum og þjónustunni þarna mmm geðveikt góður matur sem við fengum. Flottheitin breyttust í hallæri þegar þvagblaðran kallaði því klósettin þarna voru bara ósmekkleg, án hita eða heits vatns og speglarnir voru bara svona camping plastspeglar þannig að erfitt var að lappa upp á lookið sem ég tók eftir að pirraði marga. Hótelið sem Vodafone fólkið var á var líka mjög fancy og flott að mínu mati. Ég gisti hinsvegar hjá Gunna og Nínu í Nørrebro sem langt frá því að vera fancy en ég fékk að vita frá einum gömlum leigubílsstjóra að hann væri þaðan en hafi aldrei mátt tala með Nørrebro dialekt því það þótti ekki fínt.

Allavega þá var gaman að hitta allt þetta skemmtilega fólk því ég hitti gamla og góða vini og eignaðist svo nokkra nýja vini. Sumir voru næs, aðrið skemmtilegir og svo voru nokkrir bara nett ruglaðir haha.

Var mjög þreytt í morgun eftir lítin svefn um helgina en ég og Frank fórum á fætur um sex í morgun til að skúra (við skúrum einu sinni í viku á skrifstofu) en svo ætluðum við þokkalega að fara heim og leggja okkur en svo klukkan sjö þegar ég var nýbyrjuð að ryksuga hringdi leikskólinn minn og bað mig að koma að vinna! Ég hresstist reyndar við að fara í vinnuna en var pínu slapparaleg þegar ég kom svo heim. Veðrið var geðveikt gott og ég var að deyja úr hita í sólinni, leiðinlegt að það hafi ekki verið svona gott um helgina.

Vonandi sé ég Ásdísi eða aðra af mínum góðu vinum frá Íslandi sem allra allra fyrst því ég sakna þeirra SVO mikið. Ég er svo við tölvuna þannig að ef einhverjum langar að spjalla á msn eða skype þá má bara láta vita ;) Njalli er samt víst á leiðinni á Hróa þannig að við munum amk hittast í júlí :)

sorry hvað þetta er langt, hefði getið verið svo miklu lengra samt!

Take care

hæ hó jibbí jeijj

Tilhlökkun og spenningur eru réttu orðin til að lýsa því hvernig mér líður núna :) Finnst ég lifa skemmtilegu lífi því á morgun er það Kaupmannahöfn!!!! Það verður sko gaman að hitta Ásdísi mína og að sjálfsögðu Gunna og Nínu. Ég mun blanda mér í hóp starfsmanna Vodafone og skemmta mér með þeim um helgina. Á morgun er planið að fara í búðir og svo að slappa af á svaka flottum japönskum veitingastað, ég elska að borða japanskan mat :) Svo á laugardaginn er árshátíð Vodafone þar sem ég verð maki Ásdísar minnar en mig grunar að þetta verði svaka flott og skemmtilegt. Núna er vandamálið bara hvaða föt maður á að taka með og svona.
Jeijj hlakkar til að tala íslensku ALLA helgina, það hefur ekki gerst síðan um jólin. Afsakið ef ég er orðin léleg í þessu ananars undurfagra móðurmáli okkar.

Verð ekki með myndavélina með mér því Frank fer í skírnarveislu um helgina og mun hafa hana. En Ásdís mun taka myndir og setja á sína síðu.

Góða helgi og hafið það gott

Páskafjør í Horsens "mosaik"

Elsku gettó leikskólinn minn

Er byrjuð að vinna aftur en þetta er samt seinasta vikan mín, furðulegt. Ég væri alveg til í að vera þarna eitthvað lengur en það er víst ekki í myndinni því það er búið að fylla í stöðuna mína. Ætla samt að vona að ég fái kannski að leysa eitthvað af í sumar, aldrei að vita. Börnin eru til dæmis búin að læra nafnið mitt sem tók vel á fyrir suma, reyndar heiti ég mörgum mismunandi nöfnum eins og til dæmis, Ixtrun, Kristin, Kriss, Kristhil og svo Kristrun sem er nú næst mínu upprunulega nafni hehe.

Gettóið er alltaf í upplausn hérna en um páskana var til dæmis brotist inn í leikskólann sem er bara við hliðina á okkar FJÓRUM sinnum en talið er að um sé að ræða 15 ára stráka sem léku sér að því að eyðileggja og stela. Lögreglan virðist ekki geta gert neitt því þessir krakkar eru svo ungir og ekki fá þessar fjölskyldur hjálp frá hinu opinbera. Þegar löggan kemur keyrandi þá kasta þeir bara steinum og drasli í bílana. Fyrir ekki svo löngu var hópur af unglingsstrákum sem brenndu til dæmis geymslur í flestum blokkunum þarna og þegar lögreglan svo að lokum komst að því hverjir þetta voru var lítið hægt að gera þannig að tekið var á það frábæra ráð að setja fjölskyldur þessara stráka á götuna. En by the way þá eru flestar fjölskyldurnar með mjög mörg börn og til dæmis var ein mamman einstæð móðir og með 7 börn. Fyrir um mánuði síðan var til dæmis ráðist á konu beint fyrir framan leikskólann minn en talað var um að þarna væru tveir unglispiltar að verki sem rændu konuna og spörkuðu víst í hausinn á henni. Við sáum því miður ekki þegar þetta gerðist en þetta var um hábjartan daginn. Fyrir mér er þetta óskiljanlegt því mér finnst allir svo yndælir og frábærir á leikskólanum, bæði starfsfólk og foreldrar. Þetta sýnir bara og sannar að það er ekki hollt að hafa svona gettó, held að allir tapi á því. Börnin eru til dæmis svo langt frá því að vita eitthvað um danska menningu og þau muna ekki einu sinni hvað landið heitir sem þú búa í sem er frekar fyndið, þau búa bara í Gellerup.

Smá statistik um Gellerup en 44% af íbúunum eru börn undir 18 ára aldri en venjulega hérna í Danmörku er talan um 20%. Ég er ekki með tölur en ég veit að margir hafa enga vinnu og tala lélega dönsku og hafa ekki svo mörg tækifæri. Bara sú staðreynd að konurnar bera slæðu minnkar möugleika þeirra á að fá vinnu. Margir hafa barist í stríði og eru því illa farnir á sál og líkama. Það eru margar ástæður fyrir því að börn þessa fólks ná ekki að spjara sig vel í þessu samfélagi. Nú eru nýjar tölur sem sýna að þessi börn detta út úr menntakerfinu og virðast ekki standa sig vel. Þetta er slæm þróun og alvarleg og mér finnst lélegt að ekki sé gert meira til að aðlaga þau og hjálpa þeim. Það virðist sem það sé alltaf verið að reyna að losna við þau og margir þjást af kvíða því þeir vita aldrei hvort þeir fái að vera hérna eða hvort þeir verði sendir heim í opinn dauðann eða amk fátækt og erfiðleika. Ég þekki það frá minni vinkonu sem er frá Bagdad en hún fær til dæmis alltaf bara tímabundið leyfi til búa hér sem er eitt ár, ætli þeir séu að vonast til að ástandið batni það mikið að hægt sé að flytja heim eftir ár?? Hún á til dæmis ekki vegabréf og má því ekki ferðast út fyrir Danmörku en hún þarf að fara til Írak til að fá nýtt sem mér finnst furðulegt.

OK ég gæti haldið áfram að eilífu í þessum málaflokki!!!

Alanis Morrisette er svölust

Kíkið á þetta

Góðar fjárfestingar

Núna á ég :

Kjól hannaðan af Madonnu sjálfri
2 miða á Hróaskelduhátíðina miklu (handa mér og Frank)
Súkkulaði páskaegg, reyndar bara danskt Bonbon egg

= Nokkuð montin og ánægð í dag hehe

Páskafríið hafið

Er komin í kærkomið lestrarfrí!! Ég var bara ráðin í einn mánuð á leikskólanum og nú er sá tími á enda en ég mun þrátt fyrir það vinna í næstu viku. Núna vakna ég samt sem áður snemma og sit á rassgatinu þangað til að mér er illt því ég er komin svo langt eftir á í lestrinum því ég hef varla opnað bók í mánuð. Málið er að mikið af þessu efni er svo hrikalega leiðinlegt og svo skín sólin allan daginn núna og þá er eitthvað svo erfitt að einbeita sér.

Á föstudaginn var virkilega gaman í vinnunni en við fórum með gríslingana okkar í smá ferðalag, en leikskólinn á sína eigin rútu sem er ekkert smá næs. Við keyrðum í um það bil klukkutíma og gengum svo í hálftíma sem var mjög erfitt fyrir minnstu fæturnar. Við skoðuðum mjög flottar leyfar af gamalli höll sem var reist á lítilli vík þannig að hægt var að verjast sjóárásum. Börnin voru svo glöð og hlupu og klifruðu um allt en ég og ein önnur sem ég vinn með vorum alveg með kúkinn í buxunum af hræðslu því þau voru svo frökk. Ein mjög lítil stelpa datt svo á hausinn og lenti skuggalega nálægt múrsteini, úff. Á leiðinni til baka voru þrjú börn orðin mjög þreytt og vildu bara halda í höndina á mér og við drógumst aftur úr og svo endaði þetta þannig að ég gat bara haldið í höndina á tveimur börnum í einu og svo lagðist þriðja barnið í jörðina og öskraði og grenjaði og ég reyndi bara að hunsa og halda áfram en svo endaði þetta alltaf með að ég þurfti að fara til baka og sækja grátandi barn og svona gekk þetta alla leiðina!! Þau skiptust semsagt á að henda sér í jörðina og ég var við að missa gleðina í restina því það var svo heitt. Allavega þá var þetta skemmtileg ferð og börnin sváfu ÖLL í rútunni á leiðinni til baka :).

Laugardagurinn var fullkominn en ég og Frank sváfum lengi og löbbuðum svo niður í bæ þar sem við keyptum okkur föt og fórum svo á kaffihús og borðuðum tapas mmmm. Við keyptum smá gotterí og lögðum okkur svo í veðurblíðunni á grasið í litlum garði. Eftir að hafa kíkt í Fréttablaðið-Nyhedsavisen komumst við svo að því að við gátum farið á myndlistarsýningu í húsi rétt hjá sem kostaði bara túkall (dk). Það var mjög svöl sýning með ungum listamönnum og þar á meðal einni íslenskri stelpu en Frank sá strax að þetta var íslenskur listamður því þetta var stórt og flott málverk af íslenskri náttúru. Eftir það versluðum við okkur Sushi í kvöldmatinn og komum svo við í Blockbuster og leigðum Borat en við vorum ekki ennþá búin að sjá hana. Kvöldið var svo bara næs og kósý en Borat er náttúrulega bara snilldin ein, ég heimtaði að meira að segja að sjá nektarglímuna tvisvar því hún var svo fyndin haha.

Já svona getur lífið verið yndislegt!! :)

Sól og sumar

Nú er komið "íslenskt sumar" og úrin voru stillt upp á nýtt á sunnudaginn þannig að nú er tveggja tíma munur. Sólin skín frá morgni til kvölds og allt er einhvernveginn betra og skemmtilegra. Ég hef haft mjög mikið að gera en finnst það rosalega gaman en nú hætti ég bráðum í vinnunni sem á eftir að vera pínu erfitt þar sem mér er farið að þykja svo vænt um þessi litlu krútt. Ég og Frank höfðum planað að fara til Berlínar um páskana en erum því miður hætt við því við vorum ekki viss hvort við hefðum efni á því. Ég fékk svo 40 þús frá skattinum en verð víst að sætta mig að fara ekki til Berlínar þrátt fyrir það því ég á eftir að lesa mjög mikið og hið tveggja vikna langa próf nálgast víst og svona. fimmtudagar eru langir dagar hjá mér en ég þarf að fara á fætur klukkan fimm og svo vinn ég frá hálf sjö til tólf og tek svo strætóinn í skólann og þarf svo að sitja þar með "einbeitinguna í botni" til klukkan fjögur. Ætti ekki að kvarta því vinnan og skólinn gengur vel og er mjög skemmtilegt.

Langaði bara að láta heyra í mér en finnst samt ekki eins og það séu margir að fylgjast með hérna.

Lífið er tjútt

já það er ennþá eitthvað líf í manni þrátt fyrir veikindi, aldur og fyrri störf!!
Við skötuhjúin skelltum okkur í villta reisu til höfuðborgarinnar í þeim tilgangi að eyða öllum peningunum okkar í bjór og rugl ... og það tókst!! :) Allavega þá eigum við svona snilldarlega sniðuga vini þarna í Köben sem hafa dug til að halda gott partý-Til hamingju með það !! Gunni, Siggi rauði og fleiri tóku sig saman og fengu dja og tónlistarmenn til að halda uppi fjörinu á flottum stað í kjallara Vega. http://www.b8-promotion.com/ Þeir kalla sig semsagt B8 og ætla að halda fleiri svona góð teiti í framtíðinni.
Við fórum með rútunni/ferjunni í fallegu veðri á laugardaginn og vorum komin í borgina um sjö leytið og fórum þá á indverskan veitingastað sem var rosalega næs með góðum mat og frábærri þjónustu. Ég fór svo í partýgallan minn á klósettinu þar og við röltum svo á mjög cool bar með góðri tónlist og drukkum bjór í rólegheitum. Klukkan tíu fórum við svo á staðinn. Það var pínu fyndin steming því þarna voru svo margir Íslendingar og flestir einhverjir sem maður kannaðist við. Fyndið hvað maður "þekkir" fólk þegar maður er í útlöndum þrátt fyrir að maður hafi nokkru sinni talað við manneskjuna hehe. Allavega svo var bara dansað og drukkið stíft til klukkan fjögur en þá löbbuðum við Frank á lestarstöðina vægast sagt þreytt og drukkin hehe. Þar fengum við annars besta croissant ever en það var nýbakað og brennandi heitt, Frank er ennþá að tala um það hehe. Allavega tókum við svo bara fyrstu lestina heim klukkan sex og lágum bara dauð alla leiðina. Þetta sparaði okkur amk mjög mikinn pening í hótelherbergi.

Gaman Gaman

Fékk svo leiðinlegar fréttir í gær þegar ég uppgötvaði að ég skulda Lín 80 þús sem ég vissi ekki að ég hefði átt að borga FYRIR TVEIMUR VIKUM!! En ég fékk semsagt ekkert bréf eða neitt og nota heimabankann í raun ekki mikið, gúlp. Vonandi fæ ég ekki lögfræðing í hausinn !!

Pís át

Vika dauðans

Já eins og fram kom í seinasta bloggi byrjaði ég að vinna fyrir um það bil viku síðan. Ég byrjaði á föstudegi en varð svo veik á laugardeginum!! frábært! Þar sem maður er þekktur fyrir samviskusemi á hættulega stigi mætti ég í vinnuna alla fokking dagana sem var hreinn viðbjóður því nóttin fór mest í svita og hósta þannig að dagarnir voru oft ansi langir. Börnin eru heldur ekkert sérstaklega þæg og þeir sem eru fastir starfsmenn á deildinni minna vinna ekki sérstaklega mikið sem þýddi að ég og hin afleysingin þurftum stundum að taka ábyrgð á krökkunum sem var ansi skrautlegt. Þessi börn eru jú börn neðsta þreps samfélagsins ef maður getur sagt svoleiðis án þess að móðga, þau eru börn flóttafólks og fólks sem hefur litla sem enga menntun. Vandamálin eru því mörg og stærsta vandamálið er kannski að það helst ekkert starfsfólk á þessum blessaða leikskóla þannig að þau treysta ekki nýju fólki því þau eru vön að fólk komi og fari. Í lok vikunnar var mér annars farið að þykja ansi vænt um þessi litlu grey því þau geta verið svo hrikalega krúttleg :)

Annars er ég ennþá að hósta úr mér lungunum og er vægast sagt illt í öllum öðrum innyflum og er með strengi bæði í maga og bakvöðvum. Held mér hafi svo tekist að smita amk 3 börn á deildinni minni og svo einn starfsmann og jafnvel Frank þannig að ég er ansi ánægð með sjálfa mig. Svona er lífið!

Vonandi hafið þig gert eitthvað allt annað og mun skemmtilegra í vikunni sem er að líða!!
Føj!!

Børnehaven Svalen

Fyrsti dagurinn var mjög góður finnst mér. Það var reyndar frekar mikið stress í mér kvöldið áður þegar ég fór í háttinn sem endaði með að ég lá andvaka ALLA nóttina!! Ég var ótrúlega hress til klukkan ca tvö og þá var pínu erfitt að einbeita sér að einu eða neinu. Börnin eru öll með risastór brún og falleg augu og ekki eitt barn er með ljóst hár. Nöfnin voru frekar erfið fyrir mig að bæði skilja og hvað þá að muna, vonandi tekst mér samt að muna þau þegar ég verð eitthvað betur sofin. Þau nöfn sem ég man þó eru algeng arabísk nöfn eins og Mohamed, Jihad, Ahmed en það eru stráknöfnin en stelpunöfnin sem mér tókst að muna eru líka frekar algeng eins og Jasmin, Lara og Sarah. Það er rosalega skrítið að vera í svona hverfi þar sem nánast allir eru arabar. Mér líst annars vel á þá sem ég vinn með og andrúmsloftið er ágætt þarna þar sem notaðar eru "mjúkar" uppeldisaðferðir þar sem forðast er að skamma börnin og hækka röddina sem er léttir fyrir mig því ég meika ekki svoleiðis. Ókosturinn er reyndar að það virðist vera mikið stress í starfsfólkinu sem vinnur þarna því það eru margir veikir og margir sem eru hættir og fólk virðist ekki haldast í þessu starfi af einhverjum ástæðum. Ég vona bara að ég standi mig vel og þau verði ánægð með mig. Ég er annars bara pínu kvíðin yfir því að ná ekki að einbeita mér að skólanum þegar ég hef svona krefjandi starf en ég mun vinna amk 30 tíma á viku út mars mánuð.

Ný og skemmtileg plön: Við stefnum á að skella okkur til Berlínar um páskana !! :) Ég hef aldrei verið í Þýskalandi og hefur dreymt um að fara til Berlínar í langan tíma. Mér finnst alveg tilvalið að skella mér núna þegar ég hef smá frí og verð nýbúin að fá útborgað úr nýju vinnunni. Ég hef heyrt að það sé alls ekki dýrt að fara með lestinni en það tekur um átta tíma sem mér finnst pínu langt en maður verðu nú að leggja eitthvað smá á sig er það ekki? Hlakkar til :)

Kaupmannahöfn brennur!! já helvítis unglingarnir eru að brenna gömlu góðu Köben! Alveg ótrúlegt !! Nenni ekki að segja meira um það því þetta er bara svo mikið pakk allt saman.

Góðar fréttir

Það var hringt í mig í morgun og ég beðin um að koma og vinna á morgun!! Þeir sem lesa bloggið mitt muna kannski eftir því að ég sótti um afleysingar á leikskóla í Gellerup sem er gettóið hérna í Aarhus, þar sem öll börnin eru tvítyngd. Það er mjög líklegt að ég fái að vinna eitthvað meira í mars en við ætlum að ræða það betur á morgun...Spennandi!! Ég hef reyndar enga reynslu af tvítyngdum börnum en vonast til að læra heilan helling. Ég er spennt og hlakka til, verð samt örugglega drullustressuð á leiðinni þangað á morgun en vonandi endist það ekki lengi.

Ég læt ykkur svo vita hvernig gengur!!

Things can only get better

Já nú er Matlock kominn á dagskrá!! Nú er árið officiallay 1992 !! Hér er sko Dawsons Creek, Beverly hills, Baywatch, Columbo (sem er allra elsti þátturinn), Friends, Darma og Greg, Martin Lawrence, Fresh Prince of Belair og Mad about you. Þetta eru allt mjög gamlir þættir og misgóðir.

Sá annars í gær í fréttunum að nú er komið nýtt próf fyrir þá útlendinga sem sækja um danskan ríkisborgararétt og það er víst svo erfitt að talað er um að mjög margir muni falla á því og að "gamlir" Danir geti ekki einu sinni svarað þessum spurningum. Dæmi um spurningar er til dæmis, sem mér fannst áhugavert, : Hvenær slitu Íslendingar sig frá Danmörku og urðu sjálfstæðir? Hver leikstýrði "Olsen Banden" myndunum? Einn ónefndur Dani á heimilinu gat til dæmis ekki svarað fyrstu spurningunni rétt hehe, nefni engin nöfn! Hvað hefur svona páfagauksþekking nokkuð með að vera Dani að gera?? Mér finnst þetta skítt og finnst ekki skrítið að það var Dansk Folkeparti sem kom þessu próf en það er "rasista" flokkurinn hérna.

Quality stuff

Akkúrat núna er Baywatch á einni stöðinni, Beverly Hills á annari og Turtles á þriðju!! Vá!!Og by they way þá er ég að tala um byrjunina á Baywatch þar sem gellurnar eru ennþá bara með "lítil" brjóst. Þetta kallar maður gæði, eins gott að hægt sé að ná sér í þætti og myndir á netinu.

já hlutirnir ganga fínt hérna hjá okkur í rusl og snjó borginni (ruslakarlarnir hafa ekki verið á stjái í um fjórar eða fimm vikur). Í dag braust sólin fram sem var yndislegt en í gær sá maður ekki á milli húsa fyrir grárri þoku. Helgin var mjög skemmtileg en við fórum á Mikael Simspon tónleikana sem voru mjög góðir þrátt fyrir að við þurftum að standa nokkuð langt frá sviðinu vegna fólksfjölda. Á laugardagsköldið elduðum við svo Fashanana sem heppnaði að mínu mati mjög vel en Frank fannst þeir eitthvað "lifurlegir", hvað sem það nú þýðir. Sem meðlæti borðuðum við Waldorfsalat og bakaðar kartöflur. Við borðuðum svo íslenskar vatnsdeigsbollur í eftirrétt (takk Eydís) og svo var að sjálfsögðu harðfiskur, íslenskt nammi, mexíko og piparostur á boðstóðlunum mmm. Danirnir voru mjög hrifinir af namminu og ostinum en gáfu ekki mikið fyrir fiskinn sem var ágætt fyrir Frank þar sem hann vill helst bara borða hann einn hehe.

Ég var svo í skólanum í dag að læra með bekkjarvinkonunni sem ég sagði ykkur frá í seinasta pistli. Hún talaði MJÖG mikið og ég fékk nú ekki að koma miklu að enda var hún "aðeins" betri í að ræða málin en ég hehe. Held ég hafi samt grætt helling af þessu, við ætlum svo víst að hittast aftur seinna.

Gaman að vera byrjuð að gera eitthvað :)

Hvítur heimur

Já nú er loksins kominn vetur og snjór um nánast allt land, sumsstaðar mjög mikið af honum að meira að segja. Þetta er voðalega kósý og næs og það er fyndið að sjá hvernig fólk bregst við þessu. Í gær sá ég í fréttunum skemmtilega "sögu" um fólk sem hafði verið veðurteppt á hraðbrautinni og neyðst til að sofa í bílunum sínum eða, eins og margir gerðu, eyða nóttinni á bensínstöð. Þetta fannst okkur Frank hljóma pínu spennandi og kósy en það var talað um að um nóttina hefði verið um 35 manns inni á lítilli bensínstöð. Það væri nú ágætis söguþráður fyrir skemmtilega bíómynd, eða hvað?? hehe.

Skóladagur númer tvö í gær og óvenjulega margir mættu á svæðið miðað við að veðrið var frekar slæmt. Ég er alltaf að kynnast nýju fólki og núna kynntist ég stelpu sem heitir Karen Marie. Hún er mjög fín en pínu frek þannig að ég þarf kannski að passa mig á að láta hana ekki vaða yfir mig á skítugum skónum hehe. Við (eða hún) ákváðum að hittast í næstu viku og læra saman sem er rosalega gott fyrir mig, þá neyðist ég til að lesa efnið þannig að ég geti líka rætt það af viti á dönsku!! Ég er reyndar miklu betri en ég gerði ráð fyrir og ég fæ að meira að segja hrós frá þessum nýju "vinkonum".

Námsefnið er misskemmtilegt og núna er námsefnið mjög skemmtilegt þar sem ég er að læra eitthvað alveg nýtt, finnst þetta samt varla vera sálfræði. Ég er til dæmis búin að læra allt um Fordism, Toyotaism og Mcdonaldization. Ég fékk reyndar pínu áfall í gær þegar kennarinn talaði um Freud og persónleikakenningarnar eins og það væri heilagur sannleikur !! Ég var nefnilega í heilum áfanga heima á Íslandi sem fjallaði bara um hvað þessar kenningar væru lélega byggðar og þá sérstaklega Freuds kenningar sem eru náttúrulega út í hött. Þetta dróg alveg heilmikið úr áreiðanleika kennararns ! Hann er reyndar kannski örfáum árum eldri en ég eða jafngamall þannig að hann er svosem engin hetja í mínum augum þó hann virðist voða fínn gaur.

Við vorum að fá ókeypis miða á geggjaða tónleika með Mikael Simpson !! :) Jeijj gaman!! hlakkar til!! Á morgun ætlum við svo að bjóða Peter og Louise í mat en við eigum 3 fasana í ísskápnum, held að þessir fugla séu eitthvað tengdir rjúpum en er alls ekki viss.

Góða helgi

Fyndnar myndir

Snillingurinn hún Sólrún :) Rakst á tessa mynd hérna í kvøld og fanns hún svo fyndin og lýsandi fyrir Sólrúnu. Sakna tín :)

Svo tessi af raudhærdu systkinunum! Einnig mjøg lýsandi mynd :) Sætust!!

Fyrsti skóladagurinn og kerfishatur

Fyrsti skóladagurinn

Í gær var fyrsti dagurinn minn í háskólanum! Ég mætti tímanlega að sjálfsögðu, þegar maður gengur inn í skólann er maður strax kominn inn í kaffiteríuna og þar var allt fullt af fólki sem ég þekkti ekki og fannst það kannski pínu scary en svo kom stelpa til mín og fór að spyrja mig hvar stofan okkar væri og svona og við fórum að spjalla og þá kemur í ljós að við vorum í sömu sporum en hún tók sína ba gráðu í London og þarf því að taka þessi tvö skítafög eins og ég. Við vorum líka þær einu sem vorum mættar tímanlega og sátum aleinar í risastórri stofu. Svo fór ég að litast um í kringum mig , eftir að fólkið loksins mætti, og sá strák sem heitir Haukur sem var með mér í sálfræðinni á Íslandi (ekki á sama ári og ég samt) og svo sá ég líka danska stelpu sem var með mér í bekk en ég man að hún var alltaf frekar skrítin þannig að ég þekki hana ekkert. Ég og nýja vinkonan Kamilla sátum svo bara og töluðum illa um skólann og þennan kúrs og fífluðumst allan tímann sem var gaman! Ég og Haukur töluðum svo saman og ákváðum að vera í sambandi og jafnvel að læra saman. Ég komst svo að því að fólk nennir ekkert að kaupa bækurnar hérna því það er svo auðvelt og ódýrt að ljósrita heila klabbið þrátt fyrir að það sé að sjálfsögðu kolólöglegt! Ég fór í dag að ljósrita og þar hitti ég svo rosa næs stelpu sem kenndi mér þvílíkt góða tækni við að ljósrita þannig að ég get ljósritað fjórar síður á eitt blað, nokkuð gott! Ég keypti samt eina bók þar sem mér finnst pínu gróft að stela heilu bókunum!

Kerfishatur

Svo langar mig smá að koma út pirringi gagnvart "kerfinu" hérna!! Þannig er að maður þarf alveg sjálfur að hugsa um skattinn sinn hérna í DK, ekkert dekur eins og heima þar sem þetta er bara automatískt. Ég hef semsagt lent í því þrisvar sinnum hérna að það eru dregin af mér 60% í skatt sem er ekkert smá! Svo hefur verið þvílíkt vesen að fá peningana til baka og maður er sakaður um að hafa ekki skilað skattkorti og ég veit ekki hvað þrátt fyrir að þetta pakk hefur týnt amk tveimur skattkortum og nú síðast þá sagði gellan bara að það væri ekki nauðsynlegt því að þau væru búin að fá upplýsingarnar sendar. Nema hvað að í síðustu viku fer ég að tala við pakkið á skrifstofunni þar sem ég vann og þar hringir hún svo í aðra skrifstofu sem sér um þessi mál og hún segir að ég fái peningana tilbaka. Ég bíð og bíð en ekkert gerist og hringi svo í kellinguna á þessari launaskrifstofu en hún segir þá bara að hún muni ekkert eftir því hvað hún hafi átt að gera fyrir mig og sitji svo bara með skattkortið mitt fyrir framan sig og viti ekki neitt!! halló!! svo sagði hún að þýddi ekkert að senda henni skattkortið án þess að hafa miða á því eða eitthvað því hún borgaði sko um 600 manns laun og gæti sko ekki munað svona!! vó ok þetta var semsagt allt mér að kenna!Hún reyndi svo að sannfæra mig um að ef hún myndi senda mér peningana tilbaka myndi ég lenda í miklum vandræðum hjá skattinum og eitthvað svona rugl en það var augljóst að hún nennti bara ekkert að gera þetta fyrir mig. Pirringur!! hálfvitar!! Svo átti ég að vera löngu búin að fá orlofið mitt en hún hafði að sjálfsögðu gleymt því helv kellingin. Sá í sjónvarpinu að annar hver starfsmaður hjá ríkinu fái vitlaust borgað því þau eru svo léleg þarna á þessum blessuðu skrifstofum. Sumir áttu um miljón ísl kr inni hjá þeim! vó!

Til hamingju ef þú nenntir að lesa þennan pistil :)

Hversdagslífið og listin

Þá er letilífið brátt á enda! Á morgun byrjar skólinn og ég var í skráð á afleysingalista hjá leikskóla í Brabrand (gettóið) þar sem öll börnin eru tvítyngd og múslímsk. Ég er því spennt að byrja á einhverju nýju. Ásdís kemur svo til Kaupmannahafnar í apríl og planið er að ég fari þangað og tjútti með henni :)

Álaborgarferðin var yndisleg og við slöppuðum vel af og höfðum það virkilega gott saman. Börnin tvö Iðunn og Óliver voru svo þæg og góð að maður varð alveg barnasjúkur hehe. Það var svo frábært að geta talað íslensku og geta verið maður "sjálfur" í nokkra daga ef þið fattið hvað ég meina, það er nefnilega svo erfitt að vera eins og maður er vanur að vera þegar maður þarf alltaf að tjá sig á öðrum tungumálum en sínu eigin móðurmáli. Allavega er ég mun bjartsýnari og hressari en ég var áður en ég skrapp til Álaborgarinn. Það er samt pínu leiðinlegt að Eydís og co ætla að flytja aftur heim til Íslands í júní, þá verðum við bara að hitta þau þar. Ætla svo að passa Hildi Líf litlu frænku mína en foreldrar hennar ætla að skella sér á Þorrablótið hérna í Aarhus næstu helgi þannig að ég er greinilega Þorrablótsbarnapíjan :) Gaman að því!!

Paul McCarthy er listamaður sem ég varð nokkuð hrifin af í dag en við fórum og sáum sýningu eftir hann á ARos, sem er geggjað flott listasafn hérna í Aarhus og mæli með að allir sem eiga leið í gegnum borgina kíki þar inn. Þessi sýning er samt ekki fyrir viðkvæma en þar er mikið um perraskap, ofbeldi og nekt. Hann er frá LA og gerir grín að og hæðir amerískan popp kúltúr og notar til dæmis mjög mikið mæjónes og tómatsósu (þá yfirleitt sem blóð eða líkamsvessar). Hann gerir grín að Michael Jackson, Disney, Pirates of the Caribbean, Barbie, jólasveininum, Mad og fleiri sem allir þekkja úr popp kúlturnum. Mörg verkin voru mjög gróf og margir gátu ekki horft á, til dæmis er eitt videoverk þar sem hann stígur berfættur á brotinni majóneskrukku og annað þar sem hann situr nakinn og hrækir á typpið á sér. Mér fannst þetta cool, fyndin og skemmtileg sýning sem ég mæli með. http://www.aros.dk/

Ålborg here i come :)

Seinustu helgi vorum við í Horsens sem er sunnan við Aarhus en þessa helgina ætlum við að fara í hina áttina eða í norður og heimsækja ofurfjölskylduna þar, Eydísi, Óla og börn. Plönin eru semsagt að hafa það GOTT og borða og drekka MIKIÐ hehe. Annars ætlum við svo að gerast ábyrgt fólk á laugardagskvöldið og passa litla fólkið á meðan foreldrarnir skella sér á Þorrablót. Frank getur þá talað dönsku við Óliver og Óliver getur svarað á íslensku, hlakkar til að sjá hvernig sú tilraun gengur :)
Gaman Gaman!!

Góða helgi!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Góður dagur

Í dag skín sólin og ég fékk pakka senda frá Svíþjóð :) Gaman! Sit núna og hlusta á gæða tónlist frá Íslandi en Jón hennar Hrannar var svo sætur í sér að skrifa alveg haug af góðri tónlist og senda mér fra Sverige!! TAKK!!!!
Ég og Frank ætlum að spila badminton klukkan tvö í dag sem er gaman en svo þurfum við líka að skúra en það er okkar eina skilduverk vikunnar, erum algjörir rónar ! Skólinn byrjar í næstu viku og vonandi fer þá eitthvað skemmtilegt að gerast í mínu litlausa lífi.

Hafið það sem allra best kæru vinir og vandamenn!!

Skandall!!

Í seinustu viku sá ég heimildarþátt um stórt kynferðisbrotamál sem átti sér stað hérna í Danmörku sem hefur valdið miklum usla því svo virðist sem að hægt hefði verið að koma í veg fyrir meirihlutann af misnotkuninni ef brugðist hefði verið rétt við, eða bara brugðist við yfirleitt. Foreldrarnir voru báðir með alvarlega geðsjúkdóma og faðirinn byrjaði snemma að misþyrma eiginkonu sinni og seldi hana meðal annars til vændis en hún átti vinkonu sem hjálpaði henni að flýgja frá honum en skildi dætur sínar tvær eftir hjá honum. Hann fór þá að misnota þær kynferðislega(en var jafnvel byrjaður áður) en yfirvöld höfðu sterkan grun um hvað væri í gangi og næsta skref var að fjarlægja börnin frá heimilinu en þá bregður faðirinn á það ráð að flytja með börnin í annað sveitarfélag sem gerði ekkert í málinu. Önnur dóttirin var svo seld til fjórtán mismunandi manna en hún var bara níu eða tíu ára gömul. Allir mennirnir hafa fengið dóm en þeir voru frekar vægir að mínu mati en mjög þungir í samanburði við íslenska dóma. Ég sá svo viðtal við einn af gerningsmönnunum og hann gat ekki útskýrt hvernig hann gat gert þetta og hans líf er til dæmis eyðilagt en hann þarf að sitja inni í tvö ár og hefur misst vinnuna og fjölskylduna, börnin tekin af honum og konan hans liggur inni á geðdeild.
Sá svo í dag á netinu viðtölin við þá sem bjuggu á Breiðuvík sem börn og fylltist viðbjóði og finnst að íslenska ríkið ætti að skammast sín og refsa þeim sem brutu af sér í því máli og reyna svo að læra af mistökunum og hafa mun meira eftirlit með svona stofnunum. Mér finnst þetta rosalega stórt mál og alvarlegt og mun stærra en þetta hérna í Danmörku. skandall!!

Dagur í lífi Kristrúnar

Góðar bíómyndir og djammið

Vá segi ég bara en ég sá "Efter Brylluppet" í gær með Frank en það er dönsk mynd tilnefnd til Óskarsverðlaunanna...og goðið hennar Ásdísar og kvennagullið Mads Mikkelsen leikur aðalhlutverkið. Þetta er rosalega góð en mjög dramatísk mynd og maður situr alveg negldur við sófann allan tímann. Mads leikur afbragðsvel eins og svo margir aðrirð í þessari mynd. Mæli eindregið með því að þið skellið ykkur á leiguna og leigjið þessa!!
Við sáum líka aðra góða ,en ekki eins góða, mynd um daginn en það er myndin "Lucky number Sleven" sem er mjög spennandi og skemmtileg afþreyging með fallegum og frægum leikurum.

Annars er ekki mikið af frétta af okkur...var reyndar boðið skúringajobb í dag sem við erum að hugsa um að taka þangað til annað bíðst. Þetta eru bara 4 tímar á viku og þetta er á gamla vinnustaðnum hans Franks.
Heyrðu jú við áttum alveg rosa fín helgi en okkur var boðið í mat á föstudaginn og svo fórum við á tónleika og við skemmtum okkur hrikalega vel. Á laugardaginn komu svo Eydís, Óli og börnin þeirra sætu og við borðuðum pizzu saman en greyin voru dauðþreytt eftir laangan dag í IKEA og öðrum búðum. Ég er svo bara búin að vera að lesa vinnusálfræðina en hún er ekkert sérstaklega skemmtileg finnst mér.

Atvinnuleytin

Takk kærlega fyrir góðu ráðin stelpur!! Ég hef hérmeð tekið þá ákvörðun að láta gömlu vinnuna alveg vera því jú það er rétt að ég var búin að fá nóg af því að hjóla úti í kuldanum, ná litlu sem engu sambandi við samstarfsmenn mína, hlusta á kvart og kvein gamals fólks, lélegu skipulagi, miklu andlegu álagi vegna dauðvona og lamaðs fólks og svo margt margt fleira!! Ég ætla bara að reyna að trúa og treysta pínulítið á mig og sækja um á hinum ýmsu leikskólum sem afleysing, ég hef nú þegar séð að það er auglýst eftir afleysingu á nokkrum mismunandi leikskólum og vöggustofum. Ég er reyndar lélegri að leika við minnstu börnin því ég hef svo mikla reynslu af stærri börnunum en kannski ætti ég samt að sækja um á vöggustofunum. Ég komst að því að mín reynsla liggur á mjög takmörkuðu svæði sem er ekki gott því hérna þarf maður alltaf að vera með reynslu eða menntun til að fá vinnu og svo vill það svo "skemmtilega" til að það litla sem ég hef mikla reynslu í er nánast ómögulegt að fá þar sem það virðist vera vinsælasta starf í heimi að vinna með börnum!! Hvers á maður að gjalda? Finnst ég bara hafa verið endalaust óheppin hérna í Danmörku en hvað getur maður gert í því nema bar að halda áfram að reyna.

Ég er svo búin að redda mér fyrstu bókinni og er farin að lesa pínu, ekki mikið! Hún er á dönsku og heitir ,,Det Psykosociale arbejdsmiljø" og ég á pínu erfitt með að innstilla mig á að lesa á dönsku og svo er þetta líka dálítið frábrugðið því sem ég var vön að lesa heima á Íslandi.

Get ekki hætt að skoða myndirnar af "litla manninum" hennar Soffíu ... Guð hvað hann er mikið krútt!!

Háskóli háskóli

Ég skrapp í skólann í dag...byrja samt ekki fyrr en 15. febrúar!!! Komst að því í gær að ég byrja svona seint og svo komst ég líka að því að ég er bara á fimmtudögum frá 13 til 16 sem er ekki mikið... EN svo sá ég að ég þarf að lesa allt upp í 170 blaðsíður fyrir hvern tíma sem er ansi mikið ef það er á dönsku, jú auðvitað er sumt á ensku en alveg slatti á dönsku líka.

Mitt vandamál er semsagt núna að fá mér vinnu sem passar við námið?? Finnst þetta mjög erfitt og er farin að láta mér leiðast alveg gríðarlega hérna heima á daginn og langar að byrja að gera eitthvað. Ég fékk svo hugmyndina í dag að tala við gamla yfirmanninn minn og segja að ef þeim vanti einhvern til að hlaupa í skarðið megi hringja í mig, þannig að ég væri einhversskonar afleysing. Þá get ég unnið eitthvað þangað til skólinn byrjar og jafnvel eitthvað með skólanum. Langar samt í rauninni ekkert rosalega til að fara aftur í þessa skítavinnu en það væri bara auðvelt því þetta er svo nálægt mér og ég þekki þetta út og inn. Æi ég veit ekki?? Svo verður maður bara svo latur og aðgerðalaus að hanga svona heima sem gerir alla ákvörðunartöku erfiða. sjáum aðeins til ...þið megið senda inn ráðleggingar ef þið hafið einhverjar góðar hugmyndir handa mér!! ;)

Knús

Helgin

já þá er það helgarpistillinn! Við fórum á tónleika með þremur dönskum böndum á föstudagskvöldið: 1 2 3 4, Decorate, decorate og Port Largo. Okkur fannnst báðum fyrsta hljómsveitin best en söngvarinn var pínu búttaður og hafði alveg rosalega fönkí hreyfingar og var einhvern veginn mjög skondinn og skemmtilegur. Þeir spiluðu líka rosalega vel saman og voru hressir. Hinir voru ekki mjög frumlegir eða fyndnir þannig að þeir voru ekki jafn skemmtilegir en tónlistin var hinsvegar ekki alslæm. Við hittum vini okkar Peter og Louise en þau fóru svo heim strax eftir tónleikana en ég heimtaði að við fyndum einhvern skemmtilegan stað en það var eins og fyrri daginn ekki mikið um að velja hérna í borg hnakkanna!

Í gær fórum við svo í afmælisboð til Brynhildar og Jens en ég var með Brynhildi í dönskunáminu. Ég var búin að undirbúa mig undir "party" hjá henni en kíkti svo aftur á emailinn frá henni kortér í þrjú og sá þá að "partýið" var kökuveisla kl þrjú og ég leit út eins og dregin uppúr forarpytti!! Eftir MIKIÐ spasl og sprey þá tókst mér að vera komin til hennar um hálf fjögur en við vorum sko á undan flestum gestunum þannig að þetta var hið besta mál. Þetta var mjög skemmtileg veisla með mikið af allskonar fólki og vandamálið var í raun hvaða tungumál við ættum að tala því við vorum tvær íslenskar, fjórir danir, tveir þjóðverjar og svo einn grikki. Það endaði svo með að við töluðum ensku sem var pínu asnalegt því við tölum jú öll dönsku en gríska stelpan talar alltaf ensku og því færðist umræðan alltaf yfir á ensku.

Í dag tókum við svo langan göngutúr í skóginum eins og mjög margir aðrir en veðrið var mjög gott framan af degi en breyttist svo í rigningu. Á morgun á svo að snjóa þannig að það verður fínt.

annars...
TIL HAMINGJU MEÐ AFMÆLIÐ PABBI MINN!!! :)

Litlir afkomendur og framtíðin

Miðvikudagurinn var góður dagur en við Frank fórum til Horsens að sjá litla frænda hans sem fæddist þann 14. janúar (systursonur Franks) en það skrítnasta er að á sama tíma og við vorum að skoða litla krúttið og dást af honum, hann er hrikalega sætur, þá var Soffía að eiga sitt fyrsta barn heima á Íslandi :) Skemmtileg tilviljun !! Ég vil hérmeð óska Soffíu og Jóhanni aftur innilega til hamingju með strákinn sinn og óska þeim góðs gengis með hann. Mig grunaði að þetta væri strákur og svo þegar ég heimsótti þau áður en ég fór aftur til Danmerkur styrktist grunur minn þar sem þau töluðu alltaf um "hann" hehe. Ætli ég fái ekki að sjá eitthvað meira af danska krúttinu en Jóhannssyninum en ég vona samt að ég fái að sjá hann sem allra allra fyrst, var reyndar að hugsa um að taka barnaferð heim til íslands þegar Vera er búin að eiga stelpuna sína hehe, held að hún sé með stelpu.

Svo átti ég "stelpudag" í gær með tengdó og konu frænda Franks. Það var mígandi rigning allan daginn sem var ekki gaman en við höfðum það rosalega gott en fyrst fórum við út að borða á mjög næs stað sem heitir Essence og þar töluðum við um hin ýmsu málefni sem Frank myndi aldrei nenna að ræða og mér fannst líka rosalega gott að fá eitthvað af mínum áhyggjum og pirringi út. Ég er nefnilega búin að sitja hérna nánast ein í heila viku sem gerir það að verkum að maður fer að hugsu um hvað maður er langt frá þeim sem eru manni kærir og hvað þetta land hefur gert lítið fyrir mig. Það er mjög erfitt að vera í svona "blönduðu"sambandi þrátt fyrir að Ísland og Danmörk séu frekar lík lönd, það eru bara svo mörg vandamál sem koma upp sem erfitt er að fá lausnir á. Allavega fékk ég mjög góð ráð og svo skiptir líka bara svo miklu máli að einhver nenni að hlusta á mann og að einhver reyni að skilja hvað maður er að ganga í gegnum. Vil samt benda á að það gengur allt mjög vel á milli mín og Frank en það eru viss vandamál um búsetu sem eru að pirra mig.

Ég er semsagt ekki ennþá byrjuð í skólanum en hann byrjar ekki fyrr en annan febrúar og endar víst þann 31. ágúst!! halló þetta er bara einn áfangi, skil ekki alveg?? Ég er að hugsa um að bíða aðeins með að sækja um vinnu þar til ég hef meiri upplýsingar í höndunum um hvenær ég er í skólanum og hversu mikið námsefni ég þarf að lesa og hvort það er á ensku eða dönsku og þá hversu stór hluti er á ensku og hversu stór á dönsku. Þangað til ætla ég að lifa unglingalífinu þar sem maður vakir lengi og sefur út!! Ég ætla að sjálfsögðu að fylgjast með atvinnumarkaðnum og reyna að finna eitthvað sem mig langar að gera og passar við skólann.

Jæja er búin að segja alltof mikið í bili

Stórt knús K

Andleg og líkalmeg hreinsun

Mér lídur afskaplega vel í dag, ég svaf vel og fór svo út í skóg og skokkadi tar í frábæru vedri :) Tad er eins og tad sé ad koma sumar hérna en tad er ørugglega tíu stiga hiti og sólin skín og tad er bjart næstum allan daginn!! Tad lyftir manni óneitanlega upp. Ég sá í fréttunum ad gródur og dýr eru mjøg áttavilt og vita ekkert hvad er í gangi og dýr sem eiga ad vera í vetrardvala eru vakandi og pløntur sem einnig eiga ad vera í vetrardvala eru ad springa út rétt eins og tad væri vor, skrítid en samt kannski pínu scary tví tetta virkar svo "óedlilegt" og gæti stafad af gródurhúsaáhrifum. Tad er svo óvedur í adsigi en tad er talad um ad vindhradinn geti farid upp í 33 metra/sek en tad er mjøg hættulegt vedur og sjórinn flædir víst yfir allt tar sem fólk býr nálægt strøndinni. Ég sef vært og rótt trátt fyrir ad ég sofi alveg upp vid rjáfur, mér finnst tetta pínu huggulegt hehe en tad hefur verid óvedur hérna seinustu tvær nætur eda svo.

Frank er á leidinni heim til mín og ég er búin ad kaupa grænmeti í girnilegan grænmetisrétt og svo raudvín til ad gera tetta meira rómó ;)

Smá pælingar vardandi heimsmálin...

Ég hef svo verid ad fylgjast mikid med fréttunum og er ad verda brjálud út í USA tví teir eru svo heimskir!! Guatanamo er eitthvad sem madur skammast sín fyrir ad sé yfirleitt til stadar á okkar tímum og svo ætlar Bush ekki ad læra af mistøkunum heldur senda fleiri hermenn út í opinn daudann i Írak. Ég sá vidtal vid einn amerískan hermann sem sagdi ad tad eina sem fleiri hermenn breyttu var ad tad væru fleiri "bodies" á svædunum tar sem er verid ad berjast en teir væru ekkert med stærri svædi. Forsætisrádherrann hérna er med varirnar límdar vid rassinn á Bush og er sammála honum í øllu og tar á medal tessu en ætlar trátt fyrir tad ad draga danska hermenn smám saman út úr landinu sem er amk ágætt.

Gledilega helgi allir!!

Komin "heim"

Tá er ég komin "heim" til Danmerkur og tad er mjøg, mjøg furdulegt tví ég er ein heima en tegar ég var "heima"á Íslandi var ég umvafin fjølskyldu og vinum nánast allan sólarhringinn. Ég sakna strax allra heima og er nett svekkt yfir tví ad búa svona langt í burtu. Ég ætla nú samt ad harka af mér i bili og láta reyna á Århus Universitet. Tangad til ætla ég ad reyna ad slappa af og eyda tíma med Frank en vid høfum tví midur ekki átt mikid alone time seinustu tvo mánudina. Dagurinn fór svo í ad sofa og taka upp úr tøskunum og tvo tvott. Ég var ordin smeyk um ad ég væri búin ad gleyma tví hvernig madur talar dønsku en svo spjalladi ég heilmikid vid tengdó í símanum í gær tannig ad ég komst ad tví ad tetta er tarna enntá!

Vá hvad tad var samt frábært ad vera heima í svona langan tíma!! Ég var mest ánægd med hvad ég hitti alla mikid og hvad ég gat eytt miklum tíma med litlu "krílunum" en tau eru ad vera ansi misstór. Ég var sko alveg ad fíla mig í tætlur ad vera svona gervi heimavinnandi mamma tegar ég passadi Birtu einn daginn og svo Bjarma annan daginn, ég gæti sko alveg hugsad mér ad prófa tetta sjálf ;) Ég er í rauninni mjøg hissa á tví ad ég sé enntá í sambandi vid svo mikid af fólki sem ég hef kynnst í gegnum tídina og er ég ekkert smá glød yfir tví :)

Ég tók rosalega margar myndir og tarf ad fara ad skella nokkrum hérna inn en ég held ég bídi eftir ad Frank kemur heim tví hann er tøluvert betri í tannig málum en ég.

Skeletons in the closet

Þá er maður ennþá að njóta sín í jólafríinu :) Mitt er frekar langt þetta árið hehe. Ég var svo sett í það verkefni að henda út úr fataskápnum mínum því mamma og pabbi ætla að rífa hann bráðum því það er svo lítið pláss inni í herberginu. Ég komst að því að ég þjáist af einhverri söfnunaráráttu því ég fann ÖLL jólakort sem ég hef fengið frá ykkur stelpunum frá árinu 1996 !! Svo fann að ég þónokkur afmæliskort og eitt þeirra fannst mér sérstaklega fyndið því það var handgert og fínt kort sem ég fékk frá henni Tinnu minni þegar ég varð 14 ára!! haha. Einnig fann ég fullt af póstkortum og bréfum frá vinkonum og gömlum kærustum hehe. Svo hef ég til dæmis safnað ansi mörgum Dynheima inngangsmiðum og árshátíðarmiðum...maður er soldið skrítinn. Þetta vakti samt allt saman svo mikið af góðum og skemmtilegum minningum að mér finnst ég vera heppin að eiga svo mikið af skemmtilegum og góðum vinkonum :) Takk fyrir öll jóla, afmælis og póstkortin og svo öll skemmtilegu bréfin sem ég hef fengið frá ykkur í gegnum tíðina!! Það leiðinlegasta var reyndar að finna gamalt gervileður pils sem ég passaði einu sinni í en myndi ekki einu sinni reyna að troða mér í núna !!

Ætla svo að hitta Veru sætu á morgun í hádeginu og gæða mér á kræsingum með henni. Á föstudaginn er það svo hittingum með Sólrúnu fyrrverandi sambýlingi og svo vonandi afmælis partý hjá Ásdísi á laugardaginn!! Gaman þegar maður hefur nóg að gera við að eiga skemmtilegar vinkonur (já ég viðurkenni að ég var komin í nokkuð mikinn vinkonusvelti þarna úti).

seeja later girlís

Vantar far!!

Ef einhver veit um far til Reykjavíkur á morgun endilega hafið samband við mig í 8205653!! Frank flýgur út þann 3.jan og vantar far suður á morgun. Er reyndar frekar sein að tékka á þessu en svona er maður !!

kær kveðja Krissy