Frankrún

Mismunandi menningarheimar

2009-07-21T13:26:00.002+02:00

Þá er maður aldeilis búinn að ferðast og kynnast nýjum hliðum tilverunnar þetta sumarið og enn er fullt eftir!

Skellti mér fyrst til Akureyrar sem er fallegasti bær í fallegasta landi heimsins! ;) Var rosalega heppin með veðrið en það var sól og sumar allan tímann! Geggjað ljúft og pallurinn hjá mömmu var nýttur vel, bara verst að eldhúsið var nálægt þannig að það var non stop át á manni hehe. Ég hitti alveg ótrúlega fallegt og gott fólk sem ég sakna endalaust mikið þannig að ég fyllti á vina og fjölskyldubatteríin sem er nauðsynlegt. Fór meðal annars á ættarmót sem var mjög gaman og ótrúlegt hvað yngstu kynslóðirnar voru búnar að fjölga sér og enn skemmtilegra að sjá að ættaróðalið á Dalvík er fullt af ungu fólki og börnum. Ég stoppaði ekki lengi á ættarmótinu þar sem ég var á leið í brúðkaup hjá frænku minni. Þar hitti ég svo fullt af góðu fólki og fékk alveg frábæran mat. Náði svo heilum tveimur þrítugsafmælum! Allir að fara að gifta sig í sumar þannig að það var gaman að heyra aðeins hvernig undirbúningurinn gekk og svona. Bestu vinkonurnar því allar að annaðhvort að fara að eignast börn eða að fara að gifta sig! Þær fáu sem voru ekki í þeim pakkanum eru að verða þrítugar eða að meika það í borg óttans! Ég talaði örugglega í marga klukkutíma um óléttur og börn og fleira í þeim dúrnum hehe.

Eftir að ég kom heim aftur beið mín heil vika af engu þar sem ég fékk voða mikla heimþrá og langaði ekkert að vera í Danmörku og fannst allir heimskir og leiðinlegir hérna hehe. Svo fór Frank loksins í viku sumarfrí og við fórum í mjög skemmtilegt ferðalag til Vestustrandar Jótlands þar sem foreldrar Franks eiga sumarbústað. Þar voru foreldrar hans og systir sem við eyddum fimm dögum með. Það var fyndið að vera þarna því sumarbústaðurinn er í stóru sumarbústaðaþorpi sem ég myndi kalla "Littla Þýskaland" því 80% af þeim sem þarna búa eru þjóðverjar! Allir að tala þýsku og búðirnar fullar af þýsku skiltum. Við vorum mjög heppin með veður þó spáin hafi verið leiðinlegt og þó það hafi rignt aðeins inni á milli. Ég varð í alvörunni brún sem gerist ótrúlega sjaldan! Litli kútur var eitthvað með vesen og vildi helst bara hvíla lappirnar í rifbeinunum á mér þannig að ég var eitthvað voða þreytt í bakinu og rifbeinunum og gat engann veginn fundið neinar stellingar til að sitja í eða sofa í sem gerði það að verkum að ég var nett orkulaus. Frank og systir hans prófuðu að fara í kajak siglingu og við fórum meðal annars út að borða og kíktum í búðir en það virðist vera að búðarráðp sé alveg málið þarna sem kom mikið á óvart. Auðvitað var ströndin prófuð og við kíktum aðeins á varnaskýli frá því í seinni heimstyrjöld og á smá listasýningu.

Hefði kannski átt að vera búin að skrifa hérna fyrir löngu en svo var mér nefnilega boðið í arabískt brúðkaup sem ég fór í á föstudaginn seinasta. Það var sko ferðalag útaf fyrir sig! Ég verð að segja að það var töluvert meira fjör þarna enn í flestum brúðkaupum sem ég hef verið í. Þetta var aðeins fyrir konur og þær voru mjög léttklæddar og með rosa makeup og mjaðmirnar voru sko ekkert sparaðar í danssporunum!! Rosa flottar konur :) Frá klukkan sjö til um tíu var dansað stanslaust og það eina sem var í boði var smá snakk og gos. Ég bjóst reyndar við aðeins meiri mat en svo um hálf ellefu fengum við öll shawarma. Brúðurin mætti svo á svæðið frekar seint og það var í fyrsta sinn sem ég sé vinkonu mína án þess að vera "hulin" en hún var ekki með slæðu og var í mjög flottum flegnum kjól. Maðurinn hennar kom svo aðeins seinna og þau dönsuðu og skáru tertuna og fleira. Þau voru ótrúlega falleg saman og mjög feimin enda bara 21 árs gömul. Svo aðeins síðar kom restin af körlunum og þá fóru allar konurnar í þvílíku múdderingarnar og settu risa slæður á hausinn og maður átti alveg mjög erfitt með að þekkja þær frá hvor annari. Eftir að karlarnir komu varð allt alveg vitlaust og þeir dönsuðu þvílíkt og svo dönsuðu fjölskyldurnar saman og allir voru rosa glaðir og spenntir. Það var ekkert áfengi í boði enda er það alveg bannað en samt var enginn feiminn eða stífur. Fyndið að við norðurlandabúar þurfum alltaf að vera blindfull til þess að geta skemmt okkur. Ég og þýsk vinkona mín vorum frekar feimnar en létum okkar hafa það að dansa heilan helling sem var geggjað gaman og ég lærði nokkur ný spor ;)

Nú er þetta orðið allt allt of langt !! sorrý ætti að skrifa oftar en nenni því bara ekkert voðalega oft!!

Kaupmannahöfn-Horsens-Aarhus

2009-06-10T13:28:00.002+02:00

Seinasta helgi vera ansi góð. Við störtuðum þreyttum föstudegi (ennþá þreytt eftir alla flutningana) á því að fara með rútunni til Kaupmannahafnar. Á leiðinni sáum við þýskan kafbát! Svo sat lítill japani við hliðina á okkur í ferjunni sem var að teikna allan tíman frekar svalar japanskar myndir í litla bók, þannig að hann teiknaði bara á bókstafina sem var frekar flott. Við vorum svo í Kaupmannahöfn hjá Gunna og Nínu og Axeli litla ofurkrútti og hittum svo Jesper og Henriette niðrí bæ fyrir tónleikana. Það var festival á götum úti í Vesterbro og verið að spila allskonar geggjaða tónlist. Það var til dæmis verið að spila mjög svala elektró tónlist og það fyndna var að allir rónarnir voru farnir að dansa og svo við hliðina á þeim dönsuðu krakkar með foreldrum sínum. Kaupmannahöfn er svöl! :)
Þetta var í fyrsta sinn sem ég kem inn á Stóra Vega (skamm!) og vá hvað þetta er ógeðslega flottur staður. Alveg original frá 1956 sem er sko alveg minn tebolli. Tónleikarnir voru mjög góðir og fólk hreinlega missti sig í lokin því þetta voru líklegast seinustu tónleikar Psyched up Janis ever eða amk í mörg ár. Fólk crowd surfaði á milljón og hoppaði eins og villingar. Sem betur fer sat ég í sæti á svölunum og gat því verið alveg róleg með bumbuna mína ;) Sá litli var búinn að taka því óvenju rólega þennan daginn og ég var að verða stressuð yfir því en svo þegar rokkið byrjaði færðist aldeilis líf yfir þann stutta ;) Greinilega rokkari eins og mamman! (...ok og pabbinn). Daginn eftir vorum við vakin með "lagkage" og bollum nammmi nammi! Takk Nína :) Síðan var brunað með lestinni til Horsens þar sem okkar beið enn ein snilldar lagkagen og kaffi :) Foreldrar Franks voru búin panta mat af veitingastað fyrir 10 manns en við fengum heilu fjöllin af mat og við hefðum örugglega getað boðið allri götunni í mat. Það voru allskonar mismunandi réttir og svo svakalegt kökuhlaðborð á eftir-me likey. Ég var svo södd að ég gat varla andað og gat ekki einu sinni smakkað alla eftirréttina sem var bömmer hehe. Frank fékk fullt af góðum gjöfum og ég fékk eina líka ;) Fékk rosalega flottan síðerma bol frá systur hans Frank sem ég get verið í eitthvað áfram og svo eftir að ég er búin að eiga.

Ég fór til ljósunnar í dag og allt gekk rosa vel og er eins og það á að vera sem er bara æðislegt. Ég var hrædd um blóðþrýstinginn en hann er dottinn niður aftur og er eiginlega bara mjög lár. Þetta stress og flutningar voru kannski ekkert það besta fyrir líkamann en ég er ánægð með að ég hafi þolað þetta og sé í góðum málum.

Næsta mál á dagskrá er að þrífa Herluf gamla fyrir hann Allan sem ætlar að taka yfir um helgina. Ég á eftir að sakna þess svo að búa hérna en hlakkar líka rosalega til að koma mér vel fyrir í Hvidklövervej :) Allan er algjörlega ástfanginn af Herluf og er að springa úr spenningi að fá að flytja inn sem er æðislegt því maður þarf að elska þessa íbúð til að geta búið hérna. Ég hlustaði á Rás tvö í allan gærdag á netinu á meðan ég þreif í um 6 tíma! Var svo orðin ansi lúin í grindinni og bakinu undir lokin. Í dag verður leikurinn endurtekinn og vonandi næ ég að klára að þrífa.

Gaman að vita að það sé fólk þarna úti sem nennir að lesa bloggið :) Takk!

og Inga mín já það hefði sko verið gaman að smella einum á þig líka! Það getur verið að ég fari bráðlega aftur til Köben og þá læt ég þig sko vita!

Nýtt blogg-Nýtt líf

2009-06-03T12:42:00.003+02:00

Mér var farið að finnast eitthvað fáir hafa áhuga á þessum fréttum mínum þannig að ég er búin að vera frekar löt að skrifa hérna. Það er líka búið að vera geðveikislega mikið að gera hjá mér seinustu vikur! Enda er mér illt í hálsi, eyrum og nefi í dag, púra þreytueinkenni held ég.

Ég byrjaði á því að taka að mér frekar eitt stórt verkefni í praktíkinni og svo eitt "lítið" og skemmtilegt. Þetta þýddi að ég var uppí skóla á mánudögum sveitt að reikna áreiðanleika út frá 9 til fjögur (mjög oft án pása) og var svo að greina vídeó til klukkan hálf sjö. Hina dagana var ég uppí skóla frá 9 til fimm að vinna í praktíkinni. Ekki öll verkefnin voru jafn skemmtileg og ég alltaf ein á skrifstofunni minni sem var frekar einmannalegt þannig að ég var orðin mjög háð útvarpinu mínu. Mér var svo boðið að koma með til Kaupmannahafnar og halda hálftíma fyrirlestur um niðurstöður úr litlu rannsókninni minni. Ég hafði voða lítinn tíma til að klára rannsóknina og var að búa til slide show kvöldið áður þannig að ég náði voða lítið að undirbúa hvernig ég ætlaði að segja frá niðurstöðunum. Ferðin gekk vel og það var tekið ótrúlega vel á móti okkur í Kaupmannahöfn. Við vorum í Center for familieudvikling sem er staður sem sérhæfir sig í parþerapíu og þess háttar. Ég átti svo að segja þeim hvaða umræðuefni er "vinsælast" þegar pör úr stórri phd rannsókn áttu að ræða "heit" vandamál. Helstu niðurstöður mínar voru svo að að fólk ræðir mjög mikið um heimilisstörf og samskipti, ég skoðaðir reyndar ýmisslegt annað sem var líka rætt mikið. Ég var mjög ánægð með fyrirlesturinn og við höfðum það huggulegt þarna og allir voru alveg rosalega næs. Við sungum sumarsöngva og borðuðum hádegismat á litlum svölum uppá 6.hæð með útsýni yfir þök Striksins í Kaupmannahöfn sem er sjarmerandi. Allir voru æstir í að tala um hin og þessi verkefni sem þeir voru að vinna að og ég fræddist ótrúlega mikið um heimilisofbeldi, samtalsmeðferð fyrir pör, rannsóknarsnið og fleira gotterí fyrir heilann. Ég hitti svo Gunna, Nínu og Axel litla eftir fyrirlesturinn og hafði það huggó með þeim þangað til ég fór aftur til Aarhus. Ég er svo formlega búin með praktíkin mína núna og er þokkalega ánægð með það! Mér var að meira að segja boðið að koma og vinna sem rannsóknaraðstoðarmaður í stórri rannsókn á tannlækna fóbíu sem byrjar í september en ég verð frekar busy þá hehe.

Svo eftir að hafa klárað praktíkina þurfti ég að klára tvær 20 blaðsíðna ritgerðir á einni helgi plús að ég og Frank þurftum að pakka nánast öllu dótinu okkar. Þetta var ekkert rosalega auðvelt og ég var að drepast í öllum líkamanum á sunnudeginum. Það frekar erfitt að flytja með svona bumbu ! Það er ótrúlegt hvað magavöðvarnir verða slappir og stuttir. Við Frank vorum einmitt að spá í að hanna bumbuhaldara fyrir óléttar konur hehe. Á mánudaginn fluttum við svo allt okkar hafurtask í nýju íbúðina okkar sem var mjög erfitt. Þeir sem hjálpuðu voru líka alveg ónýtir eftir þetta allt saman. Við búum náttúrulega uppá 4.hæð á íslenskum mælikvarða og gangurinn okkar er frekar þröngur þannig að það var erfitt að bera allt dótið niður en núna erum við samt BARA á annari hæð sem er ekki jafn slæmt hehe. Verkefnunum var skilað í gær og við erum komin í nýju ibúðina sem er amk fyrsta skrefið. Núna er ég umvafin fjalli af drasli og á frekar erfitt með að gera eitt eða neitt. Frank er svo stressaður og upptekinn þessa dagana þannig að hann kemur heim heim úr vinnunni bara til að borða og halda áfram að vinna.
Ég þarf víst að skrifa enn eina ritgerðina en að þessu sinni eru síðurnar bara átta! Við eigum svo eftir að kaupa gardínur í alla glugga og ljós í alla íbúðina, núna erum við með tvo lampa sem við færum á milli herbergja haha. Gott væri að vera með bíl því þá gæti maður skruppið í IKEA og fjárfest aðeins í hinu og þessu. Annars ætlum við reyndar að gera stórar fjárfestingar á næstunni í tilefni þess að við séum að byrja nýtt líf og að litla krúttið okkar sé að fara að koma eftir um þrjá mánuði. Meðal annars ætlum við að kaupa stóran svefnsófa svo fólk geti komið í heimsókn til okkar og gist ;)

Við erum svo að fara til Kaupmannahafnar á föstudaginn á tónleika í tilefni þess að Frank verður þrítugur :) Svo fer að líða að því að allir vinir mínir flytji heim til Íslands :( Vá hvað geri ég án þeirra!!! Reyndar verður ein stelpa eftir sem býr nálægt mér og er með lítið barn þannig að við ætlum að reyna að gera eitthvað skemmtilegt saman.

Ég gæti skrifað endalaust enda komið langt síðan síðast og ALLT er búið að gerast! haha

Vonandi hafið þið það öll gott þarna úti!! :)

Bollan

2009-04-22T22:11:00.003+02:00

Þá ég er ég officially " a fatso"! :)

Ég hef það rosalega gott og er full af orku þessa dagana enda ekki annað hægt þar sem ég er bókstaflega að drukkna í skólanum. Er í fullri vinnu í verknáminu og er svo að skrifa tvær 20 blaðsíðna ritgerðir plús eina 8 blaðsíðna og bara mánuður til stefnu. Ég er að vinna í tveimur rannsóknum í verknáminu og það er oft erfitt því það þau sem ég er að "vinna fyrir" þurfa oft á mér að halda á sama tíma, til dæmis núna. Ég er svo alltaf að hoppa á milli verkefna sem krefur vissrar hæfni til að skipuleggja tíma sinn vel. Ég verð að segja að þetta gengur þó alveg ótrúlega vel þó að sumir dagar geti verið ansi langir og ritgerðirnar sitja á hakanum.

Að persónulegri málum er ég orðin ansi ólétt, vanfær, þunguð og allt það haha. Er ekki ennþá búin að tengja þetta við hausinn á mér en þetta verður raunverulegra því meiri hreyfingar ég finn og því meira sem ég stækka. Ég er búin að þyngjast mjög lítið og er í raun bara með kúlu að framan sem er rosa fínt ;) Það eru myndir af mér á Facebook fyrir forvitna. Við erum á fullu að finna framtíðarheimili fyrir okkur þrjú :) Við skoðuðum eina íbúð áðan sem var alveg fullkomin fyrir okkur EN á ömurlegum stað. Mjög mjög langt frá vinnunni hans Frank og skólanum mínum. Við erum svo að fara að skoða aðra íbúð á morgun sem okkur langar geðveikislega að fá en þá þurfum við að borga tvöfalda leigu í tvo mánuði!! svo er það lika frekar dýr íbúð en hún er á mjög góðum stað og mjög stór (nóg pláss fyrir gesti ;) ). Nú þarf sko að setja allt á vogarskálina góðu og vega og meta galla og kosti. Ég er samt mjög spennt og jákvæð gagnvart þessu allt í einu en ég hef verið frekar fúl útí markaðinn seinustu vikur.

Veðrið er annars bara geggjað gott þessa dagana sem er æðislegt og ég svitna eins og grís í skólanum hehe. Það er alltaf mjög heitt á skrifstofunni minni þar sem sólin skín beint inn um gluggan minn á 7.hæð. Reyndar er pirrandi hvað fólk er farið að vera brúnt og ég alltaf jafn föl þar sem ég hangi bara inni og læri alla daga. Var samt að spá í að fara á smá sálfræðinga brunch um helgina í 20 stiga hita :)

Kosningar eru handan við hornið og ég fór í fylkingu með krökkunum úr skólanum og nýtti kosningaréttinn minn. Reyndar voru upplsýsingarnar á skrifstofunni geggjað lélegar og allt í einu leit út fyrir að ég mætti ekki kjósa. Ég er þó búin að senda kosningaseðilinn minn og vona að allt sé í orden. Ég reyndi að hafa samband við sýslumanninn í Reykjavík en enginn vildi svara mér þar og ég hef ekki hugmynd um hvert annað ég á að leita.

Vonandi ætla allir að kjósa !! Plís ekki kjósa sjálfstæðisflokkinn! látum ekki söguna endurtaka sig.

Fréttapakki

2009-03-19T20:48:00.006+01:00

Margt hefur drifið á mína daga frá því ég skrifaði síðast. Ég fór í smá bæjarferð til Kaupmannahafnar frá sunnudegi til þriðjudags. Því miður var þetta ekki aflöppunarferð heldur námsferð en markmiðið var að læra að nota ADIS viðtalstækni sem er notuð á börn og foreldra þegar greina á geðraskanir og þá sérstaklega kvíðaraskanir. Það var æðislegt að fá að hitta fólk í háskólanum í Kaupmannahöfn og spjalla við þau. Ég náði að spjalla mjög náið við nokkrar frábærar konur og ein knúsaði mig bless sem yljaði mér um hjartarætur. Ég var líka hissa á því hversu vel mér gekk að rata um borgina en ég hef alltaf verið hrædd við að ferðast þarna því ég á mjög, mjög auðvelt með að villast haha. Það besta við þessa ferð var þó að hitta Gunna, Nínu og Axel litla. Þau eru náttúrulega bara hugguleg! Axel er lítill krúttkroppur að fá uppí rúm til sín snemma á morgnana og virkar eins og vítamínpilla á sálina. Mér tókst svo að kíkja vitlaust á netið og fór því með rangri rútu heim til Aarhus sem þýddi að ég þurfti að fara með ferjunni til Ebeltoft og svo þaðan með strætó til Aarhus en það var í fínu lagi hehe.

Í gær fór ég í fyrsta skiptið til ljósmóður og hún útskýrði ýmislegt fyrir mér sem ég ekki vissi! Til dæmis vissi ég ekki að legið væri vöðvi sem stækkar alveg ótrúlega mikið á meðgöngunni og verður að lokum að stærsta vöðva líkamans! halelúja! Mitt nær núna uppa að nafla, fyndið. Hún gat því miður ekki hjálpað mér með praktísk atriði eins og að svara hvort barnið mitt verði íslenskur eða danskur ríkisborgari. Mér sýnist þó á reglunum að barnið verði danskur rískisborgari því það er fætt hérna og því pabbinn er danskur. Við erum aðeins að gæla við hugmyndina að skíra heima en ég veit ekkert hvort það megi. Reyndar eru þetta hlutir sem maður þarf svosem ekkert að missa svefn yfir akkúrat núna þar sem við erum að verða pínu stressuð yfir því að finna íbúð til að búa í. Sá svo lista um daginn yfir hluti sem maður þarf að eiga þegar maður eignast barn og úff hvað maður þarf að fara að leggja höfuðið í bleyti þar svo ekki sé talað um að ég hef engin fæðingarorlofsréttindi hvorki hér né á Íslandi. Ætla að demba mér í að komast til botns í ýmsu sem fyrst. Það getur sko verið flókið mál að blanda geði(genum) við útlendinga.

Er að fara á annað námskeið á morgun og á laugardaginn sem gengur út á að læra að greina myndbönd með pörum sem eiga að leysa stærsta vandamál sambandsins. Það er víst hægt að spá með 90% öryggi hvort fólk eigi eftir að skilja eftir aðeins 10 mínútur af svona myndbandi!! pæliði í því! Þetta er stór rannsókn sem gengur út á að komast að því hvaða þættir eru áhættuþættir í sambandslitum eftir að pör eignast sitt fyrsta barn. Takmarkið er svo að prófa paranámskeið sem ganga út á að kenna fólki að vinna saman og það er líka hugsað fyrir þá foreldra sem ekki eru saman lengur en þurfa að vinna saman að barnauppeldinu. Þetta verður líklegast mjög skemmtilegt en erfitt verkefni. Ég mun semsagt vinna í þessu næstu 7 til 12 vikurnar. Þetta á vonandi eftir að kenna mér ýmislegt um að leysa öll vandamálin sem eiga eftir að koma upp á milli mín og Frank :) Loksins, loksins er verknámið mitt að verða pínu spennandi, úff hvað það er búið að vera vibbalega leiðinlegt hingað til.

Vonandi heldur sólin áfram að skína á okkur hérna í Aarhus því það er bara svo notalegt!

Hamingja á bænum

2009-03-10T21:13:00.002+01:00

Nenni varla að afsaka mig endalaust fyrir bloggletina. Við höfum haft nóg um að hugsa seinustu vikur og mánuði. Við erum að undirbúa okkur undir foreldrahlutverkin í fyrsta sinn :) Við erum heilum helling hamingjusamari og full af tilhlökkun. Það er gaman að það sé alltaf eitthvað nýtt og skemmtilegt að gerast. Óþekktir draumar og vonir poppa upp þegar maður á síst von. Við erum bæði hætt að drekka áfengi sem gerir líf okkar mjög rólegt og þægilegt :) Vildi að ég hefði hætt að drekka fyrir mörgum árum!! Við vitum ekki hvort kynið krílið er enda alveg sama. Ég er bara mest spennt að það hafi það gott að komi í heiminn á réttum tíma. Finnst líka eitthvað pínu skrítið að vita kynið því ég er frekar mikill jafnréttissinni og finnst ekki að maður eigi að missa sig í bleiku eða bláu áður en barnið er komið í heiminn. Frank heimtar þó að fá að vita kynið þannig að við munum líklegast vita það næst þegar ég fer í sónar um miðjan apríl.

Líka gaman að því að ég er ekki sú eina sem er að fara að eignast barn í september. Ætla nú samt ekkert að gefa upp nein nöfn hérna en þið vitið hver þið eruð ! haha :)

knús

Sorry!

2009-02-19T20:47:00.002+01:00

Já ég verð að viðurkenna að blogg löngunin minnkar þegar maður dettur í Facebook fíknina hehe já þarna kom ég útúr skápnum. Hef í raun haft of mikinn tíma seinustu vikurnar og haft eitthvað minna að segja. Núna er hinsvegar brjálað að gera sem er fínt.

Fréttirnar eru þær að ég er byrjuð í praktik eða réttara sagt verknámi. Ég er rannsóknaraðstoðarmaður í háskólanum. Ég byrjaði í fyrir alvöru seinasta þriðjudag og hef í raun ekki náð að gera mjög mikið því töluvkallinn var tregur við að tengja mig við tölvukerfið. Ég er annars með skrifstoufu í láni hjá einni sem er í fæðingarorlofi en hún var að eignast tvíbura!! Er á efstu hæð og er með hafútsýni :) Útsýni í Danmörku er eins og sumar á Íslandi, non existant! haha. Ég er að tölvunördast þessa dagana. Er að vinna í SPSS fyrir þá sem það þekkja, semsagt geðveikt stuð! Er annars bara feimin og bæld í kringum allt phd fólkið þarna sem er voða pro að gera rannsóknir á fullu. Ég hef aldrei verið neinn sérstakur aðdáandi að svona rannsóknarvinnu og enda svo í þessu sjálf haha gott á mig...hefði átt að taka aðeins betur eftir í aðferðafræðinni! Nei nei þetta er alveg spennandi og ég læri helling, gott að fara aðeins út úr kassanum.

Fór aðeins á tjúttið seinustu helgi en Natalie ameríska kærastan hans Árna vinar míns kom í heimsókn til Aarhus. Við fórum út að borða á geggjað næs grískum veitingastað og skelltum okkur svo á besta kokteil bar bæjarins. Það sem Árni svo ekki vissi var að ég og Natalie vorum búnar að undirbúa surprise afmælis party fyrir hann og restin af sálfræðipíjunum beið eftir okkur til að koma honum á óvart. Ég var líka búin að kaupa flotta gulllitaða pappírs kórónu handa kallinum sem var skellt á kollinn á honum þegar stelpurnar görguðu surpise og hann stóð algerlega frosin og í sjokki hehe :) Frekar mikið Kodak móment.

Ég þjásti af gríðarlegri heimþrá þessa dagana því ég var náttúrulega búin að ákveða að fara heim í verknám og var farin að hlakka geggjað til að geta verið með mínu fólki.

Hlakkar til að hafa það huggó um helgina í faðmi Franks. Við erum að spá í að kíkka á listasafn að skoða eitthvað mjög cool :) Þarf annars að læra svakalega mikið! Úff veit ekkert hvernig þessi önn endar eiginlega.

vonandi kemur nú einhver smá hreyfing á þetta blogg á næstunni!

Nútíma umskurður

2009-01-27T22:20:00.003+01:00

Skrifaði þessa færslu fyrir Akureyrargellurnar en ákvað að skella þessu inn hérna líka :

Ég hef alltaf fylgst vel með femínistaumræðunni en finnst of að umræðan sé orðin pínu þunn og full af endurtekningum. Ég horfði þó á heimildaþátt um konu sem vildi skoða málið aðeins því móðir hennar hafði verið harðsnúinn feministi á hippatímanum og var á móti ÖLLU og dóttirin var kannski ekki alveg sammála en vildi skoða hvernig staðan væri úti í samfélaginu miðað við þá. Mamman barðist til dæmis á móti því að konur rökuðu sig og þess háttar sem henni fannst kúgandi fyrir konur. Dóttirin var reyndar mjög venjuleg stelpa og vildi bara á hlutlausan hátt kanna stöðuna á fegurðarrímyndinni.

Ætla ekkert að segja ykkur endilega frá öllu sem gerðist en það sem ég sjokkeraðist mest yfir er að það nýjasta í USA (það er oft bara byrjunin á bylgju sem svo kemur síðar hingað til okkar) er að láta "umskera" sig. Ég er að nota þetta orð umskera því ég get ekki séð að þetta sé neitt annað. Konur fara semsagt til lýtalæknis og láta skera af sér skapabarmana!! Ástæða: til þess að líta út eins og klámmyndaleikkona. Takmarkið er reyndar bara að gera kynfærin eins og þegar maður var 5 ára. Lítil og sæt og ekkert extra "kjöt"! Svo voru sýndar fyrirmyndirnar úr klámmyndablöðunum og oft var ekki einu sinni hægt að sjá að þessar konur væri með nein kynfæri því það var búið að photoshoppa þær svo allsvakalega. Hvað er málið??? Sýnt var viðtal við 15 ára stelpu og móður hennar sem voru ólmar í að dóttirin færi í þessa aðgerð. Mamman var hneyksluð á því að hún gæti ekki fengið tryggingarnar til að borga fyrir þessa mjög svo nauðsynlegu aðgerð haha. Vill svo bæta við að rétt eins og ef um "venjulegan" umskurð væri að ræða minnkar næmnin á svæðinu þegar það er búið að fjarlæga skapabarmana.
Þetta er mjög kaldhæðnislegt því það var að falla fyrsti dómur nokkru sinni hérna í Danmörku sem úrskurðaði Sómalska konu í tveggja ára fangelsi fyrir að umskera dætur sínar tvær. Hvað með gellunar í USA??

Fannst líka gott að láta minna mig á að 90% af öllum myndum í blöðum eru photoshoppaðar því maður á ekkert að vera að bera sig saman við eitthvað sem er ekki einu sinni til! Glanstímaritin græða peninga á því að við berum okkur saman við óraunsæjar ímyndir sem fær okkur svo til þess að kaupa allt það sem á vantar. Tímaritin eru engan vegin hlutlaus og myndu aldrei gagnrýna snyrtivöruiðnaðinn því þeir eru algjörlega í vasanum hjá þeim því þau borgar svo mikið fyrir auglýsingarnar sínar. Vörur sem eru auglýstar sem hrukkukrem og annað virka hreinlega ekki og það er enginn sem þorir að segja það.

Reynum að sjá í gegnum nýju klæði keisarans og sættum okkur við "gallana" okkar og lærum að þykja vænt um okkur eins og við erum!! Það er mottó dagsins...auðveldara sagt en gert.

Fyrsta bloggið 2009

2009-01-22T16:18:00.002+01:00

Nohh! Það er greinilega fólk sem ennþá nennir að skoða bloggið mitt! En gaman :)

Lífð hefur verið rosalega skrítið í janúar og rokkað frá því að vera alvont yfir í að vera bara nokkuð spennandi og skemmtilegt. Ég á eitthvað erfitt með að fara frá honum Frank mínum í langan tíma og hef verið í miklum vangaveltum hvað ég eigi að gera í sambandi við verknámið mitt. Hef þurft að standa í smá veseni við sálfræðinginn í verknáminu sem er pínu ósveigjanlegur í sambandi við lengd verknámsins. Seinasta tilboð er að vera þangað til um 20.apríl sem eru hátt í þrír mánuðir úff!! Er að rannsaka málið sem er ansi erfitt þar sem fólk virðist svara emailum mjög seint og um síðir og stressið minnkar ekkert við það. Æi af hverju getur lífið aldrei verið bara pínu einfalt? Þetta er ástæðan fyrir því að ég hef ekkert bloggað, er bara í neikvæðniskasti hérna flestalla daga að díla við hinar og þessar stofnanirnar.

Að skemmtilegri efnum þá var alveg hrikalega gott að vera heima um jólin. Hef bara sjaldan átt jafn hugguleg jól. Fékk fullt af quality time með litlu skottunum mínum og hitti gömlu góðu vinkonurnar mínar sem ég vill alls ekki missa sambandið við. Mestum tíma eyddi ég þó í faðmi foreldra minna sem var alveg frábært :)Frábært hvað þessi jól voru löng og hvað fólk hafði góðan tíma til að bara slappa af. Auðvitað var fullt af góðu fólki sem ég náði ekki að hitta en vonandi rætist úr því næst þegar ég kem.

Fannst mjög stórt þegar Obama tók við embætti sínu á þriðjudaginn. Ég og Frank vorum með tárin í augunum þegar Obama hélt ræðuna sína. Mér fannst eitthvað hátíðlegt við hann og fylltist strax jákvæðni og bjartsýni þó að maður megi ekki búast við of miklu því verkefni hans framundan er bæði stórt og flókið. Finnst bara fallegt að sjá hvað hann hefur góð áhrif á fólk allastaðar í heiminum og hann virðist vera vinsæll nú þegar og kannski mun hann geta notað það til að koma á meiri friði og betri samskiptum milli landa. Rússland er reyndar eitthvað í fílu en það er svosem ekkert nýtt hehe.

jæja krúttbomburnar mínar, takk fyrir að nenna að kíkka á þessa röfl í mér ! :)

Jólasvindlarinn

2008-12-17T13:20:00.002+01:00

Ég og Frank gerðumst sek um jólasvindl í gær! Ég keypti jólagjöf handa Frank (Trivial pursuit, deluxe útgáfan) og svo leiddist okkar eitthvað yfir imbanum og mér fannst kjörið að leyfa steggnum að opna pakkan sinn svo við gætum spilað. Hann vissi hvort sem er hvað hann myndi fá, því þetta var það eina sem hann vildi hehe. Við spiluðum svo allt kvöldið sem var mun meira kósý en að sitja aðgerðarlaus í sófanum eins og alltaf. Maður á líka að hugsa um að gjafirnar eiga að gefa gleði og styrkja böndin. Ég var líka að segja við Frank um daginn að það væri gaman að eiga okkar eigin jólavenjur. Þegar ég hugsa tilbaka þá hef ég bara upplifað frábær jól með minni fjölsyldu og maður festir góðar tilfinningar og minningar við vissa hluti sem maður gerir alltaf, eins og að drekka Malt og Appelsín og hafa seríur í gluggunum. Oft eru þetta litlir hlutir sem gera samt ótrúlega mikið fyrir mann því þeir rifja upp spenninginn frá því maður var lítill. Mér varð hugsað til þess að mamma og pabbi kveikja alltaf á útikertum og setja fyrir utan húsið okkar um jólin og gamlárskvöld, það finnst mér voða kósý og hátíðlegur siður.

Ætli siðir okkar Franks séu þá ekki bara jólasvindl fyrir jólin þar sem við erum að reyna að hafa það kósy áður en jólin skella á og við erum mjög fjarri hvort öðru ! :)

Næst þegar ég skrifa verð ég líklegast á Íslandinu góða...
Sjáumst!!

Jule

2008-12-11T11:30:00.005+01:00

Er hægt að sakna fólks fyrirfram?? Ég get náttúruleg ekki beðið eftir að komast til Íslands um jólin og hafa það gott með familíunni EN finnst svo leiðinlegt að geta ekki haft Frank minn með. Er bara farin að sakna hans þó við séum séum saman og verðum það þangað til ég fer. Það er ekki alltaf auðvelt að vera í svona blönduðu sambandi get ég segja ykkur. Höfum aðeins tvisvar verið saman um jól af þeim fjórum árum sem við höfum verið saman. Væl og kvart og kvein.

Er annars bara búin á því á líkama á sál eftir þetta blessaða próf. Gat varla sofnað í gær því ég pældi svo mikið í hvað ég hefði getað gert öðruvísi í þessu helv prófi. Svo er bara að drífa sig í að byrja á næsta...er það hægt!?

Svo er brjálað að gera í félagslífinu þangað til ég fer heim. Er að fara að hitta tengdó á morgun en við ætlum að skoða miðbæinn og fallegu ljósin. Á laugardaginn er ég að fara í ekta julefrokost með fullt af Dönum og reyndar einni íslenskri stelpu :) Athra vinkona mín var svo að bjóða mér í trúlofunarveislu á laugardaginn sem er á sama tíma og julefrokostinn :( Ég er geggjað svekkt. Þetta er alvöru arabísk trúlofunarveisla sem aðeins er fyrir konur. Ég hefði sko alveg verið til í að fá að vera með í því. Örugglega fullt af geggjuðum mat og gotteríi. Athra var svekkt að ég gat ekki komist en við erum búnar að ákveða að ég fái að sjá myndirnar og svo ætlar hún að kenna mér allt um allar hefðirnar í kringum trúlofun og brúðkaup. Á sunnudag er ég svo að fara í julehygge hjá Nicole vinkonu minni. Það lítur því ekki út fyrir að ég sé að fara að gera mikið í þessari ritgerðarelsku á næstunni!

Í gær var mjög huggulegur dagur. Ég skilaði ritgerðinni á hádegi og hitti allan íslenska hópinn. Við fórum svo niður í bæ og "hugguðum" okkur með góðum mat og bjór á kaffihúsi. Ég fór svo í klippingu strax á eftir. Ég náði svo að eyða fullt af peningi í bænum, kreppa hvað?? Keypti mér jólaföt og snyrtidót. Fékk næstum blæðandi magasár af samviskubiti. Frank leist voða vel á þetta allt saman þegar ég hélt tískusýninguna fyrir hann um kvöldið og þá minnkaði magasárið aðeins hehe.

Í dag er varla hægt að sjá húsin hér í kring fyrir þoku og grámyglu sem er EKKI hressandi.

Hafið það gott elskurnar!!

Er að drukkna!

2008-11-29T19:20:00.003+01:00

Er alveg að drukkna þessa dagana. Er að skrifa stóra erfiða ritgerð og hamaðist eins og brjálæðingur alla vikuna en náði þó bara 5 blaðsíðum (af 20 ath!), úff. Svo er að skella á vikupróf á mánudaginn sem þýðir að ég þarf að byrja á nýrri ritgerð sem á að vera 12 blaðsíður. Svo þegar því er lokið verður maraþonsprettur að klára blessuðu ritgerðina áður en ég fer heim þann 19. desember. Fólk fær líklegast bara eitthvað sætt úr næstu bensínstöð í jólagjöf frá mér hehe. Guð, var búin að gleyma jólakortunum, veit ekki hvort maður nái þeim líka, jeminn. Svo fer maður líklegast í jólaköttinn með hár sem var seinast klippt í júní og föt sem voru keypt á seinasta ári eða eitthvað. Voða á maður bágst stundum! haha.

Gunni, Nína og Axel komu og kíktu í heimsókn í gær og gistu hjá okkur. Það var æði að dreyfa huganum aðeins og hitta þau. Alltaf mikil gleði í kringum þau og núna eintóm hamingja í þokkabót eftir að Axel bættist í hópinn. Hann er yndislegur!! Rosalega sorgleg tilhugsun að ég sé að verða þrítug á næsta ári og enn barnlaus :( Vonandi koma þessi kríli til mín einn góðan veðurdag ;)

Annars er margt að gerast hjá mér þessa dagana sem veldur miklum pælingum og gerir einbeitinguna erfiðari. Segi ekki mikið um það núna nema að það sé frekar líklegt að ég muni vera á Íslandi í nokkra mánuði eftir áramótin. Mitt líf er aldrei einfalt það er alveg á hreinu!!

Knús

læknuð læknafælni og fleira í þeim dúr...

2008-11-19T11:26:00.003+01:00

Það var geggjað gaman að hitta stúlkurnar mínar í sálfræðinni um helgina. Auðvitað gat ég ekki hamið mig og skellti mér á tjúttið og endaði á hommabarnum Blender og dansaði allt kvöldið. Eignaðist homma aðdáendahóp sem fannst ég æði og slógust nánast um að dansa við mig hehe ekki leiðinlegt það ;)

Ég hef verið þekkt fyrir að vera með netta læknafælni og vill helst ekki fara til slíkra þó lífið liggi við (hmm ætli ég hafi fengið þetta með móðumjólkinni hehe). Fór annars í krabbameinsskoðun í fyrsta skiptið í Danmörku og var að sjálfsögðu ekki alveg róleg yfir því. Ekki vildi betur en að þegar læknirinn kallaði nafnið mitt upp og ég stökk af stað varð læknirinn mjög skrítinn í framan og sagði nafnið mitt nokkrum sinnum og var bara eitt spurningamerki þegar ég sagði alltaf bara já það er ég! Ég er nefnilega bara svo vön því að fólk segi nafnið mitt á mjög undarlegan hátt og segi því alltaf bara já við hverju sem er sem byrjar á k eða Ch. Eftir smá vandræði kom svo í ljós að ég gat ekki verið "Christian" þar sem ég er stelpa !! haha ég var ekkert að hlusta á nafnið og var bara búin að ákveða að ég væri næst. Aumingja læknirinn var nett miður sín yfir þessu en ég tók þessu létt. Læknirinn minn er annars bara frábær!! Hann var geggjað næs og talaði við mig en ekki niður til mín og útskýrði allt mjög vel þannig að skoðunin sjálf var ótrúlega aflsöppuð. Held bara að ég sé komin yfir þessa fælni mína :) Svo er hann ungur og nútímalegur og mjög hreinskilinn. Hann "mælti" til dæmis með að ég gæti fengið bólusetningu fyrir móðurlífskrabbameini sem er ótrúlega dýrt (3500 danskar krónur) og dugar bara í ca 5-7 ár en sagði mér svo sitt persónulega álit á þessari bólusetningu.

Þrátt fyrir að það sé brjálað að gera hjá mér verð ég að sinna vinnunni minni en svo hugsa ég líka að það er pínu gott að hafa góða afsökun fyrir því að taka sér pásu frá bókunum. Ég er til dæmis að fara að vinna núna á eftir og ætla að vera þar nánast í allan dag. Er búin að lofa að gera vinnuna mína sem er að vera með einhverfa stráknum og svo ætla ég líka að þrífa húsið fyrir fjölskylduna sem er samt í raun ekki vinnan mín heldur annarar stelpu sem er í praktík. Á næstu önn verð ég svo í praktík þannig að ég vona að hún hjálp mér í staðinn hehe.

Er annars voða holl þessa dagana og farin að kaupa meira lífrænt ræktað og vörur án ilmefna og þess háttar. Maður þarf líka að hugsa um umhverfið sitt sem maður er að menga alla daga. Hef tekið eftir því að ég hef minna samviskubit þegar ég hendi rusli núna því það er fullt af ávaxtarusli í staðinn fyrir pizzukössum og plastdollum og öðrum umbúðum. Vonandi held ég bara áfram á þessari línu! Held ég geri það þar sem ég farin að sjá smá árangur og hef lést pínu og er ekki jafn hrikalega útblásin lengur :)

Er farið að hlakka brjálæðislega til jólanna!! Já það verður æði að vera í faðmi minna nánustu og njóta alls þess sem Ísland hefur að bjóða :)

lífið og tilveran í Dk

2008-11-13T19:29:00.003+01:00

Nennið mitt er eitthvað lítið þessa dagana, er að verða þessi bloggari sem bloggar sífellt sjaldnar. Er nú samt alveg að gera fullt skemmtilegt með skemmtilegu fólki :) Ég og Árni erum orðin "lærdómsteymi" , getum varla lært án þess að hafa hvort annað til að fara í pásur. Frank og Árni eru líka mjög svipaðar týpur og þar sem það eru ekki margir strákar í sálfræðinni eru þeir voða fegnir að hafa hvorn annan á sálfræði hittingum. Talandi um hittinga er ég að fara á einn slíkan á laugardaginn þar sem við stúlkur í sálfræðinni ætlum að hittast og ÉTA! Ég ætla að taka með mér heitan rétt mmm (brýt reglurnar hvort sem er alltaf um helgar! og reglur eru til þess að brjóta þær , er þaggi?). Svo eru margar vikur framundan fullar af jólamat og sukki en Dönum finnst ekki leiðinlegt að nota jólin sem afsökun fyrir því að troða í sig óhollustu og áfengum drykkjum sem er nú ekkert svo leiðnilegt hehe. Okkur er boðið í julefrokost hjá vinapari okkar og svo er bara mér boðið í pæju afmælispartý næstu helgi. Svo koma mjög líklega mörg fjölskyldu julefrokost tilboð þegar líða fer að jólum.

Skólinn gengur lala og vinnan gengur rosa vel þannig að allir eru glaðir í Herluf Trolles Gade :)

Fyndið...

2008-10-31T15:46:00.003+01:00

Strax daginn eftir seinustu færslu varð maginn hrikalega góður og hefur haldið sér þannig síðan :) Er því ennþá á heilsufæðinu og hef það gott!!

Ég hélt svo nettan fyrirlestur í dag í skólanum sem gekk bara vel. Ég varð reyndar frekar pissed off því við eigum að halda fyrirlestur sem endist í ca 45 mín með umræðunum en stelpurnar sem voru á undan mér töluðu í tvo fokking klukkutíma! Svo höfðum við bara hálftíma til að tala og við þurftum að sleppa pásunni til að fá smá extra tíma. Kennarinn getur alveg misst sig í að leyfa fólki að halda áfram og áfram og áfram. pirr pirr. Er geggjað stressuð, bara mánuður í stóra prófið mitt og svo þarf ég líka að vera búin að skrifa 20 blaðsíðna ritgerð fyrir 19.desember gúlp. Er samt að deyja úr tilhlökkun að fara heim um jólin! :) Finnst laaangt síðan ég var á Eyrinni góðu síðast.
Ég var svo rosa "heppin" í gær og fékk yfirdráttinn minn frá Nýja Landsbankanum en það eru mjög margir í veseni sem eru hjá öðrum bönkum. Get ég því tekið því rólega og keypt í matinn með góðri samvisku hehe. Það er sko ekkert sældarlíf að vera námsmaður í útlöndum í dag.

Ætlaði nú bara að láta heyrast aðeins í mér...þarf að finna einhverja afsökun því ég þarf að þrífa bælið mitt og nenni því barasta ekkert! Þið þekkið þetta eflaust ;)

Prump

2008-10-28T20:22:00.003+01:00

Er ennþá lifandi eftir sjö stranga daga á heilsumatarræði!! Er þó reyndar búin að "svindla" nokkrum sinnum en tel það part af prógramminu ;) Það tekur mig um hálf tíma að borða morgunmat á morgnana. Ég þarf by the way að borða haug af ávöxtum til að verða södd þannig að ég stend sveitt inní eldhúsi og flysja fjall af ávöxtum svo þegar því er loksins lokið þarf að borða fjallið og það tekur sinn tíma. Svo er það að kaupa allt þetta heilsufæði því ávextir eru jú ekki ferksir endalaust og svona. Það versta af öllu er að ég er að drepast í maganum og er með geggjað loft í maganum!! Þetta átti að hjálpa maganum mínum sem er alltaf í tómu rugli en heilsufæðið virðist fara illa í mig. Veit ekki hvort ég eigi að gefast upp eða þrauka aðeins áfram. well well.

Er mjög stolt af karlmanninum á heimilinu en hann er orðinn alvöru Safari-maður :) Hann byrjaði í nýju vinnunni í dag og kom heim fullur af sögum af hinum ýmsu dýrum. Vandamálið að komast fram og tilbaka í vinnuna er leyst því hann getur fengið far með amk tveimur samstarfsmönnum sínum sem er þvílíkur léttir. Ég held að þetta eigi eftir að vera rosa spennandi vinna :) Svo veit maður náttúrlega ekkert hvort maður fái einhverja aura frá kúpu landinu góða þannig að það er gott að geta lifað af Safari hetjunni ;)

Fallegur haustdagur

2008-10-25T09:26:00.003+02:00

Í dag er fallegt og þar sem það er laugardagsmorgunn og ég vöknuð snemma er eitthvað svo rólegt hérna og ljúft. Ég sit með fulla skál af ávöxtum og gæði mér á mmm. Er byrjuð á heilsumataræði til að reyna koma smá skipulagi á meltinguna. Keypti mér bók með 8 vikna heilsuátaki. Í þessari bók er til dæmis mælt með að maður borði bara ávexti fyrstu fjóra klukkutímana eftir að maður vaknar til þess að gefa manni hámarks orku því ávextir eru auðmeltanlegir og svo að maður hafi fullt af góðum ensímum til að brjóta þá fæðu sem svo kemur restina af deginum. Svo er farið eftir kenningum um sýru og basískan mat en maður má víst bara fá 1/3 af sýru matnum á móti 2/3 af basíska matnum yfir daginn. Og maður má ekki blanda þeim saman eins og flest allir sem ég þekki gera á hverju kvöldi þegar fólk borðar kjöt og kartöflur saman. Samkvæmt þessari bók þarf maður mismunandi meltingarensím til að brjóta niður þessar mismunandi fæðutegundir og ef maður er með bæði ensím í gangi á sama tíma þá geta þau truflað hvort annað sem þýðir að það hægist svakalega mikið á meltingunni og kjötið situr fast allt að 20 tímum og byrjar að mygla. Þetta þekki ég af eigin reynslu og er því nánast alveg hætt að borða rautt kjöt og held mig bara við fuglana góðu. Eníveis þá er þetta bara afskaplega sniðugt og skemmtilegt því það eru milljón frábærar og mjög auðveldar uppskriftir í þessari bók sem þýðir að við Frank þurfum ekkert að spá í því lengur. Það eina sem við þurfum að gera er að borga morðfjár fyrir allt grænmetið og ávextina! vó hvað það er miklu dýrara að borða hollt en óhollt hehe en margborgar sig samt ;)

Við vorum ekki í sama heilsupakkanum seinustu helgi þegar við buðum tveimur sálfræðinemum til okkar og drukkum bjór og fórum í bæinn á tjúttið. Það var reyndar ógeðslega gaman en ég var amk ekki vöknuð snemma og farin að borða ávexti um níuleytið daginn eftir hehe.

Í gær hittum við vin okkar og nágranna sem er heitir Árni og kærustuna hans Natalie en hún er hérna í heimsókn en hún býr á Íslandi. Það var mjög kósý að sitja og drekka kaffi með þeim. Helgin fer í vinnu hjá okkur báðum en Frank er að byrja að vinna á þriðjudaginn og þarf að undirbúa fullt og koma með fullt af sniðugum hugmyndum. Ég er að fara að halda fyrirlestur á föstudaginn og þarf að undirbúa það plús að ég þarf að fara að byrja á 20 blaðsíðna ritgerð. Og á morgun er ég líklegast að fara að vinna. Nóg að gera semsagt!

Kreppa kreppa!! Hvernig væri að myndum fara að taka upp nýjan gjaldmiðil sem fyrst, það er rosalegt að vera námsmaður þessa dagana!! Fegin að það er bara ég sem er að taka þessi blessuðu námslán en ekki Frank.

Góða helgi

Myndir frá spa

2008-10-19T18:03:00.000+02:00

http://www.facebook.com/album.php?aid=59188&l=12edb&id=544211433

Tékkið á þessu ef þið eruð ekki feisbúkkarar!

Kreppa hvað?

2008-10-19T10:16:00.004+02:00

Vá hvað ég skulda mikið blogg!! Veit náttúrulega ekkert hvort það sé einhver yfirleitt að lesa þetta blogg lengur hehe. Það hefur margt gerst síðan síðast þannig að ég ætla að romsa því út og sjá svo til hvort ég setji inn myndir eða skelli þeim kannski bara á facebookið mitt. Varúð þetta blogg er montrassablogg dauðans!!

Seinasta helgi var geggjuð dekur helgi sem ég mun aldrei gleyma og mun líklegast aldrei toppa. Við fórum til Vejle á Spa hótel með fjölskyldunni hans Frank. Þegar við komum fengum við öll smá sjokk yfir því hvað þetta var geggjað flott hótel og nútímalegt. Staðsetningin er líka æðisleg þar sem hótelið er í litlum skógi við fjörðinn þannig að maður getur farið í allskonar göngutúra í fallegri náttúru. Við komum á föstudagskvöldi og byrjuðum á að skoða herbergin okkar áður en við fórum í mat. Ég var alveg orðlaus yfir gæðunum þarna, þegar við komum inn blasti við Bang&Olufsen flatskjár og á honum stóð "Velkominn Frank steffensen" (eitthvað gleymdist að setja nafnið mitt inn þarna hehe). Rúmin voru rosa góð Hastens rúm sem eru búin að vera mjög mikið í tísku og öll húsgögn bara mjög flott og nútímaleg. Við fengum svo fjögurra rétta máltíð með nýju víni fyrir hvern rétt. Skrítið að sitja við borð þar sem allir eru með fimm glös og haug af hnífapörum. Það kemur alltaf upp í mér þessi "Im not worthy" tilfinning í svona aðstæðum haha. Maturinn var geggjað góður en ég er bara ekki vön að sitja í marga klukkutíma og borða fjóra mismunandi rétti og var því frekar ónýt í maganaum alla helgina (við fengum svona máltíðir bæði kvöldin). Á laugardeginum fór ég með systrum hans Frank í spa dekur á meðan restin af fjölskyldunni fór að spila golf. Þetta er ekkert smá flott spa og fullt af góðri afslöppun þarna. Hægt var að fara í allskonar mismunandi sauna, fótaböð, sturtur, sundlaugar plús allt annað sem hægt var að borga sérstaklega fyrir eins og nudd og andlitshreinsanir. Það sem slóg mest í gegn hjá fjölskyldunni hans Frank var heitur pottur úti. Vá hvað þeim fannst það geggjað. Ég var frekar lítið impressed þar sem annar hver maður er með svona heima hjá sér á Íslandi og vatnið er alls ekki jafn heitt eins og heima. Held að systir hans Frank ætli að kaupa sér svona því hún var alveg sjúk í þetta. Eftir alltof margar góðar máltíðir fórum við svo í göngutúr niður að vatninu á sunnudeginum í sólskinsveðri. Ríka fólkið á rosa flott hús þarna og fína báta sem maður gat horft á og öfundast út í hehe. Þó svo að þetta hafi allt saman verið æðislegt þá jafnast ekkert á við að koma aftur heim til sín þvó svo að maður geti ekki staðið uppréttur í svefnherberginu og fleira í þeim dúr ;)

Góðar fréttir!!! Frank er kominn með nýja vinnu :) Hann er að fara að vinna í Ree Park sem er safari dýragarður rétt hjá Ebeltoft. Hann verður nýji upplýsingafulltrúinn þeirra. Eini ókosturinn er að þetta er langt í burtu og Frank þarf að taka bílpróf og kaupa bíl til að komast þangað því samgöngurnar eru mjög lélegar á þessu svæði. Við erum því mjög ánægð þessa dagana. Í tilefni þess skelltum við okkur á tjúttið á föstudagskvöldið með nokkrum góðum úr sálfræðinni. Algjörir snillingar þetta fólk sem ég er með í skóla.

Ég er hrikalega léleg við að setja inn myndir á þetta blogg og ætla því bara að skella myndum inn á facebook og setja svo link hérna inn fyrir þá sem ekki eru komnir svo langt að skrá sig á facebook hehe.

Hafið það gott þrátt fyrir kreppu

Afmæli

2008-09-29T21:52:00.010+02:00

Jæja þá er orðið langt síðan ég skrifaði eitthvað á þetta blessaða blogg mitt, það er að meira að segja svo langt síðan að ég er ekki lengur 28 ára heldur 29 ára!!! Til hamingju til mín og systur minnar Katrínar sem var svo heppin að fæðast sama dag og ég hehe. Takk kærlega fyrir allar fallegu afmæliskveðjurnar góðu vinir :) Voða á ég marga góða vini!! Rík tík.

Ég ákvað að halda afmælisveislu sem vatt "aðeins" upp á sig og endaði með að vera að risastóru afmælispartýi með um tuttugu manns sem hepnnaðist samt nánast fullkomlega. Það eina sem klikkaði var að það var ekki nóg matur handa þeim sem komu of seint (alltof seint).

Við vorum annars með brauðrétti á matseðlinum ásamt salati og snittum. Í forrdrykk bjuggum við til ávaxta kokteil (smoothie style). Þetta slóg allt saman í gegn hjá fólki. Þeir sem voru að sjá íbúðina okkar í fyrsta skiptið voru alveg dolfallnir yfir hversu flott þeim fannst hún og hversu góðan smekk þeim fannst ég hafa, reyndar sagði einn vinur minn að honum hefði aldrei grunað að ég hefði svona góðan smekk haha, frábært hrós!!

Gestirnir voru bæði Danir og Íslendingar og allir voru að sjálfsögðu góðir vinir. Ég fékk svo rosa flottar gjafir sem ég á eftir að njóta lengi :) Takk fyrir mig!! :)

Hið ljúfa skólalíf

2008-09-12T22:00:00.004+02:00

To be continued frá seinasta bloggi ...

Ég fór í atvinnuviðtalið sem ég talaði um (Aflastningsordningen) og bjóst við nettu spjalli en þetta viðtal var alveg öfugt við það. Ég var yfirheyrð um ýmis atriði í klukkutíma og korter. Þar sem ég bjóst ekki við þessu varð ég frekar stressuð þannig að danskan fór pínu í rugl en ég náði nú samt að segja frá öllum kostunum mínum, hvaða reynslu ég hef og hvað ég hef lært af henni og hvernig ég get notað hana í þessu starfi. Konunni leist mjög vel á mig og sagði að mamma stráksins myndi elska mig og þær aðferðir sem ég talaði um að ég hafi notað á börnin sem ég hef unnið með. Nú bíð ég bara eftir að mamman hringi í mig og bjóði mér að koma og hitta þau. Hugmyndin er svo að hún verði yfirmaðurinn minn þannig að ég þarf að semja við hana hvenær ég vinn og þess háttar.

Dagurinn í dag var mjög langur en skemmtilegur. Ég byrjaði daginn á að fara í fyrsta tímann í valáfanganum mínum sem heitir ungdomspsykologi og fjallar um unglingsárin. Þessi tími var mjög áhugaverður og ég var sett í hóp með þremur öðrum Íslendingum sem var skemmtilegt. Kennarinn minn bauð mér svo að fá lánaða bók sem hann á og ég fór með honum á skrifstofuna hans og við áttum mjög skemmtilegt spjall um áfengisneyslu Dana og Íslendinga. Reglurnar hérna í Danmörku eru alveg fáránlegar en aldurstakmarkið fyrir að kaupa áfengi er 16 en 18 ef maður ætlar að kaupa sígarettur! Mér finnst þetta vera eitthvað frekar öfugsnúið.
Svo eftir skólann fór ég og hitti nýju Íslendingana en í dag var stór fredagsbar sem þýðir að það var búið að girða af stórt svæði þar sem búið var að setja upp stórt tónleikatjald. Þegar ég svo komst að því að það kostaði heilan helling til að komast inn ákvað ég bara að sjá til sem endaði svo með að ég og vinkona mín og tvíburasystir hennar sem er hérna í heimsókn fórum niður í bæ og hittum aðrar stelpur þar, fleiri bættust svo í hópinn þannig að þetta var allt mjög næs. Við drukkum smá bjór og höfðum það huggulegt. Svo ákváðum við að reyna að gera gott úr þessum fredagsbar og fara þangað aftur en þá var komin sú allra lengsta röð sem ég hef á ævi minni séð! Held við hefðum þurft að bíða í allvegana klukkutíma til að komast inn þannig að ég gafst upp og fór heim í staðinn enda drullukalt úti. Núna er ég undir sæng, skrifandi blogg og horfandi á lélega rómantíska gamanmynd í sjónvarpinu, alein heima :) kósý.

Festugen og fleira

2008-09-09T19:43:00.023+02:00

Ýmislegt hefur drifið á daga okkar síðan seinast þegar ég bloggaði. Festugen er á enda og við áttum marga mjög skemmtilega daga fulla af afþreygingu og góðri stemningu. Við náðum til dæmis að lokka tengdó frá Horsens. Við sýndum þeim allar skemmtilegu göturnar sem eru nú skreyttar með flottu og oft pólitísku graffiti, við sötruðum bjór, borðuðm grískan mat, sátum á kaffihúsi og kíktum á listasýningar. Seinustu helgi hittum við svo Brynhildi og Jens en þau eru einnig íslensk/dönsk blanda. Við fórum á kínverk/japanskan veitingastað þar sem ég sneyddi Sushi mmm. Seinna um kvöldið fórum við svo niður á bryggju og horfðum á geðsjúklega fyndna, sænska, pönk-sirkus sýningu þar sem einn af þessum flippuðu Svíjum setti músagildru á bæði tunguna á sér og "vininn" sinn hehe. Semsagt frekar crasy sýning en góð skemmtun. Eftir sýninguna fórum við Frank svo á mjög nett pöbbarölt áður en við röltum heim sem var cosý.

Ég er svo byrjuð í skólanum og búin að ljósrita mörg hundruð blaðsíður sem ég á svo eftir að lesa! gúlp. Ég held mig alltaf við KKK hópana mína en núna á ég tvo. Þegar ég var í pædagogisk psykologi var ég alltaf með Karen Marie og Kamilla sem eru dönsku vinkonurnar og svo núna samanstendur KKK grúppan af mér, Karenu og Kristínu og svo er reyndar Kristbjörg bæst í K hópinn þannig að við erum orðnar KKKK vó! Annars eru margir Íslendingar með okkur í klinisk psykologi sem ég á eftir að kynnast betur. Það verður amk nóg að gera á þessari önn og ég er strax nett stressuð en hlakkar líka fullt til :)

Í seinustu viku sendi ég svo umsókn um að vera liðveisla fyrir börn og unglinga með fötlun og svo var hringt í mig strax daginn eftir. Mér líst mjög vel á konuna sem ég talaði við og er að fara á fund með henni á morgun. Ég gæti því verið búin að eignast mitt eigið "barn" á morgun. Hann er reyndar 16 ára þannig að hann er svosem ekkert barn lengur. Hann er víst algjör sjarmör og dúlla, þannig að mig hlakkar pínu til að hitta hann og fjölskylduna hans. Þau voru mjög spennt að heyra að ég væri Íslendingur því þau búa í Trige þar sem mjög margir Íslendingar búa og stráknum langar mjög mikið til að læra íslensku því hann er mjög góður í tungumálum. Hann er með einhverfu greiningu en ég hef mest unnið með ADHD börnum þannig að ég mun læra fullt, fullt af þessu. Held það sé frábært að vera í svona vinnu með skólanum því maður lærir svo mikið "verklegt" á móti öllum kenningunum.

Við viljum annars óska Heiðu Hannesdóttur vinkonu minni og manni hennar honum Guðmundi innilega til hamingju með fallega soninn sem fæddist þeim þann 5.september og ber nafnið Kristófer Dagur :) Góður árangur!

Sumarið á enda

2008-08-30T11:09:00.002+02:00

Þá er ég hætt að vinna á hóteli djöfulsins, gæti skrifað endalaust um hversu ömurlegt þetta hótel er en nenni ekki að eyða orku í það. Mæli allavega ekki með því!!

Nú er þessum kafla lokið og nú byrjar nýr kafli sem heitir klínísk sálfræði og valáfangi og vonandi einhver skemmtileg vinna með :)

Í gær opnaði Festugen hérna í Aarhus en það er skemmtileg menningarvika sem er stútfull af allskyns uppákomum og list. Við kíktum út í gærkveldi og sáum lifandi tónlist og fleira skemmtileg og enduðum svo í "óperuhúsinu" en það er eitthvað það mest cool sem ég hef séð. Ungir listamenn hafa byggt lítinn bæ og lítið svið sem þeir kalla óperuhúsið. Þetta er allt byggt úr litlum spýtum bara eins og í gamla daga þegar maður hamaðist við að byggja sér skúr á hverju sumri. Það er líka einhvern veginn stemningin þarna því þetta er allt eitthvað svo krúttleg með rólum og blómum og krúttlegum bekkjum að sitja á. Svo er líka mjög cool grafiti á byggingunum þannig að þetta er mjög mikið "youth". Þó svo að sumrinu sé lokið þá skín sólin skært og hitastigið á víst að fara upp í 24 gráður!! vei.

Annars vill ég segja TIL HAMINGJU til Gunna og Nínu en þau eignuðust sitt fyrsta barn í vikunni sem fékk nafnið Axel Þór Gunnarsson og er bara sætastur :)

Girls just wanna have fun!

2008-08-20T10:32:00.007+02:00

Nú er að verða ansi langt síðan ég hef skrifað eitthvað hérna. Vinnan er strax farin að pirra mig svakalega en ég ætla samt að reyna að halda þetta út þangað til 29. ágúst þegar Gunni og Nína ætla að koma að heimsækja okkur :)
Ég átti frábæran dag í gær en vinkona mín hún Hrefna var að útskrifast úr kandídatsnáminu og er nú sálfræðingur og strax komin með mjög spennandi vinnu á Íslandi. Við drukkum smá freyðivín og fórum svo út að borða á indverskum veitingastað. Maturinn var fínn miðað við hvað hann var ódýr og við skemmtum okkur vel. Síðan kíktum við á kaffihús við ána og sátum úti í alltof miklum hita, ekki það að það hafi verið heitt úti heldur var kveikt á hiturunum sem voru alveg að svæfa okkur allar.

Ég var kvefuð og mjög þreytt í gær og ákvað því að vera í fríi í dag líka en það er ekkert vagtaplan í vinnunni en ég lét þó vinkonu mína vita að ég kæmi ekki. Svo í morgun hringir yfirmaðurinn minn alveg brjáluð. Hún er bara svo óskipulögð og hafði ekki útbúið neitt plan fyrir vikuna og svo mættu bara tveir í vinnunna!!haha gott á hana!! Þoli ekki að vinna undir svona óskipulögðu fólki. Allavega ætla ég samt að vera í fríi í dag. Veðrið sökkar en ég ætla bara að dúlla mér hérna heima. Sá aðeins af Ísland-Pólland handboltaleiknum þar sem Íslendingarnir unnu :) Gaman þegar OKKUR gengur vel!

Maid in Aarhus

2008-08-08T17:38:00.003+02:00

Takk kærlega fyrir allan stuðninginn kæru vinir :)

Mér tókst að næla mér í smá vinnu og byrjaði í gær. Ég er nýja þernan á Hotel Royal !! http://www.hotelroyal.dk/index.asp?PageID=Gallery . Ekki kannski sú vinna sem mér hefur dreymt um í mörg ár en vinna er vinna. Ég elska að nota líkamann og skilja heilann eftir heima og njóta þess að svitna fyrir aurunum. Hótelið er það allra flottasta sem ég hef séð sem skemmir ekki fyrir. Um helgina mun Eric Clapton gista hjá okkur og í fyrra gisti Madonna hjá okkur og fékk að eiga eitt málverkanna í herberginu hennar en hótelið er fullt af mjög flottum málverkum bæði gömlum og nýjum. Svo til að toppa það þá er lyftan í hótelinu sú elsta í Aarhus... Top that!! Já og ég má ráða hvenær ég vinn. Það besta er að ég er að vinna með tveimur íslenskum stelpum úr sálfræðinni þannig að það er sko nóg að spjalla um á meðan klósettin eru þrifin og skipt er á rúmfötum. Svo eru reyndar hundrað og einn ókostur sem ég ætla ekki að nefna eða hugsa um því ég er bara svo fegin að vera ekki í fríi lengur jeminn hvað það er erfitt að gera ekki neitt allan daginn úff.

Nýjasta verkefnið mitt er að læra að sauma. Þau verkfæri sem ég hef til að hjálpa mér er saumavélin mín hún Major Fancy (jebs actual name!) og svo Burda blað sem ég keypti á Glerártorgi um jólin...Good luck. Ég ætla að sauma rosa flott pils en á erfitt með að byrja. Er búin að kaupa efnið sem er rosalega flott ullarefni frá Armani en það er efnabúð niðrí bæ sem kaupir afganga frá Armani, Prada og fleirum. Málið er svo bara að efnið er of flott til að ég þori að klippa það! Er komin með sniðið og allt það en þori varla að byrja að klippa því hvað ef ég eyðilegg þetta dýrindis efni?? Plús að ég fatta ekki alveg hvernig ég á að sauma þetta blessaða pils því Burda er algjörlega óskiljanlegt fyrir manneskju eins og mig og Frank með sína ba gráðu í ensku er alveg jafn skilningssljór og ég. Verð bara að fá mér einn eða tvo bjóra og sjá til hvort kæruleysið hjálpi mér ekki pínu hí hí.

Sólin skín og það er föstudagur þannig að ég skellti mér í H&M og keypti mér flotta skyrtu á útsölu og svo glænýjan og flottan fjólubláan kjól :) Frank er svo að elda uppálhaldsmatinn minn sem er Mexicano style mmm.

Góða helgi

Bölvað VESEN

2008-08-02T10:06:00.004+02:00

Þó að sólin skíni þá leikur lífið alls ekkert við okkur Frank þessa dagana. Hann er núna officially atvinnulaus enn einu sinni og ég er líka búinn að missa þá vinnu sem mér hafði verið lofað fyrir ágúst. Þannig er mál með vexti að ég hafði samband við gamla vinnustaðinn minn heimahlynninguna (fyrir löngu síðan)og spurði hvort þeim vantaði einhvern til að leysa af í ágúst og jú ég fékk nokkrar vaktir sem svo breyttust í fleiri vaktir og endaði með að ég samþykkti að vinna fjórar helgar plús nokkra virka daga. Kellingin var samt alltaf að reyna að fá mig til að samþykkja að vinna áfram um helgar með skólanum en ég vill það ekki því mig langar að vinna með börnum og ætla mér að sækja um að vera liðveisla eða aðstoðarmanneskja á stofnun fyrir börn með ADHD og einhverfu. Hún var mjög ágeng og ég endaði með að samþykkja að taka einhverjar helgar ef ég vissi að ég hefði ekki of mikið að gera. Næsta dag hringir hún svo og segir að yfir- yfirmaðurinn segi að ég verði að lofa að taka aðra eða þriðju hverju helgi ef ég vilji koma og vinna hjá þeim. Ég sagði nei við því og er því búin að missa sumarvinnuna mína!! Hún hefði kannski getað druslast til að segja eitthvað fyrir tveimur mánuðum og þá hefði ég væntanlega sótt um að vinna annars staðar í ágúst og ég býst við að flestir séu búnir að ráða fyrir mánuðinn. GREAT!!

Reyndar er þessi heimahlynning stýrð af djöflinum sjálfum og kannski bara ágætt að vera ekkert að vinna fyrir hann! Núna er svo bara málið fyrir mig að skrá mig á vikar skrifstofu sem eru skrifstofur fyrir þá sem vilja hlaupa í skarðið hér og þar. Þetta er mest svona verksmiðjuvinna, lagervinna og þess háttar.
Ég er búin að finna auglýsingu þar sem er verið að auglýsa eftir fólki til að vinna með börnum með ADHD og einhverfu 8 til 10 tímar á viku sem ætti að vera fullkomið með skólanum. Ég ætla að sækja um það og vona það besta!
Þessi vonda reynsla af vinnumarkaðnum hérna fær mann til að langa heim strax eftir útskrift. Sjáum til hvernig það á eftir að ganga jedúddamía!

Arhusian Tropic

2008-07-26T11:59:00.005+02:00

Þá er sumarfríið officially búið og við komin aftur í íbúðina okkar í Tröjborg. Ég verð að segja að ég kann bara ágætlega við mig í skordýrafrírri íbúð hehe. Ég er nefnilega fóbísk þegar það kemur að því að búa með silfurskottum. Í húsinu í Lystrup var allt morandi í þessu helvíti á neðri hæðinni og ég fékk alveg gæsahúð lengst uppí rassgat!! Ég sakna reyndar litlu loðboltanna minna en við vorum að passa tvo útiketti. Það er algjör snilld fyrir fólk eins og mig sem er með massívt kattarofnæmi því kettirnir eru úti og alla daga og fá matinn sinn úti. Svo þegar manni langar að hanga aðeins með köttunum situr maður bara úti í sólbaði og þeir liggja við hliðina á manni og ætlast ekkert til þess að fá klapp eða knús (vilja það í raun ekki). Fannst svo sætt þegar þeir eltu mig út um allt bara til vera nálægt manni :) Dúllur!

Veðrið er rosalega gott þessa dagana og við ætlum að skella okkur á ströndina í dag. Ég varð reyndar svaðalega þreytt og svimaði helling í gær og steinrotaðist á sófanum þegar við komum heim. Er greinilega ekki alveg nógu vön þessum hita.

Ég er full af áhyggjum því ég fékk algjört sjokk um daginn þegar ég fékk fyrstu útborgunina frá Lín. OMG!! Það er náttúrulega bara geðveiki að vera í námi og fá námslán í íslenskum krónum. sveiattan. Ég sá að ég hef verið að fá um 300 þús á önn þegar ég tók ba heima á klakanum en núna kostar ein önn 630 þús!!! Vá hvað ég hata að skulda og þetta er eina lánið sem ég hef nokkru sinni tekið. Er því sveitt að reyna að finna aðrar leiðir. Er að hugsa um að vinna eins og fífl með skólanum í vetur og sjá hvort mér takist að halda mig frá þessu helvíti. Hvað getur maður annars gert?? Ef ég og Frank værum búin að vera gift í tvö ár gæti ég bara lagst á spenann eins og aðrir Danir en því miður er það ekki í myndinni.

Afslöppun í Lystrup

2008-07-18T11:04:00.004+02:00

Við erum búin að vera hérna í sveitasælunni í Lystrup frá því á sunnudaginn, þetta er alveg geggjað næs :) Í staðinn fyrir að kúldrast í pínu litlu íbúðinni okkar í Tröjborg erum við komin í risastórt einbýlishús hérna í Lystrup. Það er geggjað að geta farið á fætur á undan Frank og geta leyft sér að hlusta á útvarpið og gera ýmislegt sem myndi venjulega pirra Frank og halda fyrir honum vöku. Það er ekki alltaf gott fyrir sambandið að búa í bara einu herbergi hehe.

Við höfum brallað ýmislsegt eftir að við komum hingað. Við erum til dæmis búin að fá tengdó í heimsókn sem var rosalega gaman. Við fórum að skoða rústir af eldgamalli höll sem er á lítilli eyju í lítilli vík. Svo fórum við í Randers Regnskov að skoða öll flottu og skemmtilegu dýrin þar. Ég fékk samt nett sjokk þegar ég kom inn í Afríku deildina því við fórum beint að skoða skrítna fiska. Allt í einu voru þessir fiskar, sem eru by the way geggjað ljótir og næstum jafn ljótir og silfurskottur, að reyna að borða á mér lappirnar!! Vá hvað það var creepy!! Þeir komu uppúr á sillu sem var alveg við lappirnar á mér og voru að reyna að ná bita af mér. Svo kemur einhver strákur sem er guide þarna með skál með mat handa þessum fiskum og það eina sem ég sé að mjög langur rottuhali. Þegar hann svo kom nær sáum við risastóra dauða rottu og fullt af litlum músum. Við erum svo að tala um að þessir fiskar átu þessi dýr bara í einum munnbita. OJJJJ ég var drullu hrædd og með geggjaða gæsahúð eftir þetta. Frank fannst það mjög sætt því það gerist ótrúlega sjaldan að ég verði hrædd. Vill þó taka fram að ég var aldrei í neinni hættu þarna hehe. Svo í Asíu deildinni voru sætustu apar í heimi! Þeir eru pínulitlir og með risastór brún augu og andlit sem er ótrúlega líkt manneskju andliti. Ég gæti annars haldið áfram endalaust um þennan regnskóg þarna því það var svo gaman að skoða þetta. Mæli með því fyrir alla sem hafa tækifæri á!

Í gær fórum við í rosalega langan göngutúr alla leið út í IKEA (8 km) sem ég kalla stundum í huganum the city of big bellies því það eru jú allir óléttir þarna haha. Við keyptum einhverja nokkra hluti og borðuðum IKEA mat.
Um helgina ætlum við að fara á Aros safnið sem er núna með flotta sýningum með allskonar flottum tónlistarmyndböndum þar á meðal nýtt Björk myndband sem er í þrívídd. Einnig var hugmyndin að fara jafnvel í bíó.

knús og saknaðarkveðjur

Afmælisdagar

2008-07-11T12:38:00.003+02:00

Á meðan á Hróaskeldu stóð átti ég hvorki meira né minna en tvö afmæli! Ég og Frank hittumst á þessum sama stað fyrir fjórum árum síðan , 1.júlí 2004, og áttum við því afmæli :)Ég var búin að steingleyma því þegar Frank óskar mér allt í einu til hamingju með afmælið. Dagurinn var geggjað skemmtilegur en Frank fór á kostum í spurninglaleik sem haldinn var á Skyline barnum á B svæðinu. Við vorum ekki kölluð upp þegar úrslitin voru tilkynnt en Hrönn var sú eina sem tók eftir að við vorum með jafn mörg stig og liðið sem vann! Við fengum því öll ókeypis bjór og voða fína Jack Daniels boli :) Töff!

Hinn afmælisdagurinn var svo að ég flutti til Danmerku 3.júlí 2005 sem þýðir að ég er þriggja ára Dani ;) Ég hélt semsagt ekkert sérstaklega upp á hann og minntist í raun ekki á hann við neinn.

Varúð væminn pistill í aðsigi! Ég lá andvaka í gær og hugsaði um hvað ég er ennþá skotin í honum Frank mínum. Ég bý í landi sem mig langar í rauninni ekkert rosalega mikið að búa í og er í námi sem mér finnst ekkert voðalega skemmtilegt en læt mig hafa það því mig langar að vera með honum Frank mínum og hafa möguleika á að fá vinnu í þessu landi í framtíðinni ef ég verð eitthvað hérna áfram. Við erum reyndar búin að ákveða að Aarhus er ekki framtíðarpleisið og langar að skoða aðra möguleika þegar ég er búin með námið. Svo eftir að Frank slóg í gegn hjá íslensku strákunum á Hróa þá er hann töluvert jákvæðari á að flytja þangað jafnvel ;) Allavega er alltaf bara svo næs og gaman hjá okkur sama hvar við erum. Í kvöld byrjar Frank í sumarfríi og við ætlum að dúllast eitthvað saman tvær næstu vikurnar sem verður örugglega hrikalega næs :)

OG Ofurtöffarinn hann Bjarmi Már Eiríksson er þriggja ára í dag og vil ég óska honum innilega til hamingju með það :)

Maraþon parý

2008-07-08T16:02:00.002+02:00

Er komin heim frá Roskilde Festivalen!!

Þetta var rosalegasta og lengsta partý sem ég hef nokkru sinni upplifað, enda orðin nett veik. Ævintýrið byrjaði fyrir rúmri viku síðan en við mættum á svæðið seinnipart mánudags. Við tjölduðum í "götunni" við hliðina á Hrönn og Jóni og vorum með nánast alla dagana. Svo bættust við hópur af Íslendingum sem þau þekkja sem við héngum með. Þau voru svona líka hrikalega skemmtileg eins og Íslendingum sæmir ;) Fyrir forvitna heita þau: Rut, Haddi, Guggi, Doddi og Einsi. Við eigum líka flottar myndir af þeim.

Fyrsta kvöldið var rólegt en við fórum í Hróaskeldu bíó á spennandi spænska mynd og gæddum okkur á poppi. Veðrið var geðveikt gott alla dagana þannig að á daginn var sólin sleikt og bjórinn teygaður. Þó að sjálf hátíðin byrji ekki fyrr en á fimmtudeginum þá er tónlist alveg frá því hátíðin opnar á sunnudeginum. Við sáum nokkur skemmtileg bönd eins og Slagsmålsklubben, When saints go machine, Casiokids og íslensku grúppuna Bloodgroup sem stóð algjörlega uppúr. Söngkonan er gella dauðans og getur sungið mjög vel þrátt fyrir mikil hopp og dans á sviðinu. Ég hef aldrei áður upplifað Hróaskeldu í góðu veðri þannig að þetta var alveg nýtt fyrir mér og mjög spennandi. Það er mjög gaman að mæta snemma á hátíðina ef það er gott veður og djamma og chilla áður en tónlistarstressið byrjar. Ég skemmti mér konunglega!!

Sjálf hátíðin var svo opnuð á fimmtudeginum og Radiohead spiluðu um kvöldið, VÁ hvað það var geðveikt! Ég vissi að þeir væru góðir því þeir hafa verið í miklu uppáhaldi hjá mér í mörg, mörg ár en ég vissi ekki að þeir væru svona rosalega góðir á tónleikum. Bestu tónleikar sem ég hef verið á. Stemningin á tónleikunum var líka ótrúlega sérstök því allir urðu bara svo glaðir og maður sá fólk faðma hvort annað þó það þekktist ekki neitt og allir voru með væmið bros á vör :)

Föstudagurinn var sá dagur sem ég og Frank sáum flesta tónleika, alls átta tónleika, stress! Ég ætla svosem ekkert að dæma alla en bara taka það sem stóð uppúr. Band of horses og Goldfrapp voru þær hljómsveitir sem mig hlakkaði mest til að sjá. Raunin varð svo að þetta voru líka bestu tónleikar dagsins. Söngvarinn í Band og horses er bara svo mikið krútt og yndislegur og tónlistin mjög falleg. Frank varð mjög hrifinn af Goldfrapp en hann þekkti þau ekkert mjög vel fyrir hátíðina. Það var líka rosalega gaman að fylgjast með Nick Cave í Michael Jackson jakkanum sínum með pornóstar lookið sitt þylja perralega texta: Get it on og ohh yeahhh haha. The Streets voru góðir og létu áhorfendurna gera allskonar kúnstir eins og: faðma hvorn annan og fara úr að ofan og setjast niður. Kvöldið var svo endað á tónleikum sem byrjuðu klukkan þrjú um nóttina með sænskum gaur sem kallar sig Familjen. Það var fáránlega skemmtilegt og ég setti met í að hoppa og dansa eins og villingur. Það þurfti að stoppa tónleikana í smá stund því sumir hoppuðu of mikið og þótti öryggisvörðunum það vera hættulegt.

Laugardagurinn var of heitur og maður sá að fólk var að verða ansi þreytt og þegar sólin faldi sig bakvið ský heyrðust þvílík fagnaðarlæti frá fólki hehe. Það sem stóð uppúr á þessum degi var Efterklang, Judas Preist fyrir að vera eighties töffari, Neil Young og að sjálfsögðu Chemical Brothers. Ég lét mig hafa að vera á Efterklang þrátt fyrir að þeir væru inni í lokuðu tjaldi þar sem allt allt of margir áhorfendur voru samankomnir og súrefnið af skornum skammti. Frank flúði. Chemical bræðurnir létu mig svo setja enn eitt metið í hoppi og skoppi enda var mér svaðalega illt í fótunum og kálfunum daginn eftir.

Sunnudagurinn var "þreytti fara heim dagurinn" og því sáum við bara eina tónleika og það var með Tina Dickow en það var skítsæm, hún er voða sæt og syngur fallega en tónlistin hennar er frekar boring. Frank þurfti að fara í vinnuna í gær þannig að við urðum að vera komin heim fyrir kvöldið.

Ég var skelfilega þreytt þegar heim var komið og lá rotuð í tólf tíma. Er svo með eitthvað rosalegt kvef akkúrat núna þannig að ég er bara fegin að vera ekkert að vinna. Frank fer svo aftur í sumarfrí á föstudaginn. Planið var að fara til Íslands en við eigum bara ekki pening fyrir því akkúrat núna því flugfarið er alveg í hámarki. Ef það kemur tilboð bráðlega skellum við okkur.

Hef annars fullt af sögum frá Hróaskeldu sem ég læt bíða aðeins og já fullt af myndum. Veit ekki alveg hvað ég geri við þær. Set þær kannski bara á Facebook.

Sumaralbúm

2008-06-21T23:56:00.009+02:00

Smá makeup tilraun...Frank spurði hvort ég væri að reyna að líta út eins og gleðikona þegar hann kom heim og fann mig svona hahaha.

Kvölmaturinn eldaður í skóginum á mjög heitum og góðum degi

Skógurinn góði-Riis skov

Sjálfari af gellunni á leiðinni í bæinn með karlmanninum á heimilinu. Ferðinni var heitið á besta kokteilbar bæjarins þar sem Mango daquiry var sötraður.

Frank að ganga frá þvotti...Africa style!!

Frank að spegla sig í ástinni sinni

Aarhus á fallegum degi, huggulegheit við ána

Moi fyrir framan Aros listasafnið-Sumarfílingur

Roskilde listinn!!

2008-06-20T17:09:00.002+02:00

Hér kemur listinn með þeim hljómsveitum sem okkur LANGAR að sjá en svo er spurning hvað maður svo nær að sjá. Þessi listi er ekki tæmandi og ekki í neinni sérstakri röð.

Radiohead
Chemical brothers
Bloodgroup
Goldfrapp
Duffy
Dub tractor and opiate
Band of horses
Hot chip
Efterklang
The Freudian slip
josé Gonsález
Grinderman
Jomi Massage
Judas Priest
MGMT
Mugison
Slayer
The Streets
Teitur
Veto
Neil Young
CocoRosie
Beyrdyman
Familjen
Jay Z
Mogwai
Gnarls Barkley

Sé reyndar á planinu að það verður erfitt að ná ÖLLU enda er sumt bara kannski. Svo væri gaman að sjá eitthvað alveg nýtt.

ROCK ON!

Djass og klínísk dagbók

2008-06-18T19:58:00.003+02:00

Þá er skólinn hafinn á ný og mér fannst á fólki eins og það væri ekki að meika að byrja aftur eftir svona langan tíma í fríi (eina og hálfa viku). Allavega voru nokkrir sem skráðu sig á mætingalistann og létu sig svo hverfa. Ég var nett þreytt enda eitthvað hálf kvefuð og slöpp eftir kaffihúsaferðina mína í gær. Sat með tveimur ofurskvísum á úti kaffihúsi við sýkið og veðrið var eitthvað óákveðið þannig að við vorum sveittar við að klæða okkur í og úr. Ég fékk því að vera bara sjúklingur í dag en aðra daga hef ég nánast alltaf verið bæði sjúklingur og þerapisti (ekki á sama tíma samt hehe!). Við erum í psykodynamiskri meðferð núna sem er að mínu mati mjög mikið bull og frekar erfitt að nota í meðferð. Við remdumst því í allan dag við að fá fram einhverjar varnarhætti og leyndan kvíða hehe og ég var eini sjúklingurinn sem sýndi smá leyndan kvíða hehe.

Sit núna og hef það huggulegt, Frank farinn að spila pool og ég ein heima í höllinni hlustandi á jass og skrifandi í klínisku dagbókina mína. Við eigum að skrifa hvað við höfum lært eftir hvern dag í okkar eigin dagbók sem er bara fyrir okkur. Finnst mjög gott að hreinsa hugsann þannig. Ætlaði að tala við Sóleyju skvís á skype en við fórum eitthvað framhja hvor annari þannig að við verðum bara að reyna aftur annan dag.

Var í Roskilde bolnum mínum í dag í skólanum og fannst ég töffari!! Hlakkar til að tjútta með Hrönn og fleiri góðum ;) Set kannski inn smá lista með þeim hljómsveitum sem mig langar að sjá og heyra á Hróanum góða.

Takk fyrir að lesa bloggið mitt!! Endilega að kvitta fyrir ykkur...það er svo gaman!

Smá frí

2008-06-10T13:10:00.002+02:00

Þá er ég komin í nett frí frá skólanum. Var að klára smá törn á laugardaginn. Er í áfanga þar sem við erum að æfa okkur í ýmsum aðferðum í samtalsmeðferð (veit ekki alveg hvað þetta kallast í ísl). Til dæmis erum við að "spegla" og búa til "samninga" fyrir þá sem það þekkja. Þetta er alveg ógeðslega skemmtilegt en mjög erfitt. Við erum átta í mínum hópi og svo skiftum við okkur niður í tvo fjögurra manna hópa og svo æfum við okkur á hvort öðru. Við skiptumst á að vera þerapisti og klient og svo eru tveir "process konsulenter" sem eiga að fylgjast með ferlinu og kontaktinum á milli þerapistans og klientsins. Við fáum mismunandi verkefni fyrir hvern dag, eigum að æfa mismunandi tækni og eigum að díla við mismunandi viðfangsefni. Til dæmis áttum við að teikna mynd sem tengdist einhverju úr æsku okkar sem tengist svo einhverju í lífi okkar núna, ég teiknaði kvöldmatartíma með hele familien. Svo á laugardaginn áttum við að vinna með drauma sem var mjög sérstakt. Fólk fer í nettan "trans" á meðan það talar um drauminn sinn og allt verður eitthvað voðalega furðulegt hehe hljómar frekar fáránlegt en skemmtilegt. Það er samt ótrúlegt hvað maður lifir sig inn í hlutina. Ég er búin að kynnast öllum í hópnum mínum rosalega vel enda ekki annað hægt í svona aðstæðum. Lenti reyndar í því einn daginn að vera í fjögurra manna hópi með þrem norðmönnum! Þá átti ég nett erfitt með að skilja og varð líka allt í einu rugluð í dönskunni og bað því um að við myndum breyta hópnum sem við gerðum. Norðmennirnir eru samt mjög skemmtilegir og ég er ánægð með að ná loksins að kynnast þeim en við erum búin að vera saman í tímum í allan vetur en ég hef aldrei talað við þau fyrr en núna. Það er æðislegt að vera með íslendingum í tímum en það er líka pínu slæmt því maður minglar nánast ekkert við danina.

Helgin var rosa fín en ég flýtti mér til Horsens strax eftir skóla og svo var haldið upp á afmælið hans Frank míns :) Hann grillað kjúlla og fleira gómsætt :) Á sunnudaginn átti svo frænka hans afmæli þannig að við skelltum okkur í "garden party" hjá henni þar sem ýmislegt var brallað: spilað víkingaspil, dúkkó, farið í kalda sundlaug ( ekki ég!!) og prófað svaka flott fjórhjól sem hún er nýlega búin að fá (hún er samt bara 7 ára). Hitinn var yfirþyrmandi og allir að deyja en ég enn meira því mér fannst greinilega sniðug hugmynd að fá allt í einu massíft grasofnæmi sem ég hef aldrei á ævi minni haft. Ég eyddi því stórum parti af veislunni á klósettinu hnerrandi og snýtandi mér, jeijj! Málið er að grasið er svo þurrt núna að það getur víst ollið miklu ofnæmi. Það er bannað að kveikja eld utan dyra því bara ein sígaretta getur brennt risastórt svæði.

Erum svo að fara í brúðkaup í Kaupmannahöfn á föstudaginn og svo brúðkaupsafmæli í Horsens á sunnudaginn :) Það verður næs.

Svo byrjar áfanginn minn aftur 18.júní og slúttar 21.júní en þá byrjar sumarfríið fyrir alvöru!

Smá dæmi máli mínu til stuðnings

2008-06-09T17:43:00.004+02:00

http://monokultur.dk/2008/05/02/dansk-folkeparti-rammer-folkedybet/

Ef skrollað er aðeins niður má sjá þau plaköt sem eru dæmi um öfgafenginn anti múslímskan áróður Dansk Folkeparti. Það versta er að þeim tókst að koma í geng lögum sem banna dómurum að bera slæður og önnur trúarleg tákn. Næst á dagskrá er svo að banna slæður í skólum og öllum opinberum stofnunum! Það er augljóst hvert er verið að fara með þessu. Ef einhver nennir og skilur dönsku er líka hægt að lesa þetta blogg sem ég er að vitna í. Ég veit að það eru margir mjög ósammála mér en ég er bara svo þreytt á þessum áróðri sem er oft falin á bakvið allskonar önnur rök sem erfitt er að þræta fyrir eins og að dómari eigi að vera hlutlaus.

Yfirgengileg hræðsla

2008-06-09T00:01:00.003+02:00

Ég ætla að verða pínu pólitísk núna... er að verða rosalega þreytt á því hvað fólk er alltaf hrætt við alla skapaða hluti og þá sérstaklega allt sem er framandi.
Ég bý í landi sem er matað með hræðsluáróðri 24/7 og er komin með algjöra gubbu. Arabarnir eru komnir til að yfirtaka okkur algjörlega. Ég bý í landi þar sem þriðji stærsti flokkurinn í ríkisstjórninni er anti múslímskur og breiðir hatursáróðri um Araba. Þeir munu koma á fót sharia lögum sem leyfa hálshöggvun og fleira í þeim dúr. Við verðum að banna fólki að ganga með slæður því það leyfir kúgun kvenna. Við munum tala arabísku eftir 20 ár. Við þurfum að reka fólk "heim" sem brýtur lögin þó að það sé fætt í þessu landi (Danmörku) eða amk alið upp hér frá barnsbeini þó að það þýði að fólk þurfi að flytja til Bagdad þar sem ríkir stríð sem við áttum þátt í að búa til. Allir glæpir í þessu landi eru framdir af Aröbum eða öðrum innflytjendum. Það er auðveldara að hafa svartan sauð sem hægt er að kenna um allt sem illa fer en að þurfa að takast á við vandamálin í eigin landi. Nú eru menn svo hissa á því að múslimar víðsvegar um heiminn séu reiðir út í Danmörku. Við erum nú að verða vitni að því að saklaust fólk er drepið í þeim tilgangi að sýna Danmörku hversu mikil reiðin er. Ekki gott mál!
Á heimasíðu danska Fréttablaðsins Nyhedsavisen getur maður lesið comment við hinum ýmsu fréttum og vá hvað fólk er rasískt! Það er sama hvað er verið að tala um þá fjalla commentin alltaf um hvað Arabar eru slæmir. Fáránlegt.

varð bara að fá þetta út úr mér! kem bráðum með meiri fréttir af sjálfri mér :)

Little miss sunshine

2008-05-30T14:28:00.003+02:00

Það er sumar og það er sól :)

Hef verið mjög þreytt og með hausverk alla dagana í þessari viku, þarf greinilega að venjast hitanum og sólinni. Er samt ekkert að kvarta þetta er yndislegt!! Í dag er frábær föstudagur sem ég byrjaði á því að fara á morgunverðarhlaðborð niðrí bæ með þremur frábærum dönskum stelpum. Við skemmtum okkur konunglega! Mikið hlegið þó að ýmis há pólitísk málefni væru rædd inni á milli brandaranna. Svo fórum við aðeins í búðir og ég keypti bara gjafir handa öðrum en ekkert handa sjálfri mér.
Er að fara í afmælisboð í kvöld til hennar Kiddu vinkonu minnar úr sálfræðinni og ég býst við að allar íslensku sálfræðiskvísurnar verði á svæðinu líka. Annars kynntist ég þeim mun betur seinustu helgi eftir að hafa djammað með þeim tvö kvöld í röð. Fórum á Mugison tónleika og svo var haldið heljarinnar júróvijón partý kvöldið eftir sem var alveg hrikalega skemmtilegt. Var þó aðeins lengur úti en ég hafði ætlað mér, sem er nú bara dæmigert fyrir mig, þannig að ég var nett þreytt.
Væri alveg til í að vera byrjuð að vinna í staðinn fyrir að þurfa að hanga í skólanum þangað til í lok júlí. Það er samt fínt að geta ráðið sér sjálfur og legið úti í sólbaði með bækurnar ef manni langar. Þetta er hálfgert lúxus líf stundum ;)

Ætla annars að tékk betur á íslensku fréttunum því ég vil heyra meira um þennan blessaða jarðskjálfta frá í gær. Reyndi að sjá vefsjónvarp á Rúv í gær en það lá niðri, kannski vegna álags.

knús

Minningar frá Hróaskeldu

2008-05-21T17:50:00.002+02:00

Tékkið á þessu!! Þetta er vídeó frá hátíðinni í fyrra, reyndar missti ég af þessu en þetta er bara smá dæmi til þess að sýna ykkur hvernig stemningin er þarna. Þið þurfið að klikka á linkinn sem heitir : nøgenløb.

http://www.dr.dk/Musik/RoskildeFestival/Artikler/player.htm#top

Rock on!

Tónlistin í lífi mínu

2008-05-19T11:20:00.002+02:00

Er með nokkur góð albúm á mp3 spilaranum mínum sem eru öll tengd tölum: Third með Portishead, No. 8 með Caroline Henderson (djass) og 23 með Blonde Redhead. Finnst Third alveg geðveikislega gott albúm og mæli eindregið með því að fólk næli sér í það. Ég hef alltaf verið Portishead aðdáandi og bjóst pínu við að þau kæmu með eitthvað gamalt og gott en varð skemmtilega hissa á nýju tónlistinni þeirra. Keypti mér annars tvo íslenska geisladiska í Fríhöfninni: Bloodgroup, A sticky situation. Þau eru að fara að spila á Roskilde hátíðinni í sumar og því fínt að hita sig upp fyrir það ;) Svo keypti ég næstum tíu ára gamlann Emilíana Torrini disk sem heitir Love in the time of science. Hann mjög mikið í anda 1995-2000 áranna en mjög góður. Hún er náttúrulega ein af bestu söngkonum Íslands og synd að hún sendi ekki meira frá sér.

Pirr pirr um helgina en ég þurfi náttúrulega að hanga fyrir framan tölvuna og reyna að kreista úr mér gæða texta fyrir ritgerðina mína. Það var erfitt að einbeita sér því fólk var syngjandi fullt á götum úti alla helgina, já það er komið sumar!! Svo vaknaði ég upp í smá sjokki klukkan 6 á sunnudagsmorgninum við að einhver var að reyna að komast inn í íbúðina okkar!! Ég varð frekar skelkuð en tók því rólega því hurðin okkar er mjög furðuleg og oft fattar fólk ekki að þetta sé íbúð hehe. Held að nágranninn okkar hafi verið með næturgest sem var eitthvað að villast. Samt klikkað óþægilegt. Svo þegar ég loksins dröslaðist á lappir, sem var alltof seint, byrjaði nágranninn að spila Metallica í botni! jeij ! Náði samt að gera eitthvað smá um helgina og Frank var svo sætur að fara yfir þetta fyrir mig, reyndar vistuðust ekki breytingar sem hann gerði í seinasta kafla ritgerðinnarinnar sem var helvíti pirrandi.

Hlakkar til að vera búin með þetta! Á þá reyndar ennþá eftir að klára að skrifa aðra ritgerð og svo byrja ég í nýjum áfnga þann 4.júní. Á því fullt fullt eftir.

Misheppnað myndamosaík

2008-05-17T11:27:00.017+02:00

Looong time

2008-05-16T23:02:00.002+02:00

Það er aldeilis langt síðan ég hef skrifað fréttir héðan!! Ferðin til Íslands gekk alveg rosalega vel og er ég mjög ánægð með að hafa farið. Nú hef ég kvatt elsku ömmu mína almennilega, hef bæði fengið að vera leið yfir því að hún sé farin og fengið að rifja upp skemmtilegar minningar um hana og hlæja mig máttlausa. Hún var alveg einstök! Ég varð reyndar nett veik þegar ég kom heim og hef verið með hor í nös alla vikuna. Er annars bara sveitt í vikuprófi þessa dagana. Er alveg að verða búin en ég á að skila á þriðjudaginn. Ég er þekkt fyrir að vera léleg á endasprettinum þannig að ég þarf að herða mig aðeins á morgun. Fór í smá göngutúr áðan og það eru ALLIR að djamma sniff sniff, fólk úti á svölum eða bara með gluggana opna. Sumir voru reyndar pissandi í plöntur og þess háttar sem ég öfundaði kannski ekkert rosalega en annars er mikil partý stemning hérna í hverfinu og mikill sumarfílingur. Það er búið vera alveg geggjað gott veður sem ég hef náð að njóta með því að hafa gluggana mína opna. Voaðlega á maður alltaf erfitt þegar maður er í prófum! haha.

Annars var alveg æðislegt að hitta allar vinkonurnar á Íslandi :) Gaman að geta talað girl talk ! Soffía er líka besti gestgjafinn í heiminum og hún og Jóhann eru alveg hrikalega góð í að búa til geggjaðan mat. Takk fyrir mig elskurnar :)

Öll vandamál leyst

2008-04-30T16:36:00.002+02:00

Úff vaknaði í nótt með kvíðahnút í maganum yfir þessu veseni á mér. Amma hefur greinilega tosað í einhverja spotta því núna eru öll vandamál leyst á einu bretti :) Anna mín var svo ótrúlega sæt að bjóða mér litlu sætu íbúðina sína um helgina. Takk Anna þú ert best! Svo kíkti ég á flugfelag.is og viti menn allt í einu var ódýrt flug á sunnudeginum sem er fullkomið því þá get ég verið aðeins með my homegirls Ásdísi og Soffíu gells. Nú get ég vonandi andað léttar og jafnvel notið þess pínu að hitta fólkið mitt heima.

Vesen með far

2008-04-30T11:04:00.002+02:00

Er að spá hvort einhver viti um far fyrir mig norður um helgina??? Vantar far norður því ég er í rauninni ekki með neina gistingu fyrir sunnan og vill komast norður sem fyst. Endilega látið mig vita ef þið heyrið eitthvað.

knús

Jarðarför

2008-04-28T21:42:00.002+02:00

Pantaði mér flug til Íslands í dag en því miður er ég ekki að fara í frí. Amma mín hún Auður dó um helgina eftir langa baráttu við krabbamein. Ég ætla að fara heim til að kveðja hana í hinsta sinn. Þetta verður engin skemmtiferð en það verður þó mjög gott að fá að vera með fjölskyldunni á svona stundu og styðja hvort annað. Ég flýg til Íslands á föstudaginn og svo heim aftur sunnudaginn 11.maí. Það væri náttúrulega yndislegt að nota tækifærið og hitta einhverja af vinunum. Soffía og Ásdís hafið samband við mig og látið mig vita hvort það sé séns á hittingi á föstudagskvöldið eða á laugardaginn. Ég á eftir að finna stað til að sofa og far heim þannig að það er ekki komin fast plan.

við sem sjáumst, sjáumst!

knús

Bland í poka

2008-04-15T09:27:00.002+02:00

Takk kærlega fyrir skemmtileg comment sæturnar mínar :)
Ég á að vera að skrifa verkefni en ákvað að það væri örugglega skemmtilegra að skrifa bara smá blogg í staðinn hehe, er nefnilega ekki alveg jafn sleip í að skrifa á dönsku eins og ég þóttist vera þannig að þetta gengur pínu hægt plús að ég er frekar óþolinmóð kona (stundum). Hér er kalt en fallegt, sólin skín og fuglarnir syngja og fólk talar um að nú sér vorið loksins komið. Mér finnst árstíðirnar reyndar alltaf skrítnar hérna þegar maður kemur frá "Det kolde nord" því núna er í raun sumar á íslenskum mælikvarða og vorið var í byrjun febrúar ca. Þetta er amk allt afstætt.

Ég er allt í einu kominn með gríðarlega heimþrá og langar heim að knúsa börnin mín (já ég "Á" þessi börn ;) ). Dreymdi í nótt alveg ótrúlega yndislegan lítin strák sem ég átti að passa og það gekk svona rosalega vel :) Enyways þá var að ég átta mig á því að ég hef ekki verið á Íslandi að sumri til síðan 2004!! Það eru fjögur ár síðan, ég er yfirleitt á landinu um jólin þegar myrkrið og kuldinn ráða ríkjum. Svo eru vinir og fjölskyldumeðlimirnir eitthvað farnir að pressa á mig að koma. Sumir að meira að segja farnir að hafa áhyggjur af því HVORT ég muni nokkru sinni flytja aftur til Íslands. Ég ætla ekki að lofa neinu en innst inni í hjartanu þá vil ég heim en er ekki tilbúin til þess alveg strax. Langar að vera hérna í nokkur ár í viðbót og sigra Danmörku hehe. Nei segi svona.

Helgin var annars hrikalega leiðinleg!! Frank veikur og "Skúli Fúli" í heimsókn hehe þið vitið hvernig það er þegar karlmenn eru veikir. Allavega var hann hundveikur með hita og flensu. Ég hékk hérna í pínu litlu íbúðinni í gríðarlegum hita en Frank skrúaði upp hitann því hann var alltaf annaðhvort blautur af svita eða skjálfandi úr kulda. Núna situr spurningin eftir "Af hverju fór ég ekki eitthvað út?! Jæja svona er þetta og það kemur önnur helgi eftir þessa.

Er pirruð út í kóngafjölskylduna hérna sem var að fá launahækkun á meðan leikskólakennarar og annað ummönnunarstarfsfólk fer í verkfall á morgun til að fá aðeins meira í skítalaun. Til dæmis fær drottningin um hálfa milljón danskar krónur fyrir hvern dag sem húnn vinnur!! Jóakim prins er að fara að giftast franskri konu og hann ætlar víst að gefa henni launahækkunina sína sem nemur 70 þús dönskum krónum á mánuði sem er um milljón íslenskar krónur. Hún fær svo danskan ríkisborgararétt um leið og þau eru gift og fer því fremst í röðina hjá útlendingaeftirlitinu þar sem ég veit ekki hvað margir hafa setið og beðið í mörg ár eftir að fá ríkisborgararétt.
Þoli ekki svona óréttlæti!!

Nýjasta tækni og Vísindi

2008-04-08T17:41:00.002+02:00

Helgin fór í að líta inn í framtíð tækni og vísinda og inn í fortíð tískunnar.
Ég og Frank fórum á sýningu þar sem hægt var að skoða og stundum prófa framsæknar tækninýjungar allstaðar úr heiminum. Japanirnir voru að sjálfsögðu með sína ótrúlegu súper tæknilegu en samt sem áður pínu barnlegu og krúttlegu hluti eins og til dæmis vélmenni sem hægt er að "interacta" við og augnskugga ljós. Það var reyndar pínu fyndið þegar strákurinn sem var að kynna vélmennið byrjaði að tala því hann var alveg ótrúlega lélegur í ensku og talaði eins og hann væri vélmenni, mér brá pínu og Frank þóttist skilja hann en aumingja strákurinn skildi ekkert af því sem Frank var að spyrja hann um. Það kom mér nett á óvart hvað sálfræði kom mikið við sögu í flestu. Það var mjög mikið um að fólk notaði annaðhvort meðvitað eða ómeðvitað lögmál hegðunar eins og klassíska skilyrðingu. Til dæmis var teppi fyrir lítil börn í leikskólum, ef þau skríða eða ganga á því kvikna lítil ljós í teppinu og ef þau hafa of hátt slokkna ljósin. Það er dæmi um neikvæða refsingu. Svo var vél fyrir hundaeigendur sem vilja getað farið á ferðalög og skilið hundinn eftir heima án þess að hann drepist úr hungri. Það var lítil myndavél á matarskammtara sem er svo fjarstýrður í gegnum internetið. Þú getur séð hvort hundurinn borði og þegar maturinn er búinn seturu af stað matargjöf sem byrjar með lagi svo hundurinn viti að hann sé að fá mat. Það sem mér finnst flottast er selurinn, hann er frekar frægur, en það er lítið dýr sem hefur mannlega eiginleika. Þegar maður kveikir á honum þá "lærir" hann þá hegðun sem hann verður vitni að fyrstu 30 mínúturnar (minnir mig). Þannig að ef maður er mjög kelinn og góður þá hagar selurinn sér þannig en ef þú til dæmis er mjög aggressívur þá er selurinn það líka og getur til dæmis bitið. Þetta dýr er víst notað á elliheimilum í Japan og hefur reynst ótrúlega vel þó það hljómi rosalega óhuggulega. Gamalt fólk og sértaklega þeir sem eru komnir með elliglöp þykir ótrúlega gott að snerta hluti og eru líka mjög einmana þannig að það er tilvalið að þau hafi lítið dýr sem þau geta ekki skaðað á neinn hátt en fá alveg jafn mikla gleði af eins og það væri alvöru dýr.

Sunnudagurinn fór svo í fatabasar þar sem bæði var hægt að fá nýtt og notað. Ég varð nánast hálf geðveik því það var vægast sagt slegist um fötin þarna úff. Mér tókst þó að kaupa mér rosa sætan gallakjól sem mig hlakkar til að nota í sumar :) Ég keypti svo hálsfesti sem var líklegast keypt fyrir skít og kanel í Indlandi. Ég var þarna með tengdó og systrum hans frank, þær eru allar mjög mikið fyrir föt og gellulega hluti. Svo komu fréttaemenn og tóku viðtal við tengdó og tóku milljón myndir af henni og af því sem hún hafði keypt. Dagurinn var svo endaður á Pizza Hut sem var mjög svekkjandi því ég fæ mér alltaf Zorba pizzu heima á Pizza Hut en hér er það sko ekki á matseðlinum :(

Er annars að skrifa verkefni(próf)sem ég er næstum búin með, það er kannski ekki frásögu færandi nema að ég er að skrifa það á DÖNSKU úff það er nett erfitt en ég læt Frank lesa yfir þetta fyrir mig bráðlega.

Á morgun eru svo Blonde Redhead tónleikar!!Við(stelpur úr skólanum+Frank)ætlum að hittast á japönskum veitingastað sem heitir Soya og borða saman fyrir tónleikana. jeijj. Svo erum við kannski að fara í leikhús næstu helgi þannig að það er svosem alveg nóg af skemmtilegu dóti í gangi.

2008-04-02T12:10:00.002+02:00

Janteloven

1. Þú skalt ekki halda að þú sért eitthvað.
2. Þú skalt ekki halda að þú sért jöfn okkur hinum.
3.Þú skalt ekki halda að þú sért klárari en við hin.
4. Þú skalt ekki halda að þú sért betri en við hin.
5. Þú skalt ekki halda að þú sért meira en við hin.
6. Þú skalt ekki halda að þú getir nokkuð.
7. Þú skalt ekki hlægja að okkur.
8. Þú skalt ekki halda að nokkrum sé sama um þig.
9. Þú skalt ekki halda að þú getir kennt okkur nokkurn hlut.

Mín eigin þýðing.

Þetta eru annars "lög"um hvernig maður á að haga sér hérna í Danmörku sem eru mjög umdeild. Það er þó oft minnst á þau og gott að vita út á hvað þetta gengur. Þetta er svona "við erum öll jöfn og ekki reyna að vera betri en neinn". Gæti verið ástæðan fyrir því að við Íslendingar virðumst svo góð með okkur hehe þar sem við hugsum alltaf "ég er MIKLU betri en þú"!! haha gaman að þessu.

Big white easter bunny?

2008-03-26T16:47:00.003+01:00

So we went to Horsens for easter to visit my parents (they are not in the picture). But it turns out that some butcher in a small town outside Horsens keeps a bunch of kangaroos in his backyard. Yes, kangaroos in DK..... But what is even more freaky is the white and creepy-looking creature in the photo. It haunts my dreams at night.....(more than the animal that lives in our walls aka 'Wally').

Bæjó!

Páskafríið

2008-03-20T10:18:00.003+01:00

Afslöppun í páskafríinu þýðir að við gerum það sem okkur finnst skemmtilegast: Horfa á góðar bíómyndir, fara á söfn og kaffihús. Allt af ofangreindu var gert í gær! Fórum í Kunstbygningen og sáum rosalega flotta sýningu með "óþekktum" ungum listamönnum og aðra sýningu sem var mjög fyndin, athyglisverð og umfram allt pólitísk. Eftir það var farið á hinn ómenningarlega stað McDonalds og borðað rusl og svo farið á flottasta kaffihús Aarhus Kaffi Sigfried. Það er voða líkt Máli og Menningu því þetta er bókabúð með svaka kósý kaffihúsi þar sem maður getur setið og lesið bækur. Um kvöldið horfðum við á skemmtilega mynd sem ég man ekki hvað heitir og gerðumst svo kræf að þjófstarta páskaegginu ! namm namm.
Í dag verður svo farið til Horsens að heimsækja fjölskylduna hans Frank. Á föstudaginn langa munum við líklegast borða páskahádegismat að hætti dana. Á seinasta ári voru það bara mamma og pabbi Franks sem héldu uppi þeirri hefð að drekka snaps eða skot með matnum (það er hefð og ætlast til að allir taki þátt) því við hin vorum ekki í stuði fyrir skot um miðjan dag, sem endaði svo með að þau voru hálffull hehe mjög fyndið og mamma hans Frank sagði nokkrar fleygar setningar sem ég rifja upp við hvert tækifæri hehe.

Kakó án rjóma fyrir mig eins og venjulega

og espresso handa herranum ;)

Gleðilega páska!!

Happy day

2008-03-17T18:22:00.002+01:00

Ég veit ekki með ykkur en mér finnst seinasta tvíbbamyndin pínu Shining-leg hehe. "do you want to play with us forever and ever!" Samt krúttleg hehe.

Dagurinn í dag var betri en búist var við. Ég dröslaðist aðeins of seint á lappir og dreif mig í ræktina sem var yndislegt, núna er takmarkið mitt að hlaupa um 18 km á viku amk, plús smá lyftingar. Langar að fá unglega líkamann aftur! Þegar ég var búin að svitna eins og grís á hlaupabrettinu sá ég að ég var búin að fá sms frá Frank um að ég yrði að hringja í hann því hann væri með góðar fréttir. Daginn áður var hann búinn að segja mér að ég fengi eina krónu tilbaka frá skattinum en hafði svo kíkt betur á seðilinn (ég skil ekkert í svona seðlum sko) og sá að ég fæ um 7000 danskar krónur á morgun!! :) jeijjj! :) Núna er íslenska krónan í sögulegu lágmarki og ef ég myndi millifæra þessa peninga þá myndi ég fá tæpar 112 þúsund krónur! Ekki leiðinlegt. Svo þegar ég kom heim lá pakki til mín á borðinu :) Mamma og pabbi sendu mér og Frank páskaegg full af nammi mmmmm. Hlakkar til að kjamsa á þeim um páskana.....Er by the way komin í páskafrí !!

Okkar plan um páskana er að vera í Horsens frá fimmtudegi til laugardags og fara svo í party party til Kamillu vinkonu en hún varð 32 ára í dag. Langtímaplan hjá okkur eru fyrst Blonde Redhead tónleikar í apríl og svo Roskilde festival í sumar þar sem Radiohead munu spila. Vonandi koma samt einhverjir fleiri tónleikar inn í planið hjá okkur. Hrönn og Jón eru búin að kaupa miða á Roskilde þannig að það verður pottþétt gaman :)

Er í góðu skapi í dag og langaði að blogga...þið haldið örugglega að það sé alltaf rosa stuð hjá mér en það er bara af því að ég blogga bara þegar ég er í góðu skapi, aðra daga er ég Miss tuð hehe.

Enn ein tvíbbamyndin

2008-03-16T19:06:00.002+01:00

Ákvað að prófa að skanna sjálf inn litla sæta mynd af okkur systrunum þar sem við erum aðeins fínni en á hinni myndinni sem ég setti inn um daginn. Þarna er líka mjög greinilegt hvað við vorum voðalega feimnar litlar stúlkur.

The mistery of the flying cake

2008-03-13T14:59:00.003+01:00

Hitti vinkonu mína hana Katerina í dag yfir kaffibolla/tebolla sem var geggjað kósý. Við náum alltaf að tala um ótrúlegustu hluti og hlægja út í eitt. Í dag í miðjum samræðum kom fljúgandi kaka og lenti við hliðina á borðinu okkar ! Við kíktum upp og sáum þar svífandi, hissa haus sem horfði á okkur og kökuna. Það eru nefnilega svalir í mötuneytinu með borðum og þessi stelpa hafði greinilega óvart misst kökuna sína fram af svölunum og var svo heppin að hún lenti ekki á neinum. Það fyndna var reyndar að kakan var á servíettu og lenti á gólfinu eins og einhver hafi bara lagt hana þar til geymslu hehe. Við bjuggumst bara við að eigandi kökunnar kæmi að sækja hana en svo var ekki því það voru ansi mörg vitni af þessum vandræðalega atburði þannig að hún hefur greinlilega ekki þorað að koma og sækja blessuðu kökuna enda kannski ekki svo gyrnileg lengur. Svo kemur allt í einu einhver svaka töffari og spyr með ströngum tóni hvort þetta sé kakan okkar sem liggji þarna á góflinu, nei segjum við þá að sjáflsögðu og svo segir hann að hann vilji henda henni. Hann var greinilega pirraður á subbuskapnum í okkur þó að kakan lægi snyrtilega á servíettu á gólfinu hehe.

Rigning og rok og meiri rigning og rok er þemað í Aarhus í dag! Boring!

Hið ljúfa líf

2008-03-06T09:47:00.005+01:00

Það er ekki hægt að neita því að það er þónokkuð ljúft að vera námsmaður, maður ræður sér sjálfur og getur unnið heima við sem er huggulegt á rigningardegi. Ég hef átt mjög góða viku fulla af skemmtilegu fólki. Seinustu helgi fórum við til Horsens til að sjá hljómsveit spila sem vinur hans Frank er í. Það var mjög fínt að hitta "Horsens" fólkið þó að sumir séu með vissa smábæjar töffarastæla sem ég kannaðist við frá Akureyrinni minni, það er eitthvað smábæjar element sem spilar inn í þarna. Við fengum svo að leika við litlu börnin í fjölskyldunni hans Frank sem eru bara tvö en þau eru alveg yndisleg. Litli frændinn hann Nikolai er eins árs og alltaf glaður og hress og gaman að leika við, algjör dúlla semsagt.

Talandi um börn þá reiknaði ég út í gær að það eru sjö manns úr mínum nánasta vinahópi að fara að eiga barn á þessu ári!!! vá!! Þeir sem eru nýlega bæstir í hópinn eru töffararnir mínir þeir Njáll og Gunni :) ...eru samt ekki að fara að eiga það saman ! haha.

Ef ég held áfram að dásama líf mitt hehe þá fórum við svo beint frá krúttunum í Horsens til Aarhus í matarboð. Grísk vinkona mín og maðurinn hennar bauð okkur ásamt tveimur öðrum pörum í mat. Að sjálfsögðu fengum við ljúffengan grískan mat mmm. Kvöldið var ótrúlega skemmtilegt og ég talaði dönsku, ensku og íslensku til skiftist! haha er að verða sleip í að hoppa á milli.

Er svo nett "þunn" í dag því ég og tvær danskar stelpur úr bekknum mínum (KKK grúppan) ákváðum að hafa ekta vídeo kvöld í gær með tilheyrandi "hollustu", hef ekki borðað svona mikið nammi, ís, snakk og gos síðan um jólin! Við leigðum tvær magnaðar en mjög, mjög ólíkar myndir. Fyrst horfðum við á mynd sem fjallar um ríkar miðaldra vestrænar konur sem fara til Haiti til að stunda kynlíf með mjög ungum mönnum, allt niður í 14 ára. Þetta var athyglisverð mynd sem var full af "eye openers". Síðan horfðum við á, bestu mynd ever sem ég hef séð amk 10 sinnum, Shining! Ég verð alltaf jafn hrædd þegar ég horfi á þessa mynd þó ég viti nákvæmlega hvað gerist næst sem segir manni hvað þessi mynd er mikil snilld. Myndin fjallar mjög mikið um samband sonar við föður en Stephen King hefur sjálfur sagt að hann hafi átt erfitt með að hemja sig við sín börn og stundum hafi hann jafnvel slegið þau. Annars er það ekki bara sagan sem er góð heldur er Kubrick bara snilldar leikstjóri. Shining hótelið til dæmis sviðsmynd frá a til ö sem er ótrúlegt. Hann gerði svo mikið úr myndatökunni að hann tók stóran hluta af myndinni sjálfur.

Ein stutt saga hér í endinn hehe. Birta María mín varð fimm ára um helgina og ég sendi henni pakka. Ég sendi gjöfina í Núpasíðuna því í pakkanum var líka gjöf til pabba þar sem ég skuldaði honum afmælisgjöf. Á laugardagskvöldið fékk ég svo sms frá gamla þar sem stóð : Gúmmíhanskarnir voru ekki til!! Ég hló en fattaði ekkert?? Svo þegar ég vaknaði daginn eftir rann upp fyrir mér að þegar ég fór að senda pakkan fór ég í búðina að versla hitt og þetta og þar á meðal gúmmíhanska og hafði skrifað innkaupsseðil sem ég hafði svo óvart sent með pakkanum!! haha.

Stal þessari mynd af Barnalandinu hennar Katrínar systur en hún skannaði nokkrar myndir af okkur systrunum frá því við vorum fimm ára, 1984 hehe. Erum við ekki sætar ? ;)

Taxi to the dark side

2008-02-29T09:28:00.006+01:00

Er í nettu þunglyndi, sá heimildamynd í gær sem fjallar um hvernig bandaríski herinn fer með fanga sína. Fórnarlömbin eru ekki einungis þeir fangar sem eru haldnir föngum án dóms og laga og pyntaðir til að játa hryðjverk sem þeir hafa ekki framið, heldur eru það hermennirnir í þessum fangelsum líka. Allt þetta fólk er kúgað af ríkisstjórn Bandaríkjanna sem hafa sagt opinskátt síðan 11.september að nú séu hanskarnir farnir af og að það megi nota öll ráð til að verna landið fyrir fleiri svona árásum. Tekin voru viðtöl við nokkra hermenn sem dæmdir hafa verið fyrir illa meðferð á föngum sem m.a hafa leitt til dauða, þetta var mjög venjulegt fólk sem ekki var þjálfað í að yfirheyra fólk. Það var þó mikil pressa á þeim að gera ALLT til að fá upplýsingar úr föngunum og ýmsar aðferðir til að halda stjórn á æstum föngum gefnar í skyn. Það var til dæmis einn þeirra sem yfirheyrði mann sem hafði verð handtekinn í Afganistan fyrir að hafa sent sprengjur á ameríska hermenn, hann sagði að hann sá frá byrjun að hann var saklaus en var samt neyddur til að halda áfram að yfirheyra hann. Hermaðurinn var skammaður fyrir að vera of linur þegar hann reyndi að fá mannin lauslátinn. Þessi sami fangi var svo pyntaður til dauða. Fangaverðirnir "máttu" sparka í lappirnar á honum ef hann var órólegur og eftir að hafa verið sviptur rétti sínum til svefns og látinn standa, hlekktur, með hendur upp í loft í langan tíma var hann mjög æstur og ruglaður. Þeir spörkuðu því í hann mjög oft, börðu hann með kylfum, hoppuðu ofan á bakinu á honum og fleira. Athugið að það eru fangaverðirnir sem gerðu þetta sem segja söguna, þannig að þetta er engin lýgi. Þessi fangi lést af völdum illrar meðferðar, fótleggir hans voru það illa farnir af barsmíðunum að það hefði þurft að fjarlæga þá. Myndir voru sýndar af líkinu og það var ekki falleg sjón, hann var fjólublár á öllum líkamanum. Fjölskyldunni hans var síðan send skýrsla á ensku þar sem hafði verið sett x við homicide. Þegar þetta komst í fjölmiðlana þufti einhver að borga brúsann og það voru hermennirnir sem framkvæmdu voðaverkin en ekki þeir sem hönnuðu þau og létu stjórnuðu þeim. Við má búast að svona hræðilegir atburðir gerist á degi hverjum. Það má líkja þessu við útrýmingabúðir Nasista þar sem litið er á alla múslima sem dýr eða óæðri verur. Þessi heimildarmynd heitir "Taxi to the dark side" og fékk óskarsverðlaun. Mæli með að þið sjáið hana sjálf ef þið trúið ekki hversu slæmt ástandið er.

Hér í Danmörku eru hlutirnir á mjög hraðri leið niður á við. Þið hafið kannski heyrt um að Jyllands posten teiknaði mynd af Múhameð með sprengju í túrbaninum. Múslimar brugðust illa við bæði hér og í öllum heiminum. Danir þóttust skilja þessar tilfinningar en neituðu þó að biðjast afsöknar því hér ríkir hið mikla málfrelsi. Þegar þessi sár voru svo farin að gróa aðeins ákveða þeir af völdum óeirða á meðal annarar kynslóðar innflytjenda að birta myndina frægu aftur og nú í mjög mörgum mismunandi dagblöðum!!! Mér finnst þetta hið mesta virðingarleysi og prumpa á þessa svokallaða "frelsi". Ef maður getur ekki farið rétt með frelsið á maður ekki skilið að hafa það. Mér finnst rangt að Danmörk sýni annari menningu og trúarbrögðum svo mikla vanvirðingu. Núna er allt vitlaust aftur og Súdan hefur til dæmis hvatt alla múslima til að boycotta danskar vörur og hefur skorað á Osama bin laden að sprengja Kaupmannahöfn. Danmörk hefur brugðist við með því að hóta Súdan með því að þeir vilji fá peningana sína aftur sem þeir lánuðu þeim. Mér finnst það algjörlega röng viðbrögð. Skammast mín mjög fyrir þessa helv ríkistjórn sem er við völd hér. Forsætisráðherran okkar er til dæmis mjög náin vinur Georgs Bush og er nú á næstunni á leið til Bandaríkjanna að heimsækja Bush á ranchinn hans en það eru bara þeir sem honum líkar allra best við sem fá þann heiðurinn. Þetta segir manni ýmisslegt um hann Anders Fogh okkar!

Mér finnst hugtakið "fresli" notað til að afsaka mjög margt ljótt alveg eins og "islam" er oft notað til að réttlæta hryðjuverk. Hver er vondi kallinn eiginlega?? Ættum við ekki að kíkja í spegilinn og sjá að við (Vesturlöndin) erum sko ekki neitt skárri en hryðjuverkamennirnir.

Jæja þetta voru mínar skoðanir, veit að það eru ekki allir sammála, endilega segið mér hvað ykkur finnst.

Menningarlega Strúnan

2008-02-24T12:47:00.009+01:00

Þá er maður orðinn hámenningarlegur, ekkert fyllerí og rugl lengur heldur fínar og flottar danssýningar með restinni af fína fólkinu í Aarhus hehe. Fór í fyrsta skiptið í gær á alvöru danssýningu í Musik huset sem er mjög flott og fínt menningarhús. Sýning heitir Passion eftir Tim Rushton og Michael Kvium. Nicole vinkona mín frá Þýskalandi stakk upp á þessu við mig og mér fannst þetta frábær hugmynd. Þessi sýning er líka mjög frábrugðin öðrum danssýningum á þann hátt að það er danshöfundur OG myndlistarmaður sem standa að henni. Það þekkja allir, hér í Danmörku amk, myndlistarmanninn Michael Kvium en hann málar mjög óþægilegar fígúrur sem eru oft heimskar, vanskapaðar og ljótar. Hann fjallar mikið um mannslíkamann og ýmsar tilfinningar tengdar honum. Tim Rushton, sem ég þekki ekki, vinnur með svipuð þemu og Kvium þannig að það var tilvalið fyrir þá að vinna saman. Hér er linkur á heimasíðu þar sem hægt er að sjá mynbrot frá sýningunni.

Hér eru nokkur dæmi um málverk sem fá að lifna við í þessari sýningu, magnað alveg hreint. hér er linkur inn á síðu þar sem hægt er að sjá smá myndband af sýningunni http://www.danskdanseteater.dk/forestilling.asp?menu=3&id=242

þetta og hitt og þitt og hetta

2008-02-16T17:08:00.004+01:00

Skólinn er kominn á fullt og ég byrjuð í fyrsta (af mörgum) hópaverkefninu. Við erum þrjár íslenskar stelpur og einn Dani hehe ...aumingja hann. Þetta gengur samt alveg prýðilega og við náum alveg að vinna saman. Námið er mjög áhugavert og skemmtilegt, yfirleitt er ég ekkert svekkt yfir því að þurfa að lesa fyrir tímana því þetta er allt svo praktískt og spennandi. Ba námið var svo erfitt miðað við þetta, núna er maður að byggja ofan á þann trausta grunn og maður fær miklu meira frelsi. Það er virkilega gaman að sitja í mötuneytinu umkringd frábærum og klárum íslenskum stelpum og tala af áhuga um sálfræði. Þegar ég var í ba náminu nennti sko enginn að spjalla um sálfræði en núna eru allir æstir í það, jeij.

Gleði, gleði! Topshop er loksins komin til Aarhus :) Er búin að sakna Topshop alveg síðan hún flutti úr miðbænum í Reykjavík þegar ég bjó þar. Svolítið fyndið að þurfa að fara í Magasín og ganga í gegnum allar fínu og ógeðslega dýru fatadeildirnar til að komast í Topshop himnaríkið. Þetta er þó bara lítil deild og ekki mikið úrval, vonandi verður þetta þó stærra með tímanum.

Við keyptum okkur flösku af ... nei ekki rauðvíni né hvítvíni heldur Cider! Þetta er voða fínn og "dýr" enskur Cider og okkur hlakkar til að smakka hann. Tók eftir því að þessar tegundir af Cider eru ekkert smá sterkar, áfengismagnið er frá 6 upp í 9 eða 10. Eitthvað fyrir Soffíu og Ásdísi ;)

Þetta var semsagt pistill dagsins um akkúrat ekkert í boði KRIS HF

P.S- Er að fara í brúðkaup í sumar!! :) Stuð :) Gunni og Nína eru að fara að gifta sig! Hlakkar til!

Voila

2008-02-10T21:36:00.000+01:00

Mun reyndar aldrei getað notað þennan kjól því hann passar ekker sérstaklega vel á mig og er mjög fleginn...en ég saumaði hann sjálf! vei. Nú þarf ég bara að rifja upp hvernig maður setur rennilás í og gerir vasa og þannig. Það eru geðsjúklega flott snið í Burda blaðinu mínu en ég held að það sé nokkuð langt í að ég muni geta saumað svo flott. Þetta er samt rosa skemmtilegt hobbí.

Já fyrir ykkur sem hafið ekki séð mig í smá tíma ...ég er komin með topp aftur og er að fíla það mjög vel, er orðin "ég" aftur hehe.

Lítill sætur kjóll

2008-02-10T10:45:00.001+01:00

I did it!! Mér tókst að sauma mér lítinn kjól!! Reyndar svindlaði ég nett og sleppti að setja tölur á hliðina á honum þannig að ég þarf aðeins að troðast þegar ég fer í hann hehe. Hann er bara nett sætur, vantar reyndar á hann hlýra sem ég ætla að setja á í dag og svo get ég sett mynd af honum hérna inn við tækifæri. Þetta er reyndar algjör sumarkjóll og sniðið úr Burda segir að þetta sé náttkjóll en mér er sama hvað Burda segir.

Sólin skín eins og ég veit ekki hvað þannig að ég ætla að skella mér eitthvað út :)

Kósíheit

2008-02-09T14:23:00.000+01:00

Dagurinn í dag er búinn að vera fallegur, sólin skín og það er milt veður. Fuglarnir eru farnir að láta aðeins heyra í sér og það er svo yndælt. Við fórum í smá göngutúr í skóginum og þar var allt krökkt af skokkurum og fólki að viðra hundana sína, sá nokkra sæta hunda sem mig langaði að ræna hehe. Gærkvöldið var alveg hrikalega kósý en við ákváðum að fara út að borða bara við tvö turtildúfurnar. Við höfum látið okkur dreyma um að borða á afrískum veitingastað niðrí í bæ sem er mjög spennandi þrátt fyrir að hann sé kannski ekkert voðalega fancy, maður má til dæmis taka vín með því þeir eru ekki með vínveitingarleyfi. Allavega þá gekk það ekki upp því staðurinn var bókaður fyrir samkomu og við nenntum ekki að bíða til klukkan átta. Við elskum allt mexikóskt og fórum því á "Tortilla flats". Ég gekk alla leið og fékk mér mexókóskan öl með matnum mmmm. Þetta var allt saman mjög næs og rómantískt og við röltum aðeins um miðbæinn en nenntum ekki að kíkja á neina bari þannig að við (gamla fólkið) fórum bara heim og áttum mjög huggulegt kvöld fyrir framan imbann :)

Seinustu helgi vorum við í Horsens í heimsókn hjá tengdó sem var líka mjög kósý og við fórum meðal annars í keilu og borðuðum geggjað mikið af "fastelavns" bollum sem eru svipaðar bolludagsbollunum okkar.

Ég er aðeins byrjuð að iðka nýja hobbíið mitt sem eru saumar. Er samt drulluléleg og rosa stressuð hehe. Tók upp snið úr Burda og ætlaði að sauma bol sem ég hélt að væri frekar létt en er núna alveg stopp því ég skil ekkert í leiðbeiningunum í Burda hehe. Blaðið er semsagt á "saumaensku" sem ég er ekki að fatta! Er að hugsa um að kasta mér kannski bara í djúpu laugina og prófa að nota "gráa efnið" og hætta að kíkja í þessar leiðbeiningar. Er einhver sem talar "saumaensku"? Vonandi tekst mér þó að komast yfir þennan saumakvíða minn því mig langar svo að gera saumað, held að það sé geggjað að geta saumað sér eitthvað sem enginn á og líka að geta breytt fötum þannig að þau passi betur á mann.

yfir og út

Skólalíf

2008-02-07T09:36:00.000+01:00

Er byrjuð í skólanum!! Er samt ekki komin inn í námið??? Já er byrjuð í skólanum en er ekki búin að fá einkunnina sem ég þarf að hafa til að geta komist inn í námið. Er líka búin að kaupa mér bækur og aðeins byrjuð að læra. Mér líst annars frekar vel á þetta allt saman fyrir utan að áherslurnar í skólanum eru mjög subjectívar og byggaðr á sálgreiningu sem ég er frekar mikið á móti. Þetta hefur til dæmis áhrif á hvernig maður er metinn og hvaða einkunnir maður fær því prófin hérna eru alltaf ritgerðir. Til dæmis hefði ég verið felld í sálfræðinni heima ef ég hefði skrifað "ég" en núna er maður felldur ef maður skrifa ekki "ég"!
Ég var hrifin af tíma sem ég fór í á mánudaginn þar sem ungur taugasálfræðingur sagði okkur frá vinnu sinni. Hún vinnur við að mæla "cognitive function" hjá fólki sem þýðir bara hvernig heilinn virkar hjá fólki. Oft er hún til dæmis að skoða hvort fólk hafi heilaskemmdir og þess háttar. Þetta er þvílíkt "detective" starf því það þarf að setja marga smá búta saman til að fá svar við þeim spurningum sem settar eru upp. Oft er til dæmis ruglað saman þunglyndi og heilahrörnun en hún er mjög góð í að finna hvað er hvað. Ég er ekki að segja að mig langi að vera eins og hún en mér fannst hún samt geggjað töff.

Var að klára jólabókina í ár en það var Rokland eftir Hallgrím Helgason. Ég mæli eindregið með þessari bók fyrir alla þá sem elska svartan húmor og þjóðfélagsgagnrýni. Ég ræddi þessa bók við Aðalheiði Steingrímsdóttur sem ég mér finnst hafa verið besti kennarinn minn í VMA og eini kennarinn sem felldi mig á prófi hehe (hitti hana í flugvélinni frá Akureyri til Reykjavíkur). Henni fannst þetta hræðileg bók og gat ekki einu sinni klárað að lesa hana. Mig grunar að hún sé kannski aðeins of gömul því þetta er mjög "neikvæð" bók en í því felst húmorinn. Mér fannst alveg frábært hvernig hann lýsir hlutunum og gerir grín að íslensku menningunni. Maður fer nett hjá sér þegar maður sér sjálfan sig fyrir sér í nokkrum aðstæðum í bókinni sem er mjög hressandi haha! Langar núna að lesa Höfund Íslands.
Byrjaði á "Drage löberen" eða Flugdrekahlauparann á íslensku. Ég fékk þessa bók lánaða hjá vinkonu minni og er þess vegna pínu neydd til að lesa hana. Eftir bara fyrstu blaðsíðurnar líst mér strax vel á hana. Hef heyrt að myndin sé mjög kliskjukennd og léleg og ætla því ekki að sjá hana. Ég er annars mjög lengi að lesa þannig að ég verð ekkert með neina bókagagnrýni hérna á næstunni hehe.

Knús til ykkar allra

Smá kvikmyndaumfjöllun

2008-01-31T13:01:00.000+01:00

Ætla aðeins að tjá mig um Inland Empire sem ég sá í gær. Ég veit ekki einu sinni hvort maður geti kallað þetta "kvikmynd" í hinum hefðbundna skilningi því hún passar engann veginn inn í þá formúlu. Mér fannst allan tíman að ég væri á Aros listasafninu að horfa á svokallað vídeóverk því þetta var svo mikil "tjáning" sem oft var erfitt að skilja almennilega. Eitt er þó víst að það voru margar sterkar tilfinningar í þessu "verki" og þær komust alveg til skila. Það eru mörg lög sem hægt væri að kryfja en ég held ég ætli mér ekki að fara út í það hér, en ef einhverjum langar að spjalla við mig seinna þá væri ég sko til í að heyra annara túlkun. Mér fannst áhugavert hvernig David Lynch blandar tíma, rúmi og persónum saman, það getur verið erfitt að fylgjast með hver er hvað og hvenær. Allavegana segi ég eins og Sóley að þessi mynd er algjörlega þess virði að sjá og það er must að sjá hana alla, því ef maður sér ekki endirinn er hún ónýt. Endirinn er í raun ótrúlega happy happy Hollywood endir hehe.
Það voru samt alveg þrjár manneskjur (af tíu) sem létu sig hverfa úr bíósalnum áður en myndin var á enda. Þetta er ekkert léttmeti og tekur alveg þrjá tíma. Mæli samt með því að fólk sem hefur áhuga á að sjá eitthvað öðruvísi sjái þessa mynd því þetta er listaverk.

Iðjuleysinginn

2008-01-30T10:38:00.000+01:00

Ég er svo vel uppalin að iðjuleysið sem mig hrjáir er farið að breyst í risastórt samviskubit sem er farið að naga mig inn að beini. Ég hef alveg nóg að gera svosem en það er bara af því að ég er hérna heima allan daginn að mér finnst eins og ég sé ekki að gera neitt. Úff það er erfitt að vera þessi týpa! Skólinn byrjar í næstu viku og þá verður sko alveg meira en nóg að gera hjá mér og stressið á örugglega eftir að ná tökum á manni nokkrum sinnum yfir önnina svo það er kærkomið að hafa rólega stund núna til að undirbúa sig vel og byrja að lesa. Held þetta blogg sé meira ætlað mér en ykkur hehe.

Ég og Frank erum að fara í bíó í kvöld með "international vinahópnum" okkar sem er alveg frábært fólk :) Við ætum að sjá Inland Empire eftir David Lynch sem verður örugglega lífsreynsla útaf fyrir sig. Skrifa kannski um myndina á morgun en einhvern annan dag.

Seinasta helgi var líka mjög skemmtileg en ég hélt partý fyrir íslensku sálfræðipæjurnar og svo fór ég í afmæli til danskrar stelpu á sunnudagskvöldinu, en hún er hluti af "international hópnum" en ég þekkti hana ekkert sérstaklega vel þannig að það hentaði vel að ég var sú eina sem mætti á réttum tíma þannig að við áttum mjög djúp og skemmtilegar samræður. Hún er 37 ára og ekkert lík neinum sem ég þekki amk. Gaman að kynnast öðruvísi fólki.

Sólrún mín : Til hamingju með afmælið stelpa :)

ANNAÐ : sá svo skemmtilega frétt á netinu um Danskar konur sem voru að mótmæla því að þær mættu ekki vera berar að ofan í sundi. Má það heima á Íslandi?
Er það bara ok þegar það er sumar og sól?

Óréttlæti!!

2008-01-24T11:33:00.000+01:00

Er búin að vera hérna í Danmörku í tvö og hálft ár og er búin að vera að vinna mest allan tímann. Var því að vonast til að ég ætti rétt á að fá SU þar sem ég neyðist til að fara í framhaldsnám þar sem það er ÓMÖGULEGT að fá vinnu þar sem ég er BARA með Ba gráðu. Fékk svo að vita í dag að ég má ekki fá SU því vinnan mín var ekki beint tengd náminu sem ég er að fara í!!!! Auðvitað sótti ég um og reyndi allt hvað ég gat til að fá vinnu sem tengdist sálfræði náminu mínu, en ekki hvað, en svo er mér refsað fyrir þetta heimska kerfi með því að neita mér um bætur :(

Skítaland!!!

Ætla þokkalega að flýgja héðan þegar ég er búin með námið mitt eftir ca tvö ár.

Helgin okkar

2008-01-21T10:31:00.000+01:00

Skilaði af mér ritgerðinni á föstudaginn og er fegin en samt er stress í mallanum því ég er ekki viss um að þetta hafi verið nógu góð ritgerð, vonandi samt. Helgin var róleg og góð, ég og Frank höfðum það svakalega huggulegt og borðuðum góðan mat, fórum í göngutúr niður í bæ til að sjá flott listaverk, horfðum á tvær góðar bíómyndir á nýju tölvunni okkar og svo í gær fórum við í afmæli til vinkonu okkar Brynhildar. Hún er íslensk/ensk stelpa sem ég kynntist í dönskunáminu og svo komu líka grísk stelpa úr dönskunáminu sem er gift Dana og barnið þeirra og þýskur strákur og danska konan hans. Brynhildur er líka gift Dana þannig að við erum öll í sömu sporunum hehe. Við fengum alveg frábæran mat og svo voru náttúrulega allir dáleiddir yfir litlu Irina sem er bara níu mánaða krútt. Það var mikið hlegið og mörg málefni rædd niður í kjölin, t.d hver munurinn er á mold og sandi sem er mjög mikilvægt að hafa bakvið eyrað. Svo var okkur boðið í afmæli aftur næstu helgi með sama fólkinu þannig að það verður frábært :)

Á föstudaginn eftir að ég var búin að skila prófinu skellti ég mér niður í bæ á útsölurnar!! Missti mig þokkalega því það var allt svo fáránleg ódýrt. Keypti mér til dæmis frekar dýr nærföt sem kostu barasta ekkert og afgreiðslukonan hló að meira að segja smá þegar hún sagði mér hvað ég ætti að borga henni fyrir fjórar brækur og brjóstahaldara, 126 DKK.
Við erum annars bara rosalega ánægð með litlu tölvuna okkar og Frank reif sig eldsnemma á fætur um helgina til að leika sér í henni hehe. Í gömlu tölvunni okkar koma til dæmis media player upp svona ca 15 sinnum á mínútu og "spólaði" til baka á þeim heimasíðum sem maður var á, geggjað pirrandi en núna er maður bara rólegur. Reyndar er nett erfitt að vera rólegur í dag því það er verið að bora í vegginn okkar en það byrjaði einmitt klukkan átta í morgun! jeij.

Svo er ég í smá pásu núna en skólinn byrjar ekki fyrr en í febrúar, er búin að vera að kíkja á kúrsana sem ég er að fara í og fæ alveg geggjað stress, vá! Ætla því bara að fara að redda mér bókunum bráðlega og byrja að lesa! Kvíðir líka fyrir hópavinnunni þegar maður þarf að virka gáfulegur á dönsku shit! jæja bíðum og sjáum !

Ný tølva

2008-01-16T12:55:00.000+01:00

Vantar reyndar íslenska stafi á tessa elsku!! Frank fór í gær og keypti nýja fartølvu en vid vorum ad verda gedveik á okkar gømlu, hún var eins og gamalemenni sem gleymir hinu og tessu og veit ekkert hvad er ad gerast. Frank reyndi ad laga hana og eyddi øllu af hardadisknum og svona en einhverra hluta vegna er diskurinn sem inniheldur øll mín gøgn horfinn á mjøg dularfullan hátt jeijj, akkúrat tegar mig vantar gømlu glósurnar mínar úr sálfrædinni. Ég vona bara ad vid munum einn daginn finna tetta, finnst tad samt ólíklegt :(
Er búin med ritgerdina mína og bíd bara eftir ad Frank fari yfir hana fyrir mig í kvøld tegar hann kemur heim. Vá hvad ég verd fegin ad losna vid tetta af bakinu á mér! Býst alls ekki vid ad fá góda einkunn heldur er takmarkid ad ná, komst reyndar ad tví í gær tegar vinkona mín úr skólanum hringdi í mig ad ég hef ekki hugmynd um hvada einkunn tad er haha, tad var verid ad breyta skalanum. Vona bara tad besta amk. Hef ekki frá neinu skemmtilegu ad segja, hef varla farid út úr húsi. Jú vid skruppum reyndar til Horsens á sunnudaginn til ad fagna eins árs afmæli litla frænda hans Franks honum Nikolai. Hann var bara sætur og í hverst skipti sem vid hlógum tá øskradi hann, bara svona til ad vera med. Ég baud honum svo ad kom med mér til Århus og vera barnid mitt og hann var mjøg spenntur tangad til hann var kominn í fangid á mér, jæja ætli madur verdi ekki bara ad búa til sitt eigid og hætta ad stela annara manna hehe. Takk fyrir kommentin ykkar hérna. Endilega ad halda áfram ad segja mér eitthvad skemmtilegt tví ég sakna ykkar!!
knús

Er komið nýtt ár??

2008-01-11T22:50:00.000+01:00

Þá er að verða ansi langt síðan ég bloggaði. Hef frá ótrúlega mörgu að segja en það er eins og þá komi minnst á bloggið hjá manni! Ég átti virkilega yndislegan tíma á Íslandinu mínu. Vá hvað ég sakna landsins míns sem er svo fallegt en á sama tíma svo erfitt. Það var besta var án efa fjölskyldan mín sem ég átti mjög margar góðar stundir með. Það er svo frábært að vera partur af fjölskyldu og ég sakna þess. Maður getur alltaf bara hangið með þeim og talað um allt án þess að þurfa að vera formlegur á einn eða annan hátt sem mér finnst vera "frelsandi". Ég á að sjálfsögðu mín dönsku fjölskyldu en það verður aldrei eins og mín eigin.
Ég á fullt af frábærum og duglegum vinkonum sem eru barasta eins og útungunarvélar sumar hverjar hehe. Þær náði ég að hitta aðeins en alls ekki eins mikið og ég hefði viljað. Takk fyrir frábærar stundir elskurnar mínar!
Kaffi Karólína var minn samastaður þegar haldið var í bæinn í leit að bjór og öðru áfengu. Það var nett Cheers stemning þegar ég mætti á svæðið því það virtust ALLIR þekkja mig sem var eitthvað svo kósy, þangað til "litlu" vinir "litla" bróður míns byrjuðu að koma upp að mér og spurðu : hey ertu ekki systir hans stebba? Sætt í byrjun en varð ansi þreytt fyrir gömlu konuna.
Nú er ég hinsvegar í Danmörku og sit bara hérna heima allan daginn og ríf í hárið á mér! Ég er semsagt að reyna að setja saman ritgerð sem ég á að skila eftir akkúrat viku, gúlp. Virðist sitja og svitna allan daginn en næ einhvern veginn ekki að skrifa neitt af viti þó ég virðist vita hvað ég vilji segja. Enda svo bara í ræktinni í staðinn fyrir að gera eitthvað af viti því jólaspikið er ekki krúttlegt og það er gott að fá útrás á hlaupabrettinu.

Er ekkert að deyja úr gleði þessa dagana en hlakkar til að vera búin með þetta próf og geta farið að spá í einhverju allt öðru. Vonandi næ ég því smat því ef ekki kemst ég ekki inn í masterinn í febrúar.

Gleðilegt "næstum" nýtt ár!!! Farið vel með ykkur á árinu og passið hvert annað
Knús

2007-12-24T16:15:00.000+01:00

Gleðileg jól til ykkar allra nær og fjær!!

Hafið það sem allra allra best dúllurnar mínar :)

Knús

Jólaferðasaga löng

2007-12-22T19:15:00.000+01:00

Ég er mætt á svæðið!(á Íslandið góða semsagt) . Ferðalagið var langt. Ég byrjaði á því að taka lestina til Kaupmannahafnar og fékk að gista hjá Gunna og Nínu. Þau héldu svo hrikalega skemmtilega "julehygge" ásamt Íslendingum sem þau þekkja og eru búsett í Kaupmannahöfn. Þó að ég hafi ekki þekkt þetta fólk þá var alveg hrikalega gaman. Nína bjó til glögg handa okkur og bakaði dýrindis smákökur mmmmm svo var spilað Buzz music quiz og Guitar hero. Einnig var þónokkuð magn af bjór teigður ljúflega.
Á sunnudeginum flaug ég svo til Keflavíkur. Það gekk reyndar ekki alveg snuðrulaust fyrir sig þar sem ég gat barasta ekki fundið vegabréfið mitt sem endaði svo með því að ég og Gunni vorum búin að opna stóru ferðatöskuna mína og vorum farin að rífa allt upp úr henni í check inn röðinni og fólk glápti eins og það fengi borgað að sjálfsögðu!! Þegar röðin var svo komin að mér var helv vegabréfið ekki komið í leitirnar og gellan í check inninu var geggjað fúl og sagði að ég yrði að hafa það. Ég sagði þá bara: "nú, þrátt fyrir að ég sé að fara til Íslands??" Það þaggaði niður í henni og hún tók ökuskírteininu mínu gildu. Jæja þá var náttúrulega allt dótið mitt í haug í ferðatöskunni minni en ég varð bara að flýta mér að loka henni og checka hana inn. Næsta vandamál var svo að komast í gegnum öryggishliðið en ég var með jólagjafirnar mínar í handfarangrinum, gjafirnar frá dönsku fjölskyldunni til mín, og ég vissi ekkert, að sjálfsögðu, hvað var í þeim! Ég fékk þá að vita að ég mætti ekki taka þær með og þurfti því að fara og tékka heila klabbið inn og helv fúla gellan var með eitthvað voða glott. Lendingin á Keflavík var ekkert voðalega skemmtileg því það var brjálað veður á þessu blessaða suðurlandi eins og svo oft áður en ég komst þó heilu og höldnu á íslenska jörð :)
Soffía sæta kom svo og sótti mig á Bsí og við áttum frábært kvöld saman en Ásdís bættist í hópinn. Ég flaug svo til Akureyrar á mánudagsmorgninum. Það gekk heldur ekki snuðrulaust fyrir sig! Það var klikkað löng röð í check innið og mikið stress. Ég spurði svo hvort ég mætti ekki taka eina tösku með mér sem handfarangur í vélina og fékk hið óvænta svar nei! Ég tékkaði því töskuna bara inn í flýti en þegar ég var sest inn í vélina mundi ég af hverju ég vildi taka töskuna með mér í vélina! Ég var með tvær óvarðar rauðvínsflöskur í töskunni plús allar greinarnar sem ég ætlaði að lesa um jólin, gúlp. Um leið og ég var lent tékkaði ég á töskunni og flöskurnar litu vel út. Þegar ég var svo komin heim setti ég svo töskunar bara inn í herbergi og sat svo í stofunni með mömmu. Mamma fór svo inn í herbergið mitt til að tékka á einhverju og varð heldur betur illt við þegar hún sá risa stóran rauðan poll á gólfinu. Þá hafði önnur flaskan hreinlega dottið í sundur og allt rauðvínið lak um allt. Ég náði að bjarga því mikilvægasta úr töskunni og setja á ofn. Lyktin í húsinu var vægast sagt alkaleg!

Nóg um ferðasögu í bili

Hittingur hjá Selmu í kvöld jeijj

Sjáumst :)

Bloggidíblogg

2007-12-02T21:02:00.000+01:00

Fólk bara farið að kvarta yfir bloggleysinu í mér sem er ánægjulegt ! :) Gaman að vita að einhver nenni að lesa bullið í manni ;)

Það eru jól í nánd og maður kominn í netta stemningu barasta! Ég hef samt ekki haft nægjanlegan tíma til að fara og kaupa gjafir en tókst þó með erfiðleikum að rífa mig upp úr sófanum í dag og fara niðrí bæ og kaupa tvær gjafir, húrra fyrir því. Við kíktum líka aðeins á jólamarkað arkitektanemenda sem var spenanndi enda mikið frumlegt og flott í boði þar. Ég keypti til dæmis flotta uppskriftabók af íslenskri stelpu sem ég var að kynnast sem heitir Guðrún Ragna. Við vorum einmitt í "julefrokost" saman í gær sem var alveg hrikalega skemmtilegt. Fyrir þá sem ekki þekkja julefrokost er það át og drykkjuveisla sem stendur yfir langt fram á nótt. Það var pínu spes að vera ekki eini Íslendingurinn í partýinu en samt mjög, mjög næs. Já var næstum búin að gleyma að ég fór út á föstudagkvöldið með einni sem ég vinn með, kærastanum hennar og vinkonu sem var á aldur við mömmu hehe. Við fórum á alveg hrikalega hallærislegan bar og drukkum ljót, ódýr og bragðvond skot og að sjálfsögðu ódýran en mjög bragðgóðan jólabjór. Fólkið þarna var mjög "white trash" en það var samt stemning í þessu öllu saman. Ég fór heim snemma því ég þurfti að fara á fætur kl 6 á laugardaginn og fara í vinnuna en samt bara til klukkan 11 þannig að það var bara í gúddí.

Nú langar mig að taka góða jólahreingerningu og svo henda upp smá skrauti. Mér tókst reyndar að setja seríu upp í dag sem var stórt afrek. Ég á reyndar nánst ekkert jólaskraut og finnst erfitt að finna eitthvað sem ekki er rosa hallærislegt.

Er annars að fara í "julehygge" á þriðjudaginn með tveimur stelpum úr skólanum en við ætlum að borða "æbleskiver" og fleira sætt. Annars er ég rosa mikið að vinna, læra, svitna í ræktinni þannig að mér hefur vantað pínu að fara eitthvað út á djammið og hitta fólk og er því ánægð eftir þessa helgina :)

Ljótleikinn og fáránleikinn

2007-11-14T12:19:00.000+01:00

Heimurinn er ansi ljótur stundum og fréttirnar geta sjokkerað. Held reyndar ekki að heimurinn sé mikið verri en hann var í gamla daga, held frekar að nú sé mun meira skrifað því fjölmiðlarnir eru orðnir svo margir og stórir. Ég las í dag um 12 ára strák í USA sem hélt því fram að hann væri misnotaður af afa sínum og frænda sem hann bjó með. Í ljós kom þó að þessi 12 ára strákur var í raun 29 ára gamall kynferðisafbrotamaður sem vildi láta "misnota" sig. Afinn og frændinn voru í raun ekkert skyldir þessum manni heldur voru sjálfir þekktir kynferðisafbrotamenn sem kynntust þessum "strák" á netinu gripu tækifærið þegar "strákurinn" bað um að fá að búa heima hjá þeim. Þessir kynferðisafbrotamenn voru æfir yfir þessum svikum þegar þetta komst upp. hahaha svona er lífið öfugt og fáránlegt stundum.

Önnur frétt sem er ofarlega á huga er frá Álaborg hér í Danmörku og fjallar um eitthvað sem virðist vera að aukast allsstaðar í heiminum. 15 ára strákur réðst á saklausan mann og barði hann til dauða og það sem var enn verra var að eftir að hann hafði drepið manninn dró hann líkið 15 til 20 metra í að átt að ljósi því hann vildi filma manninn með gsm símanum sínum! Svo eru þessi kellingatímarit að lifa á svona sögum og framan á einu helsta kellingatímaritinu hérna er mynd af þessum strák og svo er fyrirsögnin "foreldrar hans elska hann ennþá" en svo það sem er svo það súrrealistísk er að næsta fyrirsögn er "10 leiðir til að grennast fyrir jólin" og eitthvað í þá áttina! Þvílík fréttamennska!

Nenni varla að tala um að nú er búið að kjósa og ríkisstjórnin hélt velli sem er fáránlegt miðað við öll sviknu loforðin og niðurskurðinn á seinasta ári. Held að Danir séu nett heimskir, eða amk með voðalega lélegt minni!

Er í fýlu

2007-11-08T20:14:00.000+01:00

Grunur minn um að ég mætti ekki kjósa í þingkosningunum hérna var staðfestur í dag þegar Frank fékk sent kosningakortið sitt með póstinum og ég fékk ekki neitt :( Kannski er ég voða frek að finnast ég mætti kjósa en mér finnst samt bara að þegar maður vinnur og býr í landi að maður eigi rétt á að hafa áhrif á samfélagið sitt. Er það ekki liður í að aðlagast samfélaginu að vilja taka þátt?? Finnst þetta asnalegt og er þess vegna í fýlu :(

Working girl

2007-11-04T16:41:00.000+01:00

Þá er ég búin að koma mér í góðan mínus og þarf víst að fara að hysja upp um mig buxurnar og er því farin að vinna á fullu. Já ég er ennþá að skeina gömlum krumpuðum rössum. Þetta eru reyndar nánast allt yndælir rassar þannig að það er svosem ekkert svo slæmt. Er ekki pínu spes að koma í vinnuna eftir langt frí og byrja á því að spyrja :" hver er dáinn?" Það var reyndar sem betur fer enginn dáinn en samt haha. Það er samt bara svo gaman að gæjast inn í allt annan heim sem er samt sami heimur og við búum í í dag. Jæja fyrir þá sem ekki vita er ég að koma heim til Íslands AFTUR sem er ástæðan fyrir mínusnum og dagsetning er 16.des til 3.jan!!

Allavega er að verða ansi jólalegt hérna þar sem búðirnar eru að fyllast af jóladrasli, kvíði svo bara fyrir að fólk fari að spila jólalög! Ég hata jólalög! Finnst þetta nú fullsnemmt. Minnir mig bara á allt sem ég þarf að gera fyrir jól, gúlp. Held að margir hafa það eins og ég.

Gleðilega jólaauglýsingatörn!

Aarhus baby

2007-10-31T16:38:00.000+01:00

Nú sit ég í sófanum mínum í Herluf Trolles gade, Aarhus, Danmörku sem þýðir að ég er ekki lengur á Íslandi. Það var ólýsanlega gott að vera í löngu frí sem var fullt af hittingum með vinum og vandamönnum, vá hvað maður er endurnærður og glaður frá toppi til táar. Það fyrsta sem gerði svo þegar ég kom til landsins var að fara í afmæli tengdarmóður minnar sem var næs því það var öll familían samankomin og tók vel á móti mér.

Ég er í miklum rólegheitum núna þar sem það er ekki þörf á mér vinnunni fyrr en um helgina, þetta er fínt því ég get reynt að lesa allt það sem ég hef ekki verið að lesa en hefði átt að lesa fyrir langa löngu. Það sem ég er að lesa núna er ágætlega skemmtilegt þar sem ég var í nútímafræði í háskólanum á Akureyri og lærði allt um nútímann eða modernity en er svo að lesa um post modernity núna en í pínu öðru samhengi. Alltaf gaman þegar maður getur hengt nýja þekkingu á gamla. Það er líka undarlegt, á góðan hátt, að velta sér upp úr þeim tíma sem maður lifir í því þá sér maður hvað hann er í rauninni frábrugðinn fortíðinni en samt ekki ??

Ég og Frank erum bara í góðum gír og í gær skárum við út grasker og bjuggum til graskerssúpu, ok Halloween er í dag en við "héldum uppá" það í gær. Á morgun fer Frank að vinna sem lærlingur þannig að ég verð að venjast því að hann komi ekki heim fyrr en seinni part dags.

Annars vil ég bara þakka öllum sem ég hitti á Íslandi fyrir að hafa gert dvöl mína þar að frábærri minngu sem ég get hlýjað mér við á köldum löngum vetrardegi hérna í Danmörku.

knús

Ísland

2007-10-20T21:18:00.000+02:00

Þá er ég búin að vera hér á litlu sætu íseyjunni í hálfan mánuð og á því bara eina viku eftir :(
Alltaf þegar ég hef veri hérna í smá tíma skil ég barasta ekkert hvað ég er að gera í Danmörku því það er svo gott að vera í sínu eigin heimalandi. Það kemur alltaf upp í hugann orðatiltækið "fiskur á þurru landi" þegar ég hugsa um það hvernig mér líður stundum í DK miðað við að vera hérna. Ég átta mig á því þegar ég kem hingað hvað það er notalegt að geta tjáð sig óheft og finnast maður vera í sama hópi og allir aðrir. Þetta er ómetanleg tilfinning og ég vorkenni þeim sem þurfa að flýgja heimalönd sín vegna stríðs og fátæktar því þessa tilfinningu er erfitt að fá aftur þó maður hafi búið lengi í sama landinu, það er jú bara eitt heimaland :) Ekki misskilja mig, ég hef það ótrúlega gott í Danmörku og hef sjaldan verið jafn hamingjusöm og þar. Ég á yndislegan kærasta sem er líka besti vinur minn og svo skemmtilega vini og fjölskyldu sem gerir allt fyrir mig.
Ég kem reyndar fljótlega aftur til Íslands en ég býst við að koma um jólin !! :)

Þá er bara að nota tímann sem eftir er til að hitta allt skemmtilega fólkið á Akureyri !!

Knús Kristrún

p.s veit einhver um far fyrir mig suður???

Billund-Keflavík

2007-10-06T09:54:00.001+02:00

Þá er dagurinn runninn upp! Ég er á leið heim til Íslands :)

Hlakkar til !

Við förum til Horsens eftir smá og svo ætla tengdó að skutla mér á flugvöllin í Billund sem er bara um klukkutíma akstur, í staðinn fyrir að fara allaleið til Kaupmannahafnar sem tekur alltaf allavega 3 tíma. Ég er því róleg yfir þessu öllu saman en oft er ég mjög stressuð þegar ég þarf að taka lestina til Kastrup því það er sko aldrei hægt að treysta þessu lestarkerfi hérna, plús að ferðalagið styttist þónokkuð!!

Á fimmtudaginn fékk ég óvænta afmælisveislu en dönsku vinkonurnar þær Karen og Kamilla buðu mér í hrísgrjónargraut (þykir hið mesta lostæti í DK) svo bökuðu þær afmælisbollur og bjuggu til heitt kakó. Það voru fánar og kertaljós og ég fékk að meira að segja pakka ;) Ég tók flösku af uppáhaldsrauðvíninu mínu með og við sátum svo bara allt kvöldið og "hugguðum" okkur hehe. Mjög mjög næs!

Þið sem búið heima á Íslandi...við sjáumst!

knús

Afmælisferðalagið :)

2007-10-02T22:25:00.000+02:00

þá er það ferðasagan! Varúð: Sagan er pínu löng.

Afmælisdagurinn byrjaði snemma en ég og Frank tókum lestina kl hálf níu um morguninn. Ferðin var ekki alveg áfallalaus en þannig er það alltaf þegar ég er í þessari blessuðu lest. Við vorum m.a skömmuð af gömlum "fasista" og svo héldum við í eitt augnablik að kviknað væri í lestinni. Við komumst þó á leiðarenda með smá seinkun. Við biðum svo eftir Sólrúnu á Raadhuspladsen og kíktum aðeins inn í ráðhúsið sem er afar snotur bygging og sérstaklega þennan dag þar sem rómantíkin lá í loftinu þar sem þar var gifting í fullum gangi. Við áttum virkilega góðan dag í miðbænum með Sólrúnu þar sem við sátum á kaffihúsum, horfðum á fólk, töluðum heilmikið, kíkkuðum í búðir og fleira í þeim dúrnum. Um kvöldið hittum við svo Gunna og Nínu og fórum ásamt Sólrúnu út að borða á rosa flottum indverskum veitingastað. Ég var mjög ánægð með matinn og þjónustuna þó að Gunni hafi pantað rétt númer 211 og fékk í staðinn tvö stykki af númer 11 hahaha. Hann var reyndar heppinn því réttur nr 11 var mjög bragðgóður þannig að við fengum að hjálpa honum við að klára nammnamm.

Eftir matinn var svo ferðinni heitið á frekar cool bar. Þar voru drukknir nokkrir bjórar og chillað í takt við reggea tónlist. Kvöldið endaði svo með kveðjustund en Sólrún þurfti snemma heim því á laugardeginum flaug hún til Afríku þar sem hún mun búa og vinna næsta árið. Spennandi!! Gangi þér vel Sólrún, þú átt eftir að rúlla þessu upp ;)

Laugardagurinn var mjög næs dagur en ég og Frank byrjuðum á því að sofa lengi lengi. Þegar við svo loksins dröttuðumst út í rigninguna fórum við í lítið ferðalag en okkur langaði að fara á Arken sem er flott listasafn lengst útí rassgati. Við þurftum að taka strætó og s lestar og svo gengum við 3km í grenjandi rigningu og ég í háhæluðum skóm jeijj. Allavega var þetta safn alveg þess virði!! Svaka cool sýning með ótrúlega flottum verkum, allt ungir listamenn með mjög nútímaleg verk sem voru mjög djúp og frumleg. Um kvöldið nenntum við ekki neinu djammi þannig að við skelltum okkur í bíó en við völdum að sjá Shrek sem er alveg ógeðslega fyndin.

Sunnudagsmorgun og sund. Ég hef aldrei áður verið hrifin af sundlaugum í Danmörku, yfirleitt er þær bara leiðinlega og kaldar. Í kaupmannahöfn er rosa flott laug (DGI Byen) bæði fyrir stóra sem smáa en það var þó stór meirihluti af litlu gerðinni. Ég tók eftir því að þarna voru margir Íslendingar með krílin sín í hópum að sjálfsögðu. Eftir sundferðina hittum við svo Gunna og Nínu og foreldra Gunna. Gunni var svo flottur á því að bjóða okkur öllum í hádegismat á veitingahúsi á Nyhavn. Takk fyrir það!

Við ákváðum svo að fara ekki með lestinni heim og tókum því rútuna/ferjuna heim! Mig langaði reyndar ekkert sérstaklega til að fara aftur heim því mér finnst Kaupmannahöfn töluvert meira spennandi en Aarhus sem er bara sveitabær.

Frábær helgi !!

Kaos í Fitness world

2007-09-26T21:41:00.000+02:00

Þegar ég kem til Íslands lendi ég á Keflavíkurflugvelli og mun eyða nokkrum góðum dögum í borginni, hversu lengi fer svo bara eftir því hvernig ég ætla að fragta sjálfri mér norður. Einhver á norðurleið? Langar allavega að hafa góðan tíma með Soffíu og Elí, Ásdísi og Önnu Þorbjörgu og öðrum góðum. Ég á til dæmis töluvert af fjölskyldumeðlimum þarna sem maður hittir ekki oft sem ég gæti alveg hugsað mér að hafa samband við.

Fór í ræktina í dag EFTIR vinnu sem ég hélt að væri rosalega erfitt þar sem vinnan mín er mjög líkamlega erfið oft á tíðum. Jú ég hafði í raun rétt fyrir mér því ég átti erfitt með að komas mér í gang en svo þegar ég varð heit þá gekk þetta allt mjög vel. Reyndar var einn risa ókostur en þessi rækt er glæný og í dag var bara troðfullt af fólki sem er rosalega pirrandi. Ég hitti svo stelpu sem ég þekki sem tókst að móðga mig nett og svo hjólaði ég heim en Danir á reiðhjólum er stundum algjör killer en ef maður er nett hægfara eða ekki alveg með á nótunum er bara öskrað á mann og það gerðist einmitt í dag á leiðinni heim. Ég var því einhvern veginn andlega útkeyrð þegar ég kom heim og sat því bara stjörf yfir Friends. Reyndar hresstist ég svo eftir að hafa borðað gott lasagne og horft á Desperate houswives :)

Knúsí mús!!

Bráðum verð ég svo stödd í Köben !! jeijjj hlakkar til!

Kæra Ísland

2007-09-19T21:43:00.000+02:00

Ég sný til baka til þín mitt kæra land. Verð á litlu ævintýraeyjunni frá 6.okt til 27.okt!!!! Allir skemmtilegir vinir og vandamenn mega vera í sambandi ;) Ég hlakka mikið til að sjá alla en kannski mest nýja mannfólkið þá Elí Smára og Róbert Braga og knúsa þá smá því ég hef ALDREI hitt þá! Seinast þegar ég var á landinu voru þetta bara stórir magar hehe. Annars er amma mín mín veik og ég vil eyða tíma með henni á meðan ég hef tækifæri á því þannig að þetta verður kannski pínu erfið dvöl líka. Lífið er víst blanda af ýmsu súru og sætu og maður hefur ekki svo mikla stjórn á vissum hlutum þannig að maður verður bara að læra að lifa með þeim.

Ég varð smá pissed off í dag þegar ég opnaði emailið mitt og sá að verðið á flugi til Íslands er helmingi ódýrara en þegar ég keypti miðann bara fyrir 2 dögum :( Alltaf er ég svona óheppin eitthvað!!

Annað : Hafið þið einhvern tímann sett veskið ykkar í ískápinn?? Ég hef gert það og í dag þegar ég kom heim úr vinnunni og hafði klætt mig úr jakkanum og skónum byrjaði ég að klæða mig úr buxunum??? hahahaha. Er þetta bara ég eða skeður svona fyrir ykkur líka? Frank fann veskið mitt í ísskápnum en ég hafði ekki einu sinni áttað mig á því sjálf hehe. Annars held ég að allir hafi einhvern tímann hent einhverju í rusladallinn sem í raun átti að fara í ísskápinn og svo verið á leiðinni að setja ruslið í ísskápinn , ekki rétt?

Á afmælisdaginn minn þann 28.sept ætlum við Frank að fara til höfuðborgar Danmerkur!! Við höfum pantað farið og gistingu og allt. Við ætlum að eyða afmælisdeginum mínum með henni Sólrúnu minni en hún verður í borginni þann daginn. Jeijj. Annars ætlum við að fara á Arken sem er víst mjög flott listasafn, út að borða og hitta vini. Þetta verður væntanlega yndisleg helgi.

Annars er lífið bara vinna og skóli þessa dagana en mér finnst pínu eins og ég eigi ekkert frí því þegar ég er ekki að vinna "ætti" ég að vera að læra eða gera eitthvað uppbyggilegt. Ég er byrjuð í ræktinni sem er mjög gott og mig hlakkar geggjað til að vera í þessari rækt en hún er glæný og mjög flott.

nóg í bili og afsakið hvað ég er búin að vera löt við að blogga!!

Post weekend

2007-09-10T20:18:00.000+02:00

Fredagsbarinn var góður fyrir utan að ég og Frank misstum okkur aðeins í kappdrykkju þar sem við höfum bæði verði samasem edrú allt sumarið hehe. Vinkona mín var tekin af lögguni þetta kvöld þar sem hún hjólaði heim í annarlegu ástandi án ljósa! Þessi fredagsbar er semsagt þannig að þegar skólanum líkur á föstudögum er settur upp bar í kaffiteríunni og ótrúlega ódýr bjór skenktur fram á kvöld. Við fórum eftir barinn í einkapartí í svaka flottri íbúð þar sem allir voru voða fínir sálfræðinemar.

Laugardagurinn fór í þreytur, þynnku og þrif, ekki góð blanda! En þannig var mál með vexti að allt fór úrskeiðis. Fyrst tókst heilli kókflösku að renna úr höndunum á mér (var nýbúin að bera á mig lotion sko)og gólfið okkar (sem er by the way teppalagt) og Verner Panton stóllinn okkar urðu kókblaut og ég fékk ekki eins mikið kók og ég þarfnaðist þennan dag sem var tragískt. Það tók MIKIÐ á að þrífa þetta allt saman en það heppnaðist þó mjög vel. Síðan sáum við að þar sem við höfðum lagt ruslapoka frá deginum áður var kominn geggjaður blettur, það er svona "Síðuskóla" dúkur á gólfinu okkar í eldhúsinu og við gerðum allt til að ná blettinum af sem endaði með að við aflituðum gólfið pínu í kringum hann! Til að útskýra af hverjum við söfnum rusli í íbúðinni okkar vil ég benda á að ruslakarlarnir hérna eru ekkert smá prímadonnur sem ekki taka ruslið okkar ef: 1. ruslatunnan snýr öfugt 2. Ef tunnan er svo full að ekki er hægt að loka henni 3. Ef það er pínu snjór fyrir framan tunnan og svo framvegis.

Sunnudagurinn var mjög ferskur dagur en við skelltum okkur í geggjað langan hjólatúr og komum við í "öðrum heimi" en við fórum í hinn fræga Bazar West en það er arabamarkaðurinn í bænum. Þar var hægt að kaupa ljótasta skran sem ég hef nokkru sinni á ævi minni séð, jessúss. Við erum að tala um hilluvís af plasblómum og rósóttum kaffibollum og fleira í þeim dúrnum. Ég og Frank löbbuðum flissandi í gegnum nokkrar búðir þarna en skömmuðumst okkar svo og ákváðum að kíkka á matinn í stðainn en þetta er víst mjög góður grænmetis og kjöt markaður. Við vorum ekki með neina peninga á okkur þannig að við keyptum ekkert í þetta skiptið en ætlum að hjóla þangað aftur seinna og kaupa eitthvað gómsætt í matinn.

Jæja eins og svo oft áður varð pistillinn minn alltof langur, sorry about that!

later!

School is cool

2007-09-06T21:50:00.000+02:00

Á morgun byrja ég í skólanum :)!! Þá fæ ég aldeilis að læra um sálfræði frá algjörlega nýjum sjónarhóli. Þessi áfangi er nefnilega mjög existentialískur og póstmódernískur og langt frá því að vera vísindalegur eins og allir aðrir áfangar sem ég hef tekið á Íslandinu góða. Ég hlakka til að sitja og fræðast um eitthvað nýtt þó mig gruni að ég muni fyllast pirringi og jafnvel viðbjóði á þessu bla bla sem Danir eru svo þekktir fyrir, þeir eru nefnilega ekkert rosalega "konkrít" í sínum fræðum stundum ef þið skiljið hvað ég meina??. Allavega þá þekki ég einn íslenskan strák sem verður í þessum áfanga sem þýðir að ég verð ekki ein! jeijj. Hann er í BA náminu hérna og á bæði konu og börn eins og svo margir "sannir Íslendingar" hehe.
Ég hef svo heimtað frí um helgina og ætla að byrja djammið strax á morgun en ég ætla að fara með íslensku gellunum á fyrsta "fredagsbarinn" minn sem er bar (í skólanum!) sem er mjög ódýr og er opinn á föstudögum frá 14 til 20. Ég er í tíma til 14 þannig að það passar vel að fara beint á barinn til að skola út öllu bullinu hehe. Hlakkar til ! Svo er svona "menningarnótt" hérna sem er reyndar heil vika þannig að það er um nóg að velja um helgina :) Segi jafnvel eitthvað meira frá því síðar.

Góða helgi og skemmtið ykkur endilega vel!!

Brilliant commercial

2007-08-31T01:06:00.000+02:00

Brasað og brasað

2007-08-29T16:46:00.000+02:00

Það er búið að vera nokkuð mikið að gera hjá mér seinustu dagana. Er að vinna ca 6 daga í viku og svo þegar ég á frí erum við Frank búin að vera dugleg að gera eitthvað skemmtilegt. Erum til dæmis búin að fara á listsafnið hérna sem heitir Aros og er mjög flott, við höfum reyndar verið þarna mjög oft en núna er ný sýning sem okkur langaði mjög að sjá. Svo fórum við í skemmtigarð sem heitir Danfoss Univers, mæli eindregið með honum ef einhver af ykkur á leið um Danmörku, sjá www.danfossunivers.com. Þar er til dæmis mjög flott hús þar sem vatn lekur niður veggina og inní er íslenskur 18 metra Geysir!! Einnig var farið yfir til Þýskalands og keypt slatta af ódýrum bjór, gosi og nammi ;) Nú get ég loksins sagt að ég hafi verið í Þýskalandi! Borðaði að meira að segja Bratwurst pylsu ;)

Á morgun er ég svo að fara á tónleika en það er opnun á Aarhus festuge en það er svona menningarvika og þemað í ár er hreyfing en ég veit í raun ekkert hvað verður á boðstólunum en mig grunar að það verði töluvert dansað. Frank er sveittur núna að setja sviðið upp í ráðhúsinu sem er by the way Arne Jakobsen hönnun. Frank er að vinna í amk 12 tíma í dag við að setja upp sviðið og eitthvað svaka flott ljósashow. Hlakkar til að sjá hvernig þetta mun líta út.

Á föstudaginn erum við svo að fara í afmæli til pabba hans Frank í Horsens. Í næstu viku byrjar skólinn svo hjá mér og þá ætla ég að minnka við mig í vinnunni. Djö hlakkar mig til :)

Ég er svo annars að vinna á sunnudaginn sem sökkar en ég er desperate for money þar sem Lín bankar á öxlina á manni núna jeijjj. Aldrei taka námslán!!!!

The human beatbox chef

2007-08-20T18:02:00.000+02:00

Beatbox Fame Game
Sendt af loranger

Our FRIENDS the NEIGHBOURS

2007-08-17T15:25:00.000+02:00

Pretty naked guy

Já vid eigum okkar eigin ugly naked guy, nema hvad ad hann er ekki ljótur og tví fékk hann heitid Pretty naked guy. Nágranni okkar er semsagt alltaf nakinn og hann er EKKI med gardínur í íbúdinni sinni! Hann virdist sitja nakinn inni á skrifstofunni sinni sem er full af bókum og svo virdist vera ad hann sé eitthva voda mikid ad brasa inni í stofunni. Kannski er hann rithøfundur og listamadur EDA kannski er hann bara psycho! Tad er kannski thunn lína tarna á milli hehe.

Jæja nú haldid tid náttúrulega ad ég sitji hvert kvøld og glápi á the pretty naked guy!

Feitir tónleikar

2007-08-14T16:15:00.000+02:00

Fór á CocoRosie tónleika á sunnudaginn með nokkrum hressum íslenskum stelpum. Stelpurnar sem ég var með eru stelpur sem ég kynntist í sálfræðináminu heima og/eða sálfræðinni hérna í Aarhus og heita Hrefna, Ásdís, Hildur og Katrín.

CocoRosie eru systur frá USA sem spila mjög cool og frumlega tónlist. Þær eru víst upprunalega frá Frakklandi en hafa búið lengi í Bandaríkjunum. Þeim til stuðnings var Tez sem er gaur sem gerir fáránlegustu hljóð með röddinni og hann var í býr til flest öll beat í tónlistinni þeirra. Hann hitaði líka upp fyrir sjálfa tónleikana og fólk var gjörsamlega orðlaust yfir honum. Hann tók til dæmis Prince lag þar sem gerði beatið og söng á sama tíma?! hvenrig gerir maður það?? Systurnar tvær eru báðar með mjög flottar raddir, önnur þeirra er með rosalega fallega óperurödd en hin er með mjög cool barnalega rödd sem hún notar í rappstíl. Saman er kokteillinn banvænn! Þessi tónlist er mjög góð tónleikatónlist amk en ég hef svosem ekkert hlustað á hana áður. Hrefna er búin að lofa mér að brenna handa mér þá diska sem hún á, held þær hafi gefið út þrjá diska í allt.

Gaman að vera komin í íslenskan félagsskap aftur :)

Sumarið kom að lokum!

2007-08-10T14:14:00.000+02:00

Stella Polaris
Er svona dagur þar sem nokkri mismunandi plötusnúðar spila chill out tónlist á meðan fólk liggur og picknickar. Hér er nokkrar myndir frá þessum viðburði.

Fólk á öllum aldri naut sín í þessum garði sem er reyndar háskólagarðurinn hérna sem er by the way rétt hjá mér sem er næs. Sumir spiluðu fuzball aðrir veiddu fisk, sumir áttu afmæli og borðuðu kökur á meðan enn aðrið lágu á teppi og keluðu.

Ströndin

Við höfum líka eytt þónokkrum tíma úti í sólinni því hennar var saknað sárt hérna í sumar en hún ákvað svo að láta sjá sig í nokkra daga. Við fórum til dæmis á ströndina sem er bara hérna rétt hjá okkur. Ég var ekki með gleraugun á nefinu og sá því ekkert sérstaklega vel og fannst allir eitthvað svo bleikir á ströndinni. Þegar við vorum komin nógu nálægt til að ég gæti séð fólkið uppgötvaði ég að allir voru naktir! Fullt af allsberum miðaðra köllum! Við flýttum okkur bara framhjá þeim og aðeins lengra á ströndinni var aðeins meira klætt fólk. Við settumst niður í sandinn og fylgdumst með fólki og dýrum. Við sáum til dæmis mjög sætan en feitan Pug hund með eiganda sínum sem var 12 ára gamall strákur. Þeir fóru aðeins í sjóinn til að kæla sig en hundurinn var fljótur að forða sér og hljóp rakleitt til okkar og hlammaði sér upp að Frank en hundurinn var eins og áður sagði bæði sveittur og blautur þannig að Frank var ekki alveg sáttur. Hundurinn virtist algjörlega orkulaus og ætlaði aldeilis ekki að færa sig neitt og þegar eigandinn kom að sækja hann sat hann bara áfram blýfastur. Við komumst svo að því að hundurinn heitir Pingo og var hinn sætasti og ég klappaði honum og knúsaði aðeins. Eigandinn var pínu vandræðalegur yfir því hversu litla stjórn hann hafði á þessu litla dýri en þessir hundar eru víst voða sjálfstæðir og fullir af persónuleika.
Algjört krútt!

I saw a good strip today....

2007-08-03T00:11:00.000+02:00

Adjø!

Frank

Sumarfríið

2007-07-31T15:53:00.000+02:00

Sumarið kemur barasta ekkert í Danmörku þetta árið :( Rigning, meiri rigning og aftur rigning. Ég hef samt átt mjög skemmtilegt sumar og get því ekki kvartað mikið. Ég var í sumarfríi sem er eitthvað sem ég fékk einmitt ekki í fyrra en þá var 30 stiga hiti nánast daglega.

Eftir Hróa komu Sólrún og Anna til mín og við skemmtum okkur konunglega! Við fórum að sjálfsögðu beint á djammið þrátt fyrir þreytu og slen. Þynnkan stoppaði okkur svo ekki í að njóta okkar í hjarta bæjarins þar sem kaffihús og búðir voru prófuð. Það var mikið spjallað og hlegið og ég dustaði rykið aðeins af gömlu góðu íslenskunni sem er þarna ennþá.
Vinkonur eru gulls ígildi :)

Mamma og pabbi ásamt Katrínu systur og börnum skelltu sér svo til Danmerkur þann 18.júlí en þau fengu íbúð til leigu í viku í Kaupmannahöfn. Ég fór og hitti þau svo þann 20. og fékk að vera með þeim í íbúðinni. Vegna veðurs var ekki farið í Tivoli og dýragarða heldur Experimentarium, Fields, og svo voru búðirnar rannsakaðar aðeins. Við höfðum það líka gott á kvöldin með bjór í annari og nammi í hinni hehe. Eitt kvöldið hafði ég engan bjór í hönd og fannst Bjarma það alveg ómögulegt og nánast skipaði mér að fara inn í eldhús og sækja mér bjór! Börnin voru náttúrulega bara frábær og ég hló mig máttlausa nánast hvern einasta dag því þau eru svo fyndin. Við fórum til dæmis til Horsens að hitta fjölskylduna hans Franks þar sem börnin náðu að heilla alla þar upp úr skónum. Bjarmi reifst til dæmis við pabba hans Franks sem heitir Max um að hann héti sko ekkert Max heldur Mix! haha. Á Jótlandi var ýmislegt skoðað eins og: Kattegatcentret náttúran og gamlar byggingar, miðbær Horsens og Aarhus og fleira.

Núna er vinnan tekin við sem er bara fínt því nú þekki ég allt þetta fólk sem þýðir að mér líður eins og ég sé að hjálpa vinum mínum og við spjöllum um allt milli himins og jarðar. Það er líka svo krúttlegt hvað gamalt fólk hefur mikinn áhuga á því sem maður er að gera og þeim finnst maður alltaf svo duglegur og frábær. Ef maður opnar krukku til dæmis þá er maður algjör ofurhetja í þeirra augum því það er eitthvað sem þau hafa ekki getað gert í kannski fleiri ár en ég hef lifað ! Nú þarf ég bara að skella mér í smá "afvötnun" þar sem ég reyni að hætta að sukka með mat, nammi og áfengi og reyni að hreyfa mig meira og jafnvel fá mittið mitt aftur !

Góð versló til ykkar allra

Blaut skemmtun

2007-07-11T22:15:00.000+02:00

Brúðkaup á Samsö
Ferðalagið byrjaði mjög illa en það var hellirigning og ferjan biluð þannig að við þurftum að bíða í pínu litlum bæ í tvo klukkutíma. Við gerðum gott úr því og keyptum bjór og pizzu. Fyrsta nóttin í blautu tjaldi var ekki góð þar sem vindsængin hans Frank var ónýt þannig að hann svaf ekki neitt og ég svaf kannski í 2 eða 3 tíma. Parið var svo gift í mjög krúttlegri gamalli kirkju á ótrúlega fallegum stað á eyjunni. Veislan var fín með góðum mat og nóg af bæði víni og bjór. Haldnar voru margar hjartnæmar ræður þar sem mörg tár fengu að falla. Ég verð reyndar að viðurkenna að ég hata pínu stórar veislur þar sem ég þekki engann en þetta var svosem ágætt.

Við vorum mjög vel undirbúin undir mikla rigningu og vesen því það er jú alveg ljóst að þegar fröken Kristrún á að sofa í tjaldi rignir alveg pottþétt. Við höfðum rétt fyrir okkur en það rigndi alveg svakalega eins og fólk hefur væntanlega séð í fréttunum. Maður reyndi að sjálfsögðu bara að gera gott úr þessu sem tókst nokkuð vel þar sem við vorum í alveg frábærum vinahópi og ég vil bara þakka þeim fyrir frábæra hátíð ! :)
Við vorum í frekar stórum tjaldbúðum en þar voru til dæmis Siggi x og kærastan hans Lilja, Gunni og Nína og svo Biggi og Guðný frá Akureyri. Við hittum svo Hrönn, Jón og Önnu og Peter og Louise en þau bjuggu á öðrum stöðum en við . Við eyddum í raun ekki miklum tíma á sjálfu tjaldsvæðinu því það var svo mikið af góðri tónlist sem við vildum ekki missa af. Það er samt alltaf erfitt að sjá allt sem manni langar að sjá þannig að stundum var nett stress á manni að plana tónleika, pissuferðir, bjórferðir og vinahitting.

Okkur tókst þó að sjá : 1234, Detektivbyrån, The floor is made of lava, Arcade fire, LCD soundsystem, Björk, The Sounds, Beastie boys, Boris, Queens of the stone age, Annuals, Booka shade, The National, Hayseed Dixie, The Flaming lips, The Who, Red hot chili peppers, Dream of an opium eater, Wilco og Arctic monkeys. Samtals 20 bönd!
Flest af þessu var mjög gott en annað slapt. Nenni ekki að fara djúpt í einhverja gagnrýni þó.

Við vorum mjög ánægð og fegin að komast heim á hreint og gott klósett og hlýtt rúm ! Klósettin á Roskilde eru skandall en í byrjun hátíðar voru kamrarnir yfirfullir þannig að maður gat ekki notað þá og svo í lok hátíðarinnar var enginn klósettpappír neinstaðar og ef maður reyndi að fá pappír frá starfsfólkinu var bara sagt nei. ok smá tuð ! Það var gaman og mig langar að fara aftur á næsta ári en myndi samt hugsa mig tvisvar um ef veðrið verður jafn vont.

Á morgun koma svo ofurgellurnar Sólrún og Anna Þorbjörg og Guð hvað mig hlakkar hrikalega til að sjá þær!!!

Whats new pussycat?

2007-06-27T21:04:00.000+02:00

Finnst ég skulda bloggfærslu þannig að þessi er kannski pínu löng, sorry

Það hefur verið mikið um að vera hér hjá okkur. Ég er að vinna á fullu sem er í raun fínt en er þó að fara í smá sumarfrí næstu tvær vikurnar. Næst á dagskrá hjá okkur er að fara til Samsö en þar verður haldið brúðkaup á laugardaginn. Ég fór einmitt í kjólaleiðangur í seinustu viku og endaði í H&M en þar var úrvalið eiginlega alltof mikið þannig að ég endaði með þrjá kjóla sem ég fílaði og ákvað að kaupa þá alla haha! Þeir kostuðu samt innan við 500 DK sem er fáránlega ódýrt. Við munum sofa í tjaldi á Samsö svo við vonum að veðrið verði bærilegt en núna seinustu dagana hefur veðrið verið ömurlegt, rigning og rok!. Svo á þriðjudaginn munum við fara á Hróaskelduhátíðina góðu :) Alltaf þegar ég ætla að sofa í tjaldi kemur rigning þannig að það er alveg ljóst hvernig veðrið verður ! Allaveg þetta verður geggjað gaman og ég hlakka svakalega til.

Það helsta í fréttum er að við Frank fórum á Modest Mouse tónleikana í gær en þeir voru alveg hrikalega góðir. Þeir fengu fimm stjörnur af sex mögulegum í tónlistartímariti hérna sem er ekki slæmt. Það var ótrúlegur kraftur í þeim en þeir eru sex manns í hljómsveitinni og eru með allskonar hljóðfæri, þar á meðal tvö sett trommur, trompet, selló, bongótrommur,harmonikku, banjó plús allt þetta venjulega. Söngurinn er líka náttúrulega einn af þeirra bestu þáttum. Þetta voru rosalega litlir tónleikar en við vorum í mesta lagi 1000 manns þrátt fyrir að það hafi verið uppselt. Maður nær einhvernveginn að njóta tónlistarinnar betur á svona tónleikum. Það einasta sem ég get sett út á þessa tónleika var að þeir klúðruðu uppáhaldslaginu mínu, Float on, sem var pínu svekkelsi en what ever ég skemmti mér vel.

Við fórum reyndar á aðeins "rafrænni" tónleika á laugardaginn en við skelltum okkur á Chokolade Fabriken sem er frekar cool staður sem er skiptur upp í nokkrar hæðir með mismunandi tónlistarstefnum. Í kjallaranum eru alltaf frekar undergroundlegir tónleikar, sumir rosalega lélegir en aðrir cool en það er samt alltaf gaman að tékka á þeim. Á laugardaginn voru þrír raftónlistarmenn að spila, einn frá Bandaríkjunum, einn frá Þýskalandi og einn frá Danmörku. Við vorum nánast einu áhorfendurnir þannig að við sátum svo bara og spjölluðum við þetta fólk sem var mjög áhugavert. Einnig fengum við fjóra ókeypis bjóra sem skaðabætur fyrir mannleysið ! geggjað :) Áhugaverðasta framkoman var án ef frá þýsku stelpunni en hún var íklædd búningi sem hún hafði sjálf hannað og saumað, þetta var nokkurskonar glamúr ofurhetju búningur sem hún klæddi sig svo úr. Frekar fyndið en mjög töff líka. Danska stelpan var líka fyndin en hún kallar sig Esther Lauder og tók til dæmis Erotica eftir Madonnu en breytti textanum svo að hann var: Get your hand right off of my body. ok hljómar ekki fyndið núna, you had to be there. Svo eyddum við restinni af kvöldinu í að spjalla við tvo gaura frá Nýja Sjálandi sem var líka frekar áhugavert. Ég tala yfirleitt aldrei við ókunnuga hérna í DK því það tíðkast ekki en Frank var alveg æstur í að tala við fólk sem var svo fínt því þá var ísinn brotinn.

Jæja nú er nóg komið!

Ég mun svo að sjálfsögðu setja inn frekar fréttir af okkur á næstunni

Winter-birthday-Ålborg-Skagen

2007-06-15T14:57:00.000+02:00

Hi there,

I've made a soundslide with pictures from our winter, my birthday and our great summer trip to Ålborg visiting Eydís, Óli and the kids. So turn on your speakers and click here

Have a nice summer :-)

Frank

Sweet sommer

2007-06-13T22:57:00.000+02:00

Álaborgarferðin góða :

Ég fékk frí föst, laug og sun og við fórum til Álaborgar. Það var ÆÐI ! Við fengum besta veður ársins og höfðum það ótrúlega gott. Það var drukkinn í skaldur bjór og Cider allaleið frá Svíþjóð! Kassagítarinn var notaður óspart en nokkur gömul góð drykkjulög fengu að fjúka í sumarblíðunni þegar líða fór á kveld og nágrannarnir dáleiddust af hljómfagri röddu Óla og buðu okkur að koma yfir til þeirra og syngja með þeim. Mikið glens og gaman þar! Það besta við að drekka áfengi í svona gríðarlegum hita er að maður svitnar öllu út í gegnum húðina þannig að maður þarf ekki að pissa eins mikið OG það besta er að maður verður alls ekkert þunnur! Ókosturinn er svo að maður þarf að drekka ansi mikið og svo angar maður eins og unglingaherbergi, það er sko versta lykt sem til er!
Börnin voru bæði falleg og ljúf eins og alltaf og Frank kom þvílíkt á óvart með ýmsum pabbatrixum, held barasta að hann sé sniðinn í pabbahlutverkið þó hann vilji ekki viðurkenna það hehe.
Við fórum í ævintýraferð til Skagen sem er rosalega krúttlegur og fallegur bær, pínu eins og dúkkubær með fullt af flottum og pínulitlum húsum. Þetta er reyndar túristabær sem er víst tómur á veturnar. Það var varla Dani á ferð þarna því bærinn var yfirfullur af blindfullum, en mjög glöðum, Svíjum og Norðmönnum. Við nutum okkar bara á ströndinni og kældum okkur niður í sjónum, sumir amk hehe en ég er pínu hrædd við öll dýrin í sjónum þannig að ég lá bara á teppinu og sólaði mig. Við urðum að sjálfsögðu öll mjög brún og rauð en það eru víst litir sumarsins! Það ætti í raun að vera rauður og brúnn fáni í tilefni þess. Dagurinn fór reyndar næstum í vaskinn vegna örðuleika í lestarkerfinu sem er alltaf í tómu rugli á sumrin en því var svo reddað sem betur fer en það fór langur tími í að bíða og vona. Fall er fararheil var okkar mottó:)
"Vegna veðurs" var svo áætlaðri dýragarðsferð aflýst því við gátum barasta ekki hætt að "hugga okkur" úti á pallinum þeirra Óla og Eydísar sem er mjög stór og næs og svo var lítil uppblásin sundlaug sem maður gat dýft heitum tánum í kalt vatn. Við eyddum miklum tíma þar í sólinni sem var alveg rosalega gott og ég fékk smá lit á hvítu húðina mína jeijj. Frank varð reyndar veikur og svo gleymdi ég tannburstanum mínum og var svo vitlaus að fá hans lánaðan og varð auðvitað veik líka. Við erum semsagt bæði lyktar og bragðskynslaus núna og full af hori, namm!

Ætla að reyna að henda inn myndum á morgun en Frank liggur í rúminu núna og er að deyja úr slappleika.

Kyss kyss

Sumarið er hér

2007-06-07T21:24:00.000+02:00

Verð að viðurkenna að það er komin viss bloggleti í mig, það er kannski því sólin skín og manni langar bara að nota tímann til að njóta sín á meðan á þessari blíðu stendur. Í dag var ég búin í vinnunni klukkan tvö og svo klukkan þrjú skelltum við okkur í skóginn með teppi, gos, bjór, súkkulaði og apríkósur. Huggulegt! Eftir afslöppun og einn lítinn bjór steinsofnaði ég og brann nett á bakinu.

Það eina sem mér finnst bara svo pirrandi við þetta veður er að ég á aldrei nein sumardress því maður hefur nú ekki þurft að kaupa mikið af stuttermabolum og þess háttar þegar maður bjó á Íslandi. Ég sakna til dæmis Topshop en það er ekki nein Topshop búð hérna sem er bara skandall. Ég kíkti nú samt á heimasíðuna þeirra í dag og vá!! Stundum fær maður bara algjört ógeð á öllum þessum H&M vörum því það eru allir í þessu alls staðar og svo eru gæðin oft frekar lítil í þessum pjötlum, enda það ódýrasta sem hægt er að finna hér. Væri til í eitthvað svipað sem hefur aðeins meira edge og ekki allir eiga og þá er Topshop tilvalið. Kannski maður splæsi í sig einhverju af heimasíðunni þeirra er reyndar nett blönk núna þar sem ég hef ekki fengið neitt útborgað ennþá. Ég er nýbúin að fá smá yfirdrátt á kortið mitt sem er fyrsta skiptið sem ég skulda peninga hérna í Danmörk sem er nú alveg ágætt finnst mér þar sem ég er búin að búa hérna í tvö ár. já já mín vandamál eru sko bara lúxusvandamál sem þið eruð öruglega að gera grín að í huganum núna !! haha er það ekki?

Erum svo að fara til Álaborgar á morgun sem er bara æðislegt og okkur hlakkar rosalega til að hitta Óla og Eydísi og þeirra yndislegu börn. Við ætlum að reyna að tékka á einhverju menningarlegu en það er ekki alveg ákveðið hvað það verður. Það eina sem er á hreinu er að veðrið á eftir að leika við okkur og við munum örugglega sötra bjór og borða grillmat :) Það er yndislegt að vera í Danmörku á sumrin :)

Skrítnir hlutir á götum úti

2007-05-25T19:59:00.000+02:00

Var úti að morgni til á leiðinni á strætóstoppistöðina og mæti þá gaur á fullri ferð á hjólinu sínu , sem er ekki frásögu færandi nema...að hann var að tannbursta sig!

Var svo í búðinni að kaupa eitthvað að borða og konan fyrir framan mig í röðinni hafði bara einn hlut en það var stór Martini flaska, sem er ekki frásögu færandi nema... að þegar ég kom út úr búðinni sé ég hana í bílnum sínum á bílastæðinu fyrir utan að taka stóran slurk af flöskunni!

Var í vinnunni á leiðinni til gamallar konu þegar ég sé mjög venjulegan ungan mann, sem var kannski nett búttaður, á gangi, sem er ekki frásögu færandi nema... allt í einu hleypur hann eins hratt og hann getur. Alveg furðulega hratt og eins og hann væri að missa af seinasta strætónum. Svo allt í einu sé ég að hann stoppar og byrjar að kasta jakkanum sínum í gangstéttina, aftur og aftur eins og hann væri alveg brjálaður. Svo einni sek seinna er hann bara á rólegu lalli.

Furðulegt en skondið, það margborgar sig að fylgjast grant með smáatriðum hversdagsleikans sem eru svo sjarmerandi og gera þetta allt worth the while.

Svo ein pínleg saga af sjálfri mér :

Á svona móðins buxur sem eru þröngar á kálfunum, held maður hafi kallað þær innvíðar buxur í gamla daga sem er kannski pínu fáránlegt orð. Einn morguninn þurfti ég að fara á fætur klukkan fimm því ég átti að byrja að vinna hálf sjö (langur strætótúr) þannig að ég var líklega frekar þreytt. Allavega þegar ég hafði verið í vinnunni í ca hálftíma sé ég að önnur buxnaskálmin er eitthvað stærri en hin og mér finnst líka eins og hún sé eitthvað þrengri, svo þegar ég fer að rannsaka þetta nánar sé ég að ég er með g- streng hangandi út úr skálminni!! Þá hafði ég semsagt klætt mig eitthvað fáránlega úr kvöldið áður þegar ég fór í sturtuna og g-strengurinn hefur bara fests þarna ! Ég stökk inn á klósett og fjarlægði hann og enginn tók eftir þessu...eða enginn sagði neitt!

Vonandi náði ég að valda einhverjum aulabrosum þarna úti :)

Gleðin tekin við

2007-05-22T17:00:00.000+02:00

Þá er heimaprófið afstaðið og gleðin er tekin við :) Í dag var svakalega heitt og ég og Frank nutum góða veðursins og fórum meðal annars niður á bryggju að kaupa Ýsu!! jeijj hef aldrei borðað ýsu hérna áður því þetta er alls ekki vinsæll fiskur meðal Danana, sem ég skil ekkert í !
Í gær eftir að hafa skilað inn heimaprófinu klukkan um tíu um morguninn, fór ég og tveir samnemendur niðrí bæ að drekka bjór, já þið heyrðuð rétt um hábjartan daginn! Þetta var nú frekar rólegt miðað við svona "alvöru" djammkvöld en mjög "hyggeligt" samt sem áður. Takk Haukur og Kamilla ;)

Hef alltaf fundist Japan vera heillandi land með frábærri menningu. Japanarnir nota til dæmis miklu krúttlegri broskalla en við, tékkit át

:-) en svona í Japan (^_^)

:-( = (;_;)

;-) = (~_^)

Ok reyndar miklu flóknara að gera Japönsku kallana á lyklaborði en kannski léttara í síma.

Las semsagt að það er einhver atferlisfræðingur sem dróg þá ályktun að við sýnum tilfinningar okkar með munninum, sjáið að broskallarnir okkar hafa mismunandi munna en augun breytast lítið, en Japanarnir sýna tilfinningar með augunum, sjáið að augun breyta bara en ekkert annað.

Athyglisvert

Leiðinleg helgi

2007-05-20T13:32:00.000+02:00

Helgin fór semsagt í að læra! Ég hélt að ég ættti minna eftir af heimaprófinu og hafði í raun gert ráð fyrir að chilla um helgina EN nei svo var ég bara sveitt við að klára þetta verkefni, allan föstudaginn og gærdaginn. Ætla reyndar bara að taka því rólega í dag og láta Frank fara yfir verkefnið. Er ekki alveg nógu vön því að skrifa á ensku og er nett léleg. Svo tekur vinnan við hjá mér á miðvikudaginn sem er svosem ekkert slæmt. Það er bara samt svo leiðinlegt að þurfa að vinna þegar mamma og pabbi koma að heimsækja mig í júlí :( Vonandi næ ég að skæla út einhverja nokkra daga, er bara svo léleg í að vera frek!

Sumarið er farið að láta sjá sig aftur í dag sem er yndislegt og ég get tekið gleði mína á ný :)

Hetjan mín

2007-05-16T22:07:00.000+02:00

Kate Moss nakin á...Verner Panton stól! Ekki bara einhver stóll ó nei heldur einn frægasti stóll heimsins OG hannaður af dönskum hönnuði. Þetta er semsagt fyrsti stóll í sögu hönnunar sem er gerður úr aðeins einu stykki og það plast stykki. Í mínum augum er hann aðal hippa hönnuðurinn, hann hannaði til dæmis húsgagnalandslag þar sem átti að vera auðvelt að "njóta ásta" hvar og hvernig sem var. Nú á dögum Retróins þá er hann orðinn ansi heitur. Ég og Frank erum aðdáendur, kannski aðallega ég, því við eigum sjálf tvo stóla og eitt ljós eftir hann. En áhuginn kviknaði aðallega eftir að hafa verið á Stereobar þar sem öll húsgögnin eru hönnuð af honum. Allavega ! ástæðan fyrir því að ég ákvað að skrifa þetta blogg um þenna svala hönnuð, sem er því miður látinn, er að ég horfði á Ugly Betty í kvöld og vá hvað skrifstofan í þeim þætti er ógeðslega flott!! Ein ástæðan er að það er mjög mikið retró look í gangi þar með mikið af gleri og plast húsgögnum. Í fundarherberginu eru til dæmis allair stólarnir Panton stólar eins og á myndunum hér! Sýnist svo að það séu svo einstaka lampar eftir hann. Allaveg svaka flott að mínu mati! Það eru líka svona details eins og hvítir vasar (ég er með vasa dellu') í upplýstum hillum sem mér finnst svo ótrúlega flott.

Svo er hann bara svo krúttlegur!! Algjör jólasveinn. Mottóið hans var að leika sér svo lengi hann lifði og hafa gaman að lífinu :) Blessuð sé hans minning og takið mottóið hans ykkur til fyrirmyndar!

101

2007-05-15T19:39:00.000+02:00

Þetta er þá 101.færslan okkar! Anna vinkona er flutt á 101 Reykjavík. Tilviljun?? Ég burstaði tennurnar 101 sinni í morgun en venjulega bursta ég þær bara hundrað sinnum. Tilviljun??

Er annars bara í prófi núna sem er alveg ótrúlega leiðinlegt því ég er löt og næstum því alveg skítsama um þennan áfanga sem ég var neydd til að taka. Þetta er semsagt heimapróf sem tekur alltof langan tíma en ég hafði 2 vikur til að skrifa 10 blaðsíðna ritgerð. Skil á mán.

Það var gaman um helgina þrátt fyrir að ég sé í prófi. Við Frank fórum að sjá stelpu úr bekknum mínum spila og syngja á mjög litlum en kósý bar. Hún stóð sig vel á píanóið og í söngnum en hún hafði líka trommuleikara og sellóleikara. Tónlistin hljómaði eins og sæt útgáfa af Tori Amos. Við hittum svo tvö önnur pör og gengum um bæinn og drukkum bjór og hlustuðum á ókeypis tónlist hér og þar. By the way þá var tónlistarhátið hér í bæ þar sem 270 hljómsveitir spiluðu á líklegum og ólíklegum stöðum en enginn vissi hvar eða hvenær. Við sáum bara 101 hljómsveit spila. Það var því nett fyllerí í gangi sem endaði svo með því að við borðuðum geðveikt góðar samlokur, risastórar, á frekar fínu kaffihúsi. Frank röflaði lengi,lengi og hátt um hversu pirrandi samlokan hans var en þetta voru svona fancy samlokur þar sem er spjót í gegnum í miðjunni.Hann skildi ekkert í því hvernig hann átti að borða þetta. Við vorum svo komin heim klukkan ellefu um kvöldið! Gott að byrja að drekka snemma ;)

Bæ

2007-05-11T19:20:00.000+02:00

enough said......

Keen eye for clothes-folding guy

2007-05-07T14:51:00.000+02:00

The kid in this video is a natural at folding clothes in a precise and sophisticated manner. Watch this video and learn the Japanese way of folding your shirts - it is useful household magic, brought to you by a teen wizard with an unusual hobby.

/Frank